Archives de l’auteur : Amakuru ki ?

Le parti FDU-Inkingi appelle les USA à prendre des sanctions contre le Rwanda

Communiqué des Forces Démocratiques Unifiées (FDU)

Les Forces Démocratiques Unifiées (FDU), parti d’opposition rwandaise, tiennent à exprimer leur profonde gratitude envers l’Ambassade des États-Unis à Kinshasa pour sa prise de position concernant la situation actuelle en République Démocratique du Congo (RDC), particulièrement en ce qui concerne les menaces posées par le lancement de l’Alliance du Fleuve Congo sous la direction des individus sanctionnés tels que Corneille Nangaa et Michel Rukunda, ainsi que le groupe M23.

Nous apprécions la reconnaissance des États-Unis quant à l’importance de la paix, de la sécurité et de la stabilité dans notre région, ainsi que leur engagement à soutenir les droits civils et politiques du peuple congolais. Cette position est un pas significatif vers la reconnaissance et la résolution des défis que nous affrontons dans la région.

Cependant, nous demandons aux États-Unis ainsi qu’à leurs partenaires, d’aller plus loin en prenant des mesures concrètes contre le régime rwandais, dont le soutien et la participation dans le conflit à l’est de la RDC sont bien documentés. Les États-Unis sont le plus grand contributeur à l’aide bilatérale, avec plus de 170 millions de dollars annuellement. Nous croyons que des actions plus directes et significatives, telles que la suspension de cette aide, les sanctions financières contre le haut commandement de l’armée du régime, et l’imposition de restrictions de visas, sont nécessaires pour adresser efficacement les causes profondes de l’instabilité dans notre région.

Ces mesures renforceraient le message que les actions compromettant la paix et la démocratie ne seront pas tolérées. Elles appuieraient également les efforts régionaux pour une résolution pacifique du conflit, notamment les processus de Luanda et de Nairobi.

Les FDU restent engagées à collaborer avec toutes les parties intéressées à apporter une solution pacifique au conflit et à assurer la stabilité et la prospérité de la RDC et de ses citoyens.

Fait à Bruxelles, le 17 décembre 2023,
Placide Kayumba,
Président des FDU-Inkingi.

Ikiganiro cyanyuze kuri East Africa Daily hagati ya Jean Paul Turayishimye na Jean Pierre wiyise Mugabe

Tariki cyatambutseho kuri Youtube : 08/05/ 2023

Igihe kimara : 2h :55 :45

Inyito yacyo : Jean Pierre Mugabe yazize gutuka umukuru w’igihugu, ahungira muri FPR avuze ishingwa ry’INTERAHAMWE.

Cyakurikiwe : 16K

Cyakunzwe kugeza none 15 h 15 : abakurikizi 174

Commentaires :288 kugeza kuri iyi saha abakineguye muri aba barenze 90% nta na 10% bakivuze imyato ngo bakirate. Bivugwa ko kitakunzwe kandi cyagabanije agaciro abakurikizi bari basanzwe baha uyu nyiri iyi chaine You Tube ya East Africa Daily ndetse benshi babimutangarije.

INCAMAKE Y’IBYANEGUWE BYASOHOTSE MURI CHAT :

Kwikuza birengeje kwa MUGABE.

Ibyo bigaragara aho yiyemereza ubwe ko yari umusore muto cyane, ndetse yanabanje kwiyita umwana nuko Jean Paul aramucyamura aza kwemera ko ibyo arimo kuvuga byamubayeho afite imyaka 22.

Yemeza ko ari Président HABYARIMANA ubwe wamufungishije atanze itegeko . Ibi biteye kwibaza. Ni ikihe gitutsi yatutse Président HABYARIMANA cyatumye we ubwe ahaguruka akamwikurikiranira? Ntibyunvikana, ni ibyo kwibazwaho.

Tugarutse ku byo ashaka kwemeza by’ ubushyamirane bwe na Président HABYARIMANA twashatse kumenya neza MUGABE ni muntu ki ? Nkuko twabitohoje uyu musore MUGABE witwaga KATAMOBWA nka se, akomoka mu muryango usanzwe rwose. Se umubyara yari umunyezamu i Kigali.

Umuryango wa Jean Pierre wiyita MUGABE kuko abo biganye n’abo babyirukanye bo bamuzi ku izina rya KATAMOBWA, wari utuye mu nkengero z’umujyi wa KIGALI, ahitwa ku Kimisagara muri segiteri yategekwaga na Madamu Rose KAMASHARA.

Aha na none twakwibaza : igihe yahinduriye izina rye n’impanvyu yabimuteye.

Ahantu henshi mu kiganiro arizamura cyane akiha umwanya atari afite mu mibereho n’imibanire ya rubanda, muri politiki no mu rwego rw’ubukungu. (Sur le plan social, politique et économique).

Yari umusore nk’abandi ariko we ntabwo abyemera urasanga yisumbukuruza mu byo yatanzemo ingero byose.

Yemeza ko yisangaga kuri TWAGIRAMUNGU Faustin, MUGENZI Justin, Landouard NDASINGWA, aba bose bari abakuru b’amashyaka. Yemeza ko yasangiraga ku meza n’abakuru ba FPR iyo ku MULINDI mbega ko yavuganaga n’abakuru b’amashyaka nkaho banganya icyubahiro na rang social. Iwabo yinjiraga adakomanze.

Ari abantu bakuriye hamwe mu ishuri rya Seminari ntoya ya RUTONGO atarangije kuko ngo yaje kwirukanwa, ari abo bakoranye bya hafi mu itangazamakuru, bose bemeza ko MUGABE yari azi « GUCABIRANYA » no « GUCENGERA » !

Gushingira inkuru ze ku bihuha byatambukaga mu gihe cy’amashyaka menshi.

Urugero : kwemeza ko Président HABYARIMANA n’umuryango we, harimo Madamu we n’abana be bibye.

Ibi kikaba aricyo yita igitutsi yatutse HABYARIMANA. Twebwe tugasanga ari ugusebanya no gukwiza ibihuha. Ko ari umunyamakuru wiyita n’umushakashatsi yagombye kugaragaza ingingo zikurikira :

Aba yita abajura bagiye mu ruhe rubanza rubahamya icyo cyaha ? Bibye ryari ? Bibye iki ? Abo bana bakekwa ko bafatanije na se kwiba ni bande ko umuryango wa HABYARIMANA wari uzwi? Bakoraga mu zihe services zibaha umwanya n’uburyo bwo kwiba Leta ? Madamu HABYARIMANA we se yakoraga iki muri Leta ku buryo yaba umufatanyacyaha n’umugabo we ?

MUGABE ko hano yigize « Bamenya » ko atatubwira ibyo bibye aho babihishe? Muri Paradis fiscal ? Basanze comptes zabo mu Rwanda cyangwa mu mahanga ziriho imali ingana iki ? Ibyo byose ntabwo bisobanutse . Yagendeye ku gihuha n’urubwa rwari rwatangiye kuvuka muri politiki y’amashyaka ashyamiranye n’iryari ku butegetsi ariryo MRND ya Président HABYARIMANA.

Uriya mupfumu yemeza ko ari uwa HABYARIMANA :

Iyi nvugo ihuje neza neza nk’iya FPR kuva yafata ubutegetsi no kugeza ubu ikoresha igamije guharabika uwahoze ari umukuru w’Igihugu HABYARIMANA Juvénal ivuga ko yiberaga mu bapfumu, ko mu nzu ye basanzemo ikiyoka kinini, ko hari ubwiherero yakirriagamo abapfumu n’ibindi. Nyamara iyo nzu ye yatuwemo na Président Pasteur BIZIMUNGU, ibi biharabikano byaje ayivuyemo.

Gusa ntibitangaje ko MUGABE abisubiramo kubera ko yiyemerera UBWE ko yahoze akorera FPR, wenda akazi ke ntabwo karangiranye n’ihunga rye.

Nk’inkuru ajya kuzahura y’ifungwa rya Ministre Gatabazi Félicien akayihuza n’amashyaka n’uturere ni ukujijisha. Ati « yari Ministre wa Travaux Publics, baramufunga bamuziza ko ari umunyenduga ». Ibi bihuje na bya bihuha bya FPR twavuze.

Bizwi ko GATABAZI Félicien yafunzwe nyuma y’urubanza rwaciriwe mu ruhame, mu idosiye y’imicungire y’ikibazo cy’impunzi z’abanyarwanda bari birukanwe muri Ouganda muri 1982, ku gihe cy’ubutegetsi bwa Milton OBOTE. Icyo gihe rero GATABAZI yabazwaga ibyabaye akiri ministri w’Imibereho Myiza n’Amajyambere y’Abaturage (Ministère des Affaires Sociales et du Développement Communautaire).

Ntabwo rero yazize ko yari umunyenduga, yazize imicungire mibi y’infashanyo zari zigenewe izo mpunzi.

Guhuzagurika, kwibagirwa, gukekeranya, kwivuguruza no kuvanga inkuru cyangwa amazina y’abantu n’ahantu.

Aha niho hateye kwibaza ku muntu wihaye titres eshatu : Umunyamakuru, Umushakashatsi, Maneko wa DMI ndetse akaba yunva bamwita umwanditsi kuko ngo yanditse igitabo avugamo bimwe mu binyoma yemeza muri iki kiganiro.

Ku mu maneko wa DMI kwitiranya MUGESERA Antoine, wabaye Sénateur wa FPR uyu yakoragamo yanayobotse mu ikubitiro, na MUGESERA Léon « wemezwa ko yashinze Interahamwe akajya no kuzishishikariza abayoboke mu mashuri makuru muri 1981 », ntabwo byunvikana !!!

Hagombye imbaraga nyinshyi za Jean Paul TURAYISHIMYE kugirango MUGABE yigarure, amenye itandukanirizo rya ba Mugesera bombi.

KAMASHARA Rose wari Conseillère wa Kimisagara aramwita KARWERA nyamara yari atuye muri segiteri yayoborwaga nuwo mudam Rose.

MUGABE agafata Colonel Simba Aloys akamujyana muri Cyangugu ngo niho avuka kandi akomoka i Gikongoro.

Préfet Renzaho Tharcisse nawe uvugwa ko yatanze imbunda mu Nterahamwe ntabwo yibukaga izina rye ku muntu wari préfet , aba akomeye ku buryo utamwibagirwa uri umunyamakuru , umushakashatsi na maneko wa DMI ugakubitiraho kuba umwanditsi.

Hari ibikurikizwa ntarengwa iyo watangiye kuba umunyamakuru n’umushakashatsi : Ufata notes ukandika buri kantu, ukazasubira mu byo uzi neza atari ugukekeranya.

Kubeshya ko Mme Nkundiye yapfuye yiciwe kuri barrière kubera ko yari umututsikazi. Uyu Mudamu ariho, twakwishimira ndetse ko ari kumwe n’abana be.

Kubeshya ko uwitwa Katumbi yiciwe muri gare nukugabanya ubugome no gusomboroza abaturage FPR yiciye. KATUMBI yiciwe iwe mu nzu azize grenade banyujije mu idirishya nkuko iyo ari modus opérandi yo kwica kwa FPR.

Niko Taxiwoman wari watwaye inkotanyi zishe Gatabazi Félicien yishwe, niko Bourmestre Rwambuka Fidèle yishwe nawe iwe azize grenade inazwe mu idirishya umwicanyi aturutse inyuma y’inzu.

Kwemeza ibintu nkaho yabihagazeho mu by’ukuri ari ibihimbano cyangwa se ibitagira gihamya.

Ingero eshatu zagaragajwe n’abatanze commentaires cyangwa ibibazo.

Biriya bihumbi ijana by’amafranga avugwa ko yahawe Interahamwe noneho abana b’abakire bakayirira barimo abahungu babiri ba HABYARIMANA, aba Mbonabaryi 2, na Robert Simba wa Simba Aloys n’umuhungu wa Rwagafirita. Yibasiye aba bana kandi urebye yaragendanaga na bamwe muri bo niba barayariye barayasangiye. Ese yamenye ate ko MRND yayatanze ko atavuze ngo yari gestionnaire de crédits wayo. Niwe se yanyujijweho ?

Ati hakozwe plan yo kunyica ndayimenya : Abacuraga umugambi wo kumwica babimubwiraga mbere ? Kuki yemeza nta no gukoresha « Conditionnel » ko imigambi mibisha yo kumwica yacurirwaga kwa HABYARIMANA kandi twerekanye ko NTAHO BARI BAHURIYE NTA N’ICYO BAPFAGA !

Ese ko hari abandi banyamakuru bandikaga ibintu bikakakaye kuri HABYARIMANA bisumbye kure ziriya caricatures zo muri le Tribun du Peuple avuga, kuki HABYARIMANA atabicishije ? Hari ibinyamakuru byinshi byari bibogamiye ku mashyaka yari ashyamiranye na MRND byandikwaga n’abahutu cyangwa abatutsi, byanengaga ubutegetsi bwa HABYARIMANA , hari izindi nyandiko zagiye zijya ahagaragara nk’iyiswe « Ikiguri nunga » ya Mfizi Christophe wari ukomeye mu kazi ka Leta , abo bose ntawakorewe umugambi wo kwicwa cyangwa ngo abifungirwe…Ibi biratuma uwunvise kiriya kiganiro yahamya ko MUGABE yikuza akarenza uko areshya.

INYITO Y’IKIGANIRO N’UKO YUBAHIRIJWE :

Umukurikizi w’iki kiganiro ashiturwa n’inyito yacyo. Bibaho ko abanyamakuru cyangwa abayobora za réseaux sociaux baremereza imitwe y’ibiganiro kugirango bironkere abakurikizi benshi. Iki kiganiro uko cyiswe ntabwo ariko cyatanzwe.

Ahubwo MUGABE Jean Pierre yaboneyeho umwanya wo guhambiranya ibintu yavugaga ngo arabizi neza kandi mu byukuri bihabanye n’ukuri. Ni byinshi cyane bimwe bita mu gifransa « les amalgames et contradictions notoires ».

Twari twiteze kunva igitutsi gihambaye MUGABE yatinyutse gutuka HABYARIMANA ntitwacyunvise ! Twari dutegereje kunva amavu n’amavuko y’INTERAHAMWE ntabyo twungutse.

Ahubwo muri iki kiganiro MUGABE yagaragaje ubukana mu gusebanya no kuvuga ibyo atazi neza bidafite aho bihuriye na mba n’inyito y’iki kiganiro.

Ingero :

Kuri MRND : MUGABE aragira ati : « Muri 1981, HABYARIMANA yohereza Bonaventure HABIMANA muri Chine (Ubushinwa) ngo ajye kwiga amatwara y’ubukomuniste. Nyuma ngo aza kumugira Umunyamabanga mukuru wa MRND. Nyamara HABIMANA Bonaventure yagizwe Umunyamabanga mukuru wa MRND muri 1976 hashize umwaka umwe gusa Muvoma ishinzwe

MUGABE akongera ati : «Ariko ubutegetsi bwa HABYARIMANA bwari bumeze nk’uburi hagati ya za blocs zombi zategekaga imigendere y’isi, le bloc soviétique twakwita abacommuniste, na bloc américain twakwita ko ishingiye kuri capitalisme. Yakoresheje ijambo rya « neutralité positive ».

Dukurikije ibyo Jean Pierre avuga, wagira ngo BONAVENTURE HABIMANA yari umukozi usanzwe mu nzego zo hasi za administration, wakoherezwa kwiga, cyangwa gukora stage, akamara igihe hanze.

Nyamara tuzi ko muri icyo gihe cya 1981, Jean Pierre avuga, Bonaventure HABIMANA wigeze kuba Ministre wa Justice (1973- 1976), yari Umunyamabanga mukuru wa MRND, dusanga ko bitunvikana ko Umutegetsi wari kuri urwo rwego rwa kabiri nyuma ya Prezida wa Républika yasiga inshingano ze ngo ajye kwiga « ubukomunisti » butanajyanye n’umurongo ishyaka ryagenderagaho, ariwo wa « démocratie-chrétienne » nkuko tuza kubisobanura. MU BY’UKURI NTAHO HABIMANA YAGIYE KWIGA KUYOBORA MRND.

Twakwibutsa ko MRND yabanaga n’amashyaka cyangwa imiryango d’obédience démocrate-chrétienne nka za CDU mu Budage na Fondation yayo Konrad Adenauer, imiryango nka CSC- la Confédération des Syndicats Chrétiens mu Bubiligi ari nayo yafashije MRND gushinga CESTRAR – Centrale Syndicale des Travailleurs Rwandais muri 1985.

MRND kandi yabanaga na MOC ou Mouvement Ouvrier Chrétien de Belgique nayo yafashije gushyiraho Urugaga rw’Abanyarwandakazi mu Majyambere – URAMA rwari rushingiye kuri MRND muri 1989.

MRND yabanaga kandi n’amashaka amwe n’amwe mu bihugu by’abaturanyi nka MPR yo muri Zaïre, UPRONA mu Burundi na CAMA CA MAPINDUZI yo muri Tanzaniya.

HABIMANA Bonaventure mu rwego rwo gutsura umubano n’andi mashyaka yakoze ingendo mu bihugu by’inshuti ajya gusura amashyaka yaho.

Kuri MRND na none arongera ati :

« Muri 1981 uwitwa Mme MUTWE KARWERA Espérance wakoraga muri Protocole ya HABYARIMANA we na MUGESERA Antoine (yitiranije na MUGESERA Léon), bazengurutse amashuri yose makuru, ndetse baje no mu ishuri nigagamo gucengeza amatwara ya JMRND » arirwo rubyiruko rwa Muvoma imwe rukumbi.

Agakomeza ati muri 1991 : « Mu cyumba cya sinema cya La Sierra yari super marché twashoboraga kuguramo utuntu two kurya no kunwa n’amandazi » .

Ku bazi neza KIGALI, LA SIERRA yari akabari kahoze ari ak’abazungu. Ntabwo yari super marché nkuko byemezwa na MUGABE kandi nta n’ amandazi yacuruzwagamo muri icyo gihe.

MUGABE ati : « ba bandi babiri, Mme MUTWE KARWERA Espérance na MUGESERA (ariko noneho arakosora aba Léon)…bari bicaranye kuri podium hagati yabo hari Simba Robert , umuhungu wa Simba Aloys, hari kandi n’abana b’abategetsi batuye mu mujyi wa Kigali, bashyiraho JMRND ariyo izahindukamo INTERAHAMWE. Ati ariko JMRND yo ntiyari mbi nk’INTERAHAMWE zayoborwaga na Robert KAJUGA, na Phéneas na Rutaganda Georges ? umuhungu wa « préfet cyangwa bourgmestre wa Gitarama » uko nyirubwite yabyivugiye.

Twibutse ko uyu Georges Rutaganda ari umuhungu w’ uwahoze ari Bourgmestre wa Komini Masango,muri préfecture ya Gitarama, Mpamo Esdras. Iyi lapsus ku mu maneko wa DMI, umunyamakuru w’umushakashatsi ntiyemewe !

Uko bigaragara muri narratif yuno MUGABE, ntabwo MRND Ishyaka rimwe rukumbi, ryigeze rigira priorité mu gushyiraho ishami ry’urubyiruko.

Aha kandi muri iyi interview hakaba hagaragara contradiction ikomeye muri calendrier y’ishyirwaho rya JMRND.

Ko yemeza ko muri 1981, hari abakozi babiri bazengurutse amashuri yisumbuye yose mu Rwanda basobanura ibya JMRND, bagarutse bate muri 1991 kongera kuyishinga ?

Usibye ko nuriya musore MUGABE muri 1981 atari yakageze muri secondaire avuga bamusanzemo kumucengezamo amatwara y’urubyiruko rwa MRND ishyaka rukumbi. Kiriya gihe yari umwana ufite nka 10 ans, ukurikije imyaka 22 yivugira ko yari afite muri 1991 ubwo bamujyanaga kumufunga !

Twabajije abo biganye muri séminaire i Rulindo, ntabwo bigeze bahabona abo bavugwa ko baje gutanga inyigisho kuri JMRND kandi ko izo nyigisho avuga batigeze bazihabwa na rimwe.

Ikindi kandi tuzi Mme MUTWE KARWERA nawe wari umunyamakuru, ntabwo twigeze tumubona muri service ya protocole ya Président HABYARIMANA.

MUGESERA Léon nawe muri 1981 : yari ataraza gukora muri MRND. BYUNVIKANE RERO KO NTAHO YARI GUHURIRA nuyu Mudamu ngo bakore za tournées mu mashuri yisumbuye icyo gihe muri 1981. Ibi ni ibihimbano.

Ikindi umukurikizi wa kiriya kiganiro cya Jean Pierre MUGABE na Jean Paul TURAYISHIMYE yakwibaza ni mu buhe buryo iyo JMRND muri 1991 yashinzwe Robert SIMBA. We yakoraga iki ko MUGABE atabisobanura ?

Mbese habaye itora ry’abari aho ? Habaye simple nomination se ? Yaje gusimburwa ate na Robert KAJUGA ko nabyo bidasobanutse usibye kutubwira ngo JMRND yo ntiyari mbi. Ko itari mbi bayisimburiye iki ?

Ko MUGABE yemeza ngo muri 1981 : Hasobanuwe JMRND y’ishyaka rya MRND, ishyaka rimwe rukumbi, akongera ati insoresore z’abakire batuye mu Kiyovu muri 1991 zashyizeho muri Sierra, JMRND iyoborwa na Robert SIMBA, kuki adasobanura impanvu yizo JMRND ebyiri zibangikanye, iyo muri 1981 niyo yindi yo muri 1991 ?

Utwo ni utubazo twerekana ko MUGABE nubwo yemeza ko yabikoreye ubushakashatsi ntabwo azi neza imikorere ya MRND avuga, ntazi inshingano z’Umunyamabanga mukuru wayo.

Turaza gusanga ko MUGABE acabiranya akavangavanga za MRND zombi, iyari ishyaka rimwe rukumbi ariryo « MOUVEMENT REVOLUTIONNAIRE NATIONAL POUR LE DEVELOPPEMENT » n’iryo mu ruhando rw’amashyaka menshi yatangiye kubaho kuva tariki 5 Nyakanga 1991 (MOUVEMENT REPUBLICAIN NATIONAL POUR LA DEMOCRATIE ET LE DEVELOPPEMENT).

Ntabwo abana b’abategetsi bakwipakiza muri la Sierra ngo barashyiraho umutwe w’urubyiruko wa MRND bitanyuze muri Comité Nyobozi y’ishyaka nkuko indi miryango iyishamikiyeho yavutse, ariyo CESTRAR NA URAMA.

Habaye des Assemblées constituantes zikoraniyemo abahagarariye bagenzi babo mu nzego zose z’igihugu, batora amategeko azagenga iyo miryango banatora abazabahagararira, hakurikijwe statuts n’amabwiriza bya MRND (MOUVEMENT REVOLUTIONNAIRE NATIONAL POUR LE DEVELOPPEMENT) nguko uko les organisations zishamikiye kuri MRND zajyagaho.

Kwemeza ibindi ni ugufindafinda.

Nta JMRND yigeze ibaho ku bwa MRND ya mbere nubwo wenda haba haratanzwe ibyifuzo byabo basore bahuriye muri Sierra bakagira icyo bavuga ku rubyiruko rwayo. Gutanga ibitekerezo no gushinga umuryango biratandukanye.

Aha niho MUGABE ateza urujijo mu kudatandukanya za MRND zombi yemeza ko JMRND yabayeho kandi ko ariyo yavuyemo INTERAHAMWE.

Utuntu n’utundi tudafite aho duhuriye n’ikiganiro ahubwo twerekeza kuri propagande ya FPR.

Isimburwa rya HABIMANA Bonaventure ku mwanya w’Ubunyamabanga mukuru wa MRND.

HABIMANA Bonaventure bitaga MUVOMA yabaye na ministre wa Justice (Ministeri y’Ubutabera) kuva 1973- 1976. Yigeze gufatanya uyu mulimo wa Ministre wa Justice n’Ubunyamabanga bukuru bwa MRND. Hanyuma aza kwiyegurira imilimo bwite ya MRND kuva 1976- 1991.

Mwunve kurushaho ukuntu atashoboraga kujya kwiga iby’ubukomunisti mu Bushinwa yari deuxième personnalité de la République. Habaye abakozi baciriritse bagiye boherezwa hirya no hino kwiga uko za organisations ahandi zikora : nko muri Cameroun, Ububiligi, Rhénanie Palatinat ndetse no kwiga système électoral yo muri Leta zunze ubumwe za Amerika etc.

N’abandi kandi bazaga kutwigiraho uko twubatse « philosophie y’umuganda » n’uko ukorwa, uko u RWANDA rugena uruhare rw’Umuganda mu majyambere y’igihugu bawushyira mu migambi ya Leta (Plan quinquennal de développement).

U RWANDA rugeze mu ruhando rw’amashyaka menshi MRND- MOUVEMENT REVOLUTIONNAIRE NATIONAL POUR LE DEVELOPPEMENT yarasheshwe HABIMANA Bonaventure, inshingano ze zo kuyibera UMUNYAMABANGA MUKURU zirangirira aho. Ntabwo rero yirukanwe kubera ko yari atunze umututsikazi nkuko MUGABE abyemeza. None se agirwa UMUNYAMABANGA MUKURU WA MRND, uwo mututsikazi ntiyari amutunze ?

Twibutse ko avuye ku Bunyamabanga bukuru bwa MRND ya mbere, HABIMANA Bonaventure wakomeje kwitwa MUVOMA, yashyizwe mu kanama k’inararibonye zatanze ibitekerezo byo guha umurongo amatwara y’impinduka mu gihugu aricyo bitaga « Commission Nationale de Synthèse » yari iyobowe na KAREMERA Edouard bitaga « RUKUSANYA ».

Aha nkaba naha MUGABE ka information gato (pour la petite histoire comme on dit en français) kuko nunvise mu kiganiro avugamo KAREKEZI Tharcisse sebukwe wa HABIMANA Bonaventure. Uwo mukambwe niwe wari waratsindiye isoko ryo kugemura inyama mu bigo bya gisirikari byose byari i Kigali. Nta muhezo rero umukwe we yagira ngo nuko atunze umututsikazi, umukobwa wa KAREKEZI. Uwitwa KAMALI Sylvestre nawe wari umukwe w’uwo KAREKEZI yari ambassadeur.

Ngo Général GATSINZI Marcel (que Dieu ait son âme kuko yatabarutse mu mezi ashize) yirukanwe ku mwanya wa Chef d’Etat-Major mu gihe cya génocide kubera ko yari umunyenduga nabyo sibyo kuko uriya GATSINZI avuka i Kigali neza mu mujyi, iwabo hahoze ari mu Kiyovu – Rugenge.

Ahubwo MUGABE wakoraga muri DMI ya FPR yaduhaye amakauru ku mikorere y’uwo Général GATSINZI avuga ko yabahaga amakuru ko nawe yari maneko wa FPR. None se ko abyivugira atyo, arakeka ko ku ruhande rwa Leta y ‘ u RWANDA ayo makuru bo batari bayafite ? None bamwirukanye ku mwanya wa Chef d’Etat -Major bigomba gutangaza no gushakirwa impanvu zidashyitse ngo yari umunyenduga ?

Consignation des armements des FAR par la MINUAR :

Kuri iki kibazo MUGABE ntakivuga nkuko byagenze: Bizwi ko intwaro z’abasilikari ba Gouvernement y’u Rwanda mu bigo by’i Kigali, ubwo biteguraga kwakira ingabo za FPR zizaza gucangwa, hakurikijwe amasezerano y’amahoro ya Arusha, MINUAR yabitse intwaro zose zidakenerwa ku izamu, izifungirana mu mangazini ikaba ariyo yonyine yibikaho infunguzo.

N’ikimenimenyi abasilikari ba Leta y’U Rwanda babaga bavuye muri za préfectures baje mu butumwa i Kigali nta ntwaro bari bemerewe kwitwaza.

Nyamara rero icyo MUGABE atavuze nuko abasilikari ba FPR bose cyane cyane abari bacumbikiwe muri CND i Kigali, bari bafite intwaro zabo bakanazitemberana.

MUGABE we yemeza ko mu gihugu cyose hari hakwiriye imbunda zihishwe zari kuzakoreshwa na ba ex- FAR démobilisés kumwe n’INTERAHAMWE muri Plan yise ko yari yarateguwe yo kumara abatutsi bari mu gihugu n’abazaba baturutse hanze. Iyo plan na none akemeza ko Président HABYARIMANA yari ayizi.

MUGABE agakomeza yemeza ko hanyuma y’ihanurwa ry’indege ya HABYARIMANA, Leta y’Abatabazi ya SINDIKUBWABO na Jean KAMBANDA bahisemo gukora plan B yo kumara abatutsi bari mu gihugu.

Iyi plan B nayo ntabwo MUGABE ayitangira ibimenyetso byaba byaravuye mu bushakashatsi bwe kimwe n’uko atavuga za sites izo mbunda zari zahishwemo, aho yazivumbuye n’igihe zavumburiwe.

Ihishwa ry’intwaro yitirira abasilikari ba gouvernement y’u Rwanda haje kuvumburwa ko ahubwo ari inkotanyi zazihishaga. Urugero : i Rutongo n’ahandi.

Ikindi cyakwibutswa hano :

Ko byunvikana ko atabaga ari mu manama ahakorerwa iyo migambi, yaba afite inyandiko yaba yaravumbuye ahantu akayishyira ahagaragara ?

Mbese ko Urukiko Mpanabyaha Mpuzamahanga rwa Arusha rwakase imanza za bamwe mu bategetsi ba Leta ya HABYARIMANA ko rutigeze rubahamya uwo mugambi w’ itegurwa ryo gutsembatsemba abatutsi mu gihugu. MUGABE WE AWUSHINGIRA KUKI ?

MUGABE we ko yemeza ko yakoze amaperereza yatanze uwo mwanzuro yifashishije abatangabuhamya bahe atagaragaza ? Nta n’inyandiko nimwe abigaragariza. Ahubwo akihutira kubihamya uwitwa Colonel BAGOSORA ubu witabye Imana kandi urukiko rwa Arusha rwo icyo cyaha rutakimushinja nkuko nta n’umwe mu banyarwanda ugishinjwa !

IVUKA RY’URUBYIRUKO BITA INTERAHAMWE.

Usibye iriya épisode yo muri Sierra nayo iterekana neza uko JMRND yasimbujwe INTERAHAMWE, usibye kandi ko mu nvugo ya MUGABE harimo icyuho kirekire cy’imyaka 10 hagati ya 1981 aho abeshya ko JMRND yasobanuwe mu mashuri yose yo mu Rwanda na 1991 MUGABE yemeza ko MUGESERA na KARWERA bashyizeho JMRND bakayiha Robert SIMBA ngo ayiyobore, ibindi byose abisobanura neza.

Iby’ishingwa ry’INTERAHAMWE ryagaragajwe neza bihagije mu manza zabereye Arusha cyane cyane urwa Georges RUTAGANDA, nta mpanvu zo kubigarukaho kuko na MUGABE nta kintu gishya azana mu kiganiro cye.

Dore uko atondekanya ivuka rya za mouvements de jeunesse des partis politiques mu ruhando rw’amashyaka :

1/ Habanje JMDR – INKUBA YEGAMIYE MDR ( aba nibo bazanye kubohoza abantu n’ibintu bya MRND)

2 / Hakurikiraho uko byunvikanye : JPL yegamiye ku ishyaka PL

3/ Haza ABAKOMBOZI (nabo barabozaga) begamiye ku ishyaka PSD.

4/ Haje kuza rero n’abahungu ba FPR uko abivuga bivanze n’abo bo hejuru. Aba nibo Tito Rutaremara avuga ati twarababwiye ngo bajye bivanga mu mashyaka muri buri cellule, segiteri n’ahandi.

Uko MUGABE Jean Pierre abisobanura ati MRND (nshya) ya HABYARIMANA ibonye nta ngufu ifite nayo ishyiraho aba jeunes bayo biswe INTERAHAMWE. Haje kuza n’IMPUZAMUGAMBI za CDR bo ntabwo MUGABE yabavuze. Nyamara yibanze kuri KATUMBI n’urupfu rwe kandi niwe wari Président w’Urubyiruko rwa CDR.

Ukuri MUGABE yagaragaje ni uko ari MRND yabaye iya nyuma gushyiraho urugaga rw’urubyiruko rwayo rwiswe INTERAHAMWE zari ziyobowe na KAJUGA Robert na comité ye.

MUGABE akagaragaza ko ubwo génocide rero yatangiraga, aba jeunes ba za MDR, PL, PSD, MRND na CDR bose bahindutse INTERAHAMWE.

Haje kuvuka impaka hagati ya Jean Paul TURAYISHIMYE na Jean Pierre MUGABE kuri iki kibazo : « Ninde wahagaritse Génocide » ?

MUGABE ati ni ingabo za FPR kuko zanesheje abahutu bakoraga génocide batsembatsemba abatutsi. Ku bwa Jean Paul we, aremeza ko FPR yatsinze intambara y’imbunda igafata ubutegetsi yifashishije imbunda ko ariko icyari kiyishishikaje kitari uguhagarika génocide ngo itabare abatutsi.

Bombi bemeranwa ko « FPR nayo yishe abantu na nubu kandi ko ubwicanyi bwayo butahagaze ».

C- IKI KIGANIRO MU BYUKURI CYARI KIGAMIJE IKI ?

HARI ICYO CYUNGUYE ABACYUNVISE USIBYE ABASANZWE BATAZI UKO BYAGENZE KUVA 1990 – 1994. ?

Igisubizo kiri ku munota wa : 2h25 :45 no ku wa 2h34 :52

Ku kiganiro cyamaze amasaha 2h :55 :45, hasigaye gusa iminota 30 nibwo Jean Pierre MUGABE akurikije inyito y’ikiganiro yeruriye abakurikizi ba Jean Paul TURAYISHIMYE ko « Topic y’uyu munsi kwari ugusobanura uko INTERAHAMWE zavutse ».

Kuki iki kiganiro cyari kigamije gusobanura ivuka ry’INTERAHAMWE cyarinze kugera mu minota 30 yacyo ya nyuma ntawe uramenya icyo kigamije ?

Kuki MUGABE yemeza ko iki kiganiro cyari kigamije gusobanura no gutangaza imivukire y’Interahamwe kuki ariya masaha yose yayamaze atubwira ibindi atanazi neza nkuko twabyerekanye haruguru ?

Iki kiganiro cyari kigamije ahubwo kwandagaza no gusebya uwahoze ari umukuru w’igihugu, HABYARIMANA Juvénal.

Cyunguye iki rero ? Nta kuri kundi usibye gushakisha gusisibiranya uruhare Inkotanyi zagize mu kwica abatutsi n’abahutu, zifatanije n’INTERAHAMWE rukomatanyo rw’abagize urubyiruko rw’amashyaka bise Power kimwe n’urwa MRND.

Amagambo yavuzwe na Tito RUTAREMARA yagize « une onde de choc mu bategetsi b’Inkotanyi » wa mugani baca ngo akarenze umunwa karushya ihamagara… BYARASOHOTSE ISI YOSE UBU IRABIZI.

Kuri ubu rero hari ugushaka kuzimanganya ko aba Techniciens ba FPR bagize uruhare rukomeye muri génocide yakorewe abatutsi. MUGABE muri iki kiganiro yagiranye na Jean Paul TURAYISHIMYE nibyo yagerageje gupfukirana, apfundikanya inkuru zidafite aho zihuriye n’inyito y’ikiganiro.

UBUSHAKASHATSI bwa MUGABE nabwo bugerwa ku mashyi. Mu kinyarwanda baravuga ngo ubugabo s’ubutumbi, ntabwo twarenganya MUGABE ko atize amashuri ahambaye yatuma ahagarara ku byo yemeza ko ari ubushakashatsi.

Hari amategeko agenga uwo mwuga : KWEMEZA IBYO WAHAGAZEHO, WABWIWE, IBYO UFITIYE INYANDIKO. IBITURUTSE KURI SOURCE IYARIYO YOSE UKABITANGIRA GIHAMYA IGIZWE N’IBIMENYETSO. Muri iki kiganiro habuzemo « la rigueur de la recherche ». Ni bobards cyangwa ibihuha.

IKINTU GISHYA NACYO : Ni kuriya ishyirwaho ry’imitwe y’urubyiruko rw’amashyaka yagiye ikurikirana. Nicyo cyonyine gishya twavuga cyatanzwe muri iki kiganiro.

Fait le 12 mai 2023.

Ganishya Jeanne -Gaélle

Umwami n‘Umuntu ni uyu nguyu

photo wikipedia

Mvuge Gisanura utuma basamura
Tumuhe ibnze tureke abanze
Aruta Ruganzu ubaka intorezo maze akasa
Arusha Rwabugiri w’inkotanyi ugira cyane
Uyu ni we witwa Imana y’i Rwanda.

Mbonye umwami uzi iby’ubwami ubirusha abandi
Uwo ni Mibambwe Sekarongoro ni Gisanura
Umuzirakuvusha usa n’Imana ni yo yamwimitse
Akaba umwami nyirurugero Imana yagennye ari Urugero
Ni muntu ni undi aho mu kirere akaba na Ndeshyo
N’ubwo abatwara ahora abareba akanabarebera
Ntagendera isumbwe no mu isunzu hahora ibambe;

Impuhwe n’imbabazi ntibimutashya biramutaha
Iburyo hari indyo ikiza abashage iramira abashonji
Mu rubega rundi ni inkongoro ngo azira nkota
Uyu Nyirubuntu ni umunyabuntu n‘umunyabintu
Aruta abandi abarusha ubwami ubwo ni umwami
Umugiramana yaramuhaye arabyakira ayiha wese
Ateye intambwe araratura areba abandi arabanikira;
Ikirenge agisumbya se mu Bumuntu ho ntibareshya
Se umubyara Kigeri Nyamuheshera ubu arasumbwa
Umutwe we utekeyemo ubumuntu we ni umuntu
Umutimamuntu ni wo mutoza yarawutoye ntumutonda
Umugaba nk’uyu agira igisingizo kimukwiye akakikwiza
Yagabiye benshi, incuro nyinshi biramubera
Izina rivanze n’ikuzo rikamukuza ni Rugabishabirenge ;

Igihe kiraje ngo natange mvuge Mibambwe Gisanura
Koko aratanze nuko umwami wimye afite ibyo atanga
Ntabwo yimanye wa murage waroze abandi kwica
Dore wanze gukendera none urusaziyemo urukemba
Ntuvumwa uvumbitse mu bikwohwa by’abikanyiza
Warakanyaraye uba igikagange uzira gukanjakanjwa
Aho se mama uzima iyi ngoma iri imbere azawima?

Umwami utanze ahaye umwami wimye iyo ngoma
Mibambwe Sekarongoro Gisanura ararembereye
Ahaye umuhungu ari we Yuhi Mazimpaka uzazisiga
Ntahaguruka ngo ajye kurwana anyage iby’abandi
Ari ku nteko ni aho atetse n’aho yatirimuka ntarara
Si wa mutsembyi utsembatsemba icumu lihoga
Ni umunyabyago Mutimamuntu wabuze byose.

Nabe Igicumbi mu Banyarwanda
Aho gucumbika kwa Nyamuzinda
Ngo ahore azinduka ajya mu bantu
Najye mu mvugo avugwe iteka
Aragwe urubyiruko uwo Gusanura.
(Cfr. Bernardin Muzungu,
Histoire du Rwanda Pré-colonial, L`Harmattan 2003)

Evariste Nsabimana

Rwanda : Ubukene bukabije, ubushwanyi n’amahanga, ibibzo ni byinshi…

Ubukene bukabije bwugarije abanyarwanda

Hashize igihe kirekire, icyorezo cya covid 19, kitaratangira kwisi , murwanda harubukene bukabije , aho fpr ishyaka ririkubutegetsi , ryihariye amasoko yose , mugihugu , yewe bigeraho , naba motari , nabanyonzi , nibinamba , byiharirwa nabo , noneho bigezihihe , icyorezo cya covid 19 , kigaragara kwisi , ubukene bwarushijeho cyane, aha ndavuga.muri rubanda rugufi , kuko ibikomerezwa , babantu bake barimugatsiko ka, FPR, bo ntakibazo bafite, kuko bafite amafranga menshi, cyane abatunze, nimiryango yabo.

Abanyarwanda bose batewe ubwoba , nubutegetsi buriho

Kugirango, hatazagira numwe utekereza gukora coup d’état, cyangwa guhirika ubutegetsi , niyompamvu fpr , yabinjijemo ubwoba , buriwese agatinya mugenzi we , wabonye aho , umwana atinya ababyeyibe , nababyeyi bagatinya umwana , abashakanye , nabo , bagatinyana , kuko buriwese , kuri mugenzi we nimaneko , kugezaho fpr ikoresha abakozi bomurugo , bagatanga , rapport ahabigenewe , banyarwanda banyarwandakazi , nimuhaguruke , turwanye ingoma yigitugu.

Mu Rwanda ntawuvugishukuri

Umuntu wese uvugishukuri murwanda aricwa cyangwa agafungwa cyangwa akirukanwa kukazi
Muminsi ishize, harinkuru imaze igihe ivugwa , kubitangaza makuru byohanze, (social média) ko umwarimu muri kaminuza yurwanda witwa Karasira Aimable, yirukanwe kukazi ke , kubwarimu , ntakindi yazize uretse kuvugana nabari muri opposition yurwanda nka madame Victoire Ingabire Umuhoza nabandi nkawe. Fpr yabanje kumwihanangiriza we yanze kuva kwizima , kandi yagiye gushyingura umuhanzi Kizito mihigo ajya no mukiriyo cye ibyo kuri fpr nibyaha bikomeye cyane.

Ejobundi aho umunyamakuru wa radio itahuka witwa Serge , yatumiye uwahoze ari ministre wububanyi namahanga wurwanda akaba yarabaye na ambassadeur wurwanda muri ONU, ariwe Gasana Anastase ,yanenze Leta yurwanda iyobowe na président Paul kagame avugako haba leta ebyiri , iyikuzimu , itagaragara , nindi iyimusozi igaragara, kuri bose , iyikuzimu ninayo iyobora ifata nibyemezo, atanga urugero ko président Bizimungu akiyobora, nawe ari, ministre wububanyi namahanga, batigeze bamenyako , urwanda rwohereje ingabo muri Congo, avugako niyo ministre avuga ategetswe kuvuga ibyo agatsiko kikuzimu kamutumye kuvuga , bitaribyo akirukanwa , arongera atanga urugero rwuko ministre Nduhungirehe yirukanwe kuko yihaye kuvuga ibyo agatsiko kikuzimu katamutumye.

Niryari u Rwanda ruzabana neza , n’ibihugu, byibituranyi

Birakomeye cyane, kugirango u rwanda ruzabane neza , nibihugu byibituranyi , mugihe rukiyobowe na président Paul kagame ukoresha igitugu, wita kunyungu ze cyane aho kwita kunyungu zabo ayobora, burimwanya aba yikanga uwamukura kungoma , akabonako , bishobora guturuka murikimwe mubihugu , byibituranyi , niyo impamvu atumvikanaga na président jakaya murisho kikwete , wayoboraga Tanzanie , amushinjako , yashakaga gutanga ninzira kuri FDLR kugirango yinjire murwanda imukureho , bityo ntiyumvikane na pierre Nkurunziza président wayoboraga iburundi, nawe amushinja nkibyo yashinjaga uwa Tanzanie , imipaka arayifunga kugeza nanubu igifunze , arangije yibasira Uganda cyane , nayo ayishinjako président yoweri kaguta museveni , acumbikiye. Abarwanyi ba RNC , bayobowe na Général kayumba nyamwasa. Zitoreza mubuganda , kugirango , zitere urwanda

Aribuka neza nkuko président museveni , yamufashije cyane kugirango atere , urwanda, anamushyire kubutegetsi , akureho ingoma ya Habyarimana , yumvako , umwanya kwariwowe wose , yashyigikira nabandi, nawe bakamukuraho ,niyompamvu , yumva yafunga imipaka , yose , nubwo abanyarwanda , bakwicwa ninzara , ntacyo bimubwiye ,hasigaye umupaka , wa RDcongo wonyine , nawo ugenzurwa , cyane kuburyo ufashwe yambukanye 1kg cyibishyimbo cyangwa 1kg yisukari araswa agahitapfa banyarwanda banyarwandakazi nimuhaguruke dukureho ingoma yigitugu .

Mvuyekure Swaibu

Incamake y’igitabo « Opération Havila » cya Martin Ukobizaba. Ese Abatutsi bafite isano n’Abayahudi?

https://editions-scribe.com/

I. INKOMOKO Y’IZINA RY’IGITABO

Izina ry’iki gitabo rigizwe n’amagambo abiri :
Opération : bisobanura ibitekerezo n’ibikorwa byose bigamije gutegura intambara yo kwigarurira akarere k’Ibiyaga Bigali by’Africa. Havila : iryo zina rituruka k’umwuzukuru wa Noa, witwaga Havila mwene Koush,niwe wahawe umurage wo gutura akarere k’Africa gaherereye hepho ya Ethiopia na Nubia, aliyo Sudani y’ubu. Bivugwa kuva cyera ku ngoma yaba Pharaon bo mu Misiri ko ako karere gakize cyane ku mutungo kamere. Abanya Misiri ba kera bavugaga ko « Zahabu yo mu karere ka Havila wayigereranya no kuyora umukungugu wo mu nzira nyabagendwa ». Niyo mpamvu kuva mu myaka ibihumbi bitatu ishize, amahanga yose yahagurukiye kwigarurira ako karere. Yewe, no muli BIBLIA mu gitabo k’ Intangiriro (Ge: 2,10-14 ) bavuga ko akarere ka Havila karangwa n’ubutaka bwiza bubamo inzuzi n’ibiyaga bigali, kagakungahara kuli zahabu n’amabuye y’agaciro atagira ingano. Icyo gitabo kivuga ko Ubusitani bwa Eden Imana yaremeyemo abantu ba mbere alibo Adamu na Eva n’inyamaswa zose n’imitungo yose ya mbere y’isi bwali muli ako karere, ahali isoko y’inzuzi za Pishon (Nil Blanc) na Guihon (Nil Bleu).

Ibi nibyo bisobanura impamvu ibihugu by’ibihangange kw’isi byashyize ingufu zishoboka zose mu gushakisha amasoko y’uruzi rwa Nil bashoboye kugeraho mu ntangiriro z’ikinyejana cya 20, ubwo bakandagiraga mu bihugu by’Urwanda n’ Uburundi. Muli icyo gihe, buli gihugu cy’igihangange cyifuzaga kwigarurira byibura igipande kimwe cy’akarere gakomokamo umwe mu migezi igize amasoko ya Nil. Iby’ingenzi muli ibyo bihugu byashakaga gukoloniza umugabane w’Africa byali Ubwongereza, Ubudage, Ubufransa , n’Ububiligi. Ibi bishobora gusobanura impamvu igihugu nk’u Rwanda cyacagaguwemo ibice maze intara zacyo bakazigabanya: Bufumbira, Ndorwa, Karagwe, Bwishya, Masisi, Rutsuru, Hunde, Tongo etc.

Bivugwa kandi ko ibyo bihugu byashakishaga ku rundi ruhande agasanduku kabitsemo Amategeko Cumi Imana yahereye Musa ku musozi wa Sinaï (Arche d’Alliance d’Israël). Ako gasanduku gaha ugatunze wese ubudahangarwa mu ntambara kaba gahishwe mu gihugu cya Ethiopia. Kaba karageze muli icyo gihugu biturutse ku Mwamikazi MAKEDA (Reine de Saba ou Sheba Queen) wabyaranye umwana w’umuhungu n’Umwami SALOMONI wa Israël. Uwo mwana wiswe Menelik Ier wimitswe amaze gukura muli Israël kw’izina rya David II niwe waba yarazanye ako gasanduku muli Ethiopia amaze kugasimbuza ako bijya gusa (fake) mu ngoro ya Salomoni yali yubatse i Yerusalemu. Iyo nkuru tuyikesha igitabo cy’ikuzo ry’Abami ba Ethiopia kitwa » KEBRA NEGAST ».

II. ABANTU BOSE BATUYE ISI KIMWE N’AMAJYAMBERE YOSE TUBONA BIKOMOKA MULI AFRIKA

Inyandiko za cyera n’ubushakashatsi bugezweho muli iki gihe (Recherche scientifique) byose bigaragaza ko inkomoko y’abantu bose batuye isi ali Afrika, cyane cyane Afrika y’Iburasirazuba (East Africa). Havugwa cyane ibihugu bya Ethiopia, Kenya na Tanzania kuko aliho habonetse ibimenyetso simusiga by’inkomoko y’inyoko Muntu. Ni ku mugabane w’Afrika haboneka ibimenyetso by’ibikorwa bya kijyambere biranga abakurambere bacu (écriture, calcul, temples, tombeaux, pyramides, Bâton ou Os d’ISHANGO etc.) Ibyo rero birasobanura ko atali Abanyafrika bakomoka ku moko yo hanze, ahubwo ko ali abandi baturage b’isi bakomoka ku Banyafrika. Abategetsi rero bamwe b’i Burayi bihandagaza bakavuga ko Abanyafrika nta ruhare na rumwe bigeze bagira mu majyambere y’isi bagaragaza ubwirasi bukubiyemo n’ubujiji bwinshi.
Ikindi n’uko hadutse umudeli ku banyafrika bamwe wo kwiyitirira inkomoko y’Abayahudi. Biragaragara ko ibyo nta shingiro bifite ahubwo ni amafuti kuko abanyafrika bose bafite abakurambere bamwe alibo Koush na Havila. Havila niwe wabyaye abo bita aba Nilotiques, aba Bantous n’aba Soudanais. Niwe wabyaye kandi n’Abalibiya (berbères), aba Touaregs naba Peuls. Ibyo tubisanga mu nyandiko nyinshi halimo Igitabo cy’Abakurambe (Livre des Patriarches), Inyandiko z’umunyamateka wa kera cyane w’umuyahudi Flavius Josèphe, Encyclopedia Judaïca, n’Igitabo cy’Itangiriro (Livre de la Genèse).

Martin Ukobizaba wanditse igitabo cyitwa « Opéaration Havila »

Kwiyitirira inkomoko y’abazungu rero birababaje kuko abazungu bo batavangura hagati y’abirabura. Baravuga bati : « Noir c’est noir, il n’ y a plus d’espoir! » Birasobanura ko umunyafrika uhingukiye mu kirwa cya LAMPEDUSA mu Butaliyani, cyangwa se uguye mu nyanja ya Méditerrannée, cyangwa se yaka ubuhungiro muli Amerika, Israheli Australiya, cg se i Burayi bose ni cya kimwe. Abakinnyi b’umupira bavugilizwa induru nk’izinguge ku bibuga by’i Burayi cyangwa se abana baraswa n’abapolisi muli Amerika ntawigera yibaza niba ali éthiopiens, nilotiques, bantous cyangwa se soudanais. Abanyafrika nibo bonyine bicamo ibice bishyira mu myanya itali iyabo!

Ese Abatutsi bafitanye isano n’Abayahudi. Ikiganiro na Martin Ukobizaba (Audio).

Umushakashatsi wo muli Kaminuza yitwa « School of Oriental Studies » w’umuyahudikazi witwa Edith BRUDER uherutse gusohora igitabo cyitwa « Black Jews » agaragaza ku buryo budasubirwaho ko Abanyafrika bose biyitirira inkomoko y’ ubuyahudi (Lembas, Jews of Rusape, Baluba, Bayuda, Yacouba, Hima-Tutsi) bibeshya cyane. Nyuma y’ubushakashatsi bwarengeje imyaka itatu yageze ku myanzuro ikulikira k’ubihakana ubwoko bw’ubunyafrika:
1°Kwiyanga (rejet de sa propre identité): ibyo bituruka kw’ihahamuka rya bamwe ryatewe n’ibinyejana bitanu bw’ubucakara n’ubukolonize byagiliwe abaturage b’Afrika. Kwiyitirira inkomoko yo hanze y’Afrika cyane cyane inkomoko yo mu kizungu bikaba ali uburyo bwo kwiyibagiza ayo mateka y’urukozasoni.
2° Kwigana abandi (mimétisme): baba bashaka kwigana abirabura bo muli Amerika biyise « Black Muslims », bahinduye idini banga gukomeza gusengera mu madini ya ba shebuja babagize abacakara. Hali n’abandi birabura bakulikiye idini y’Abayahudi kubera izo mpamvu.
3° Inyigisho z’Abamisiyoneri b’ Abaporoso bibanda cyane ku nyandiko z’Ikiragano cya Kera muli Biblia. Muli izo nyigisho usanga imico, imiziro n’imiziririzo by’ Abayisiraheli ba cyera bisa cyane n’ ibyabanyafrika, bigatuma bakeka ko bakomoka ku Bayahudi.
4° Gushakisha imfashanyo ya Leta ya Israheli cyangwa se y’imiryango y’Abayahudi bo muli Amerika biyemeje gufasha bene abo banyafrika; aha twavuga cyane cyane umuryango witwa « KULANU ».

Ahubwo Ikindi kigaragara n’uko umugabane w’Afrika wagize mu mateka y’isi uruhare rukomeye mu kwakira no gucumbikira Abana ba Israheli mu bihe by’amakuba nko mu nzara cg se mu ntambara. Aha twatanga ingero zikulikira: Yozefu yagulishijwe n’abavandimwe be ahungira mu Misiri aho yaje gukilira cyane, Abrahamu n’umugore we Sara bahungiye inzara kwa Farawo mu Misiri, Musa yabaye igikomangoma mu Misiri, Yezu n’ababyeyi be bahungiye mu Misiri umwami Herodi washakaga kwivugano urwo ruhinja etc.
Abanyafrika rero bakwiye guhagarika gushakira amakiriro ahandi kandi bicaye ku bukungu butagira ingano!

III. GUSHAKA KWIGARURIRA AKARERE KA HAVILA S’IBYUBU !

Nyuma yo kurwanira akarere gaturukamo amasoko y’uruzi rwa Nil, Abakoloni basanze Havila ali akarere keza cyane gafite ubutaka bwera, amazi ahagije, igihe cyiza, imisozi miremire idatuma indwara z’ibyorezo nka malaria ziharangwa,ubukungu kamere burenze urugero n’ibindi.. Abadage bo bashakaga kwimura abaturage bo muli ako gace bakajya kubatuza mu butayu byo muli Tanganyika ahitwa Tabora, noneho bakazana abaturage bo mu Budage bakaba alibo baza gutura mu karere k’ibiyaga bigali bikamera nkuko byagenze muli Afrika y’epfo. Iyo migambi mibisha yahagaritswe n’Intambara ya mbere y’Isi. Abanyarwanda n’Abarundi koko bararusimbutse !
Indepandansi z’ibihugu by’Afrika zimaze kuboneka mu myaka ya 60, ba gashakabuhake ntibahaye agahenge akarere ka Afrika y’Ibiyaga Bigali. Bakoze ibishoboka byose ngo basenye igihugu cya Kongo yahoze ali iy’Ababiligi cyaranzwemo ubukungu ndengakamere. Twakwibutsa ko bashyigikiye intara zikize cyane ku mutungo kamere nka Katanga, Kasaï na Kivu kugirango zigomeke ku butegetsi bw’i Kinshasa hanyuma zigire ubyigenge. Iby’amahirwe uwo mugambi ntibawugezeho!
Ku byerekeye u Rwanda, Abanyamerika basabye Leta ya Kayibanda muli 1964 uburenganzira bwo kwubaka mu Bugesera Ikigo cya gisilikare (base militaire) bigengaho hamwe n’ikibuga cy’indege aliko ntibabyemererwa. Barongeye babisaba Président Habyarimana nawe arabibangira kuko byumvikanaga ko bashaka gukoresha igihugu cyacu mu kuneka cyangwa se mu gushoza imvururu mu bihugu by’abaturanyi cyane cyane igihugu cya Kongo.

Hagati aho Abadage (RFA) nabo basabye kugira icyicaro mu karere bakoresheje ikibanza bahawe i Kinyiya hafi y’umurwa mukuru wa Kigali aho bubatse iminara ya Radio Internationale Deutsche Welle. Ntibahagarariye aho kuko bumvikanye na Président Mobutu Sese Seko wa Zaïre akabagurisha muli 1975 intara ya 100.000 km2 muli Province ya Manyema, aho bashakaga kubakira za Fusées na Satellites zo kwohereza mu kirere, bityo bagashobora kugenzura ibibera muli ako karere n’ahandi mw’isi. Iyo migambi ntiyashimishije Abarusiya basabye ko ibyo bikorwa bihagarikwa bwangu. Abadage banze, URSS yashyigikiye ku nshuro ebyiri intambara y’abiswe « Gendarmes Katangais, Mobutu akizwa n’ingabo zoherejwe na Valéry Giscard d’Estaing, wayoboraga igihugu cy’ u Bufransa. Mobutu yabonye bikomeye asezerera Abadage bava batyo mu karere. Batashye muli Mata 1979 bamaze kugerageza kwohereza mu kirere « Fusées » eshatu.
Muli 1985 Ababiligi nabo bashatse kugaruka mu karere bitwikirije igisa na « Common Wealth » mbiligi ikomatanyije ibihugu byali bigize umuryango wa CEPGL. Kubera kutumvikana na Président Mobutu, basabye Président Juvénal Habyarimana gucengeza icyo gitekerezo bagenzi be aliko ntiyabyemera kuko yumvaga umuyobozi wa Zaïre aliwe wali mukuru kandi n’igihugu cye alicyo kirusha ibindi ububasha n’abaturage benshi, akumva rero aliwe wali ukwiriye gushingwa uwo mushinga. Ibyo ntibyashimishije Ababiligi cyane cyane ko babonaga Habyarimana yarakundwakaje bikomeye Abafransa. Yali yalinjiye mu muryango wa Francophonie, yakira inama yawo i Kigali muli 1979, yemera no kuyobora umuryango wa OCAM kugeza igihe usenyukiye muli 1985.

IV. UMUGAMBI WO GUSENYA IBIHUGU BIKOMEYE BYA HAVILA URAKOMEJE

Intambara yo mu Rwanda yo muli 1990 niyo yatanze inzira yo kujya muli Congo harangwa umutungo kamere utangaje. Mu bihaboneka twavuga amabuye y’agaciro akoreshwa mu nganda zigezweho z’ama kompanyi aturuka mu bihugu bikomeye by’isi yose. Ngizo za coltan nickel, petroli, zahabu, cuivre, étain, diamant, uranium, tungstène, gaz méthane, terres rares, n’ibindi, n’ibindii… Mu ntambara zakulikiye iyo mu Rwanda zikabera ku butaka bwa Congo guhera muli 1996 kugeza n’ubu, hatikiriye imbaga y’impunzi z’abanyarwanda, abenshi bo mu bwoko bw’abahutu, zirenze ibihumbi 400. Bakulikiwe n’abanyentara barenze miliyoni icumi, ibyo byose byabaye ku manywa y’ihangu imbere y’ matelevision n’ amaradio y’isi yose aliko ibyo binyamakuru kimwe n’ imiryango mpuzamahanga n’ubutegetsi bw’ibihugu by’ihangange kwisi bikora nkaho ntacyabaye,barabyihorera nkuko baretse iby’i Kibebo bigahita nta nkomyi ! Ibyo birasobanura ko umubare w’abanyafrika bapfa ntacyo uvuze, bashobora gushira bose kandi ntibibuze isi gukomeza kubaho ! Nuko byagendekeye abaturage b’abavantara bo muli Amerika bitwaga « Amérindiens ». Barapfuye barashira, basimburwa n’Abanyaburayi baratura baratunganirwa !
Icyakijije abanyafrika kugeza ubu nuko bari bazwiho kugira ingufu zakoreshwaga mu milimo y’ubucakara. None ingufu z’amaboko zasimbuwe niz’ imashini. Abanyafrika rero umenya akabo kagiye gushoboka!

Ikigomba kwitabwaho mu maguru mashya n’ukumenya impanvu abanyafrika bagizwe abacakara mw’isi yose bakanakolonizwa. Impamvu yatumye abanyafrika basuzugurwa bene ako kageni bakagirwa ingaruzwamiheto nuko nta ngufu za gisilikare bigeze bagira, barwanishaga imiheto n’amacumu abandi barageze ku mbunda, imizinga, ibifaru n’ibyogajuru ! N’ubu kandi niko bimeze, uwashaka wese yaza akigarurira Afrika yose!!! Igihe Abanyafrika bali barangaye, andi moko nk’Abashinwa, Abahindi, Abapakistani bakoze ibishoboka byose kugirango bazashobore kwirwanaho; nuko biyubakira intwaro za kirimbuzi (bombe atomique) zituma nta gihugu na kimwe kwisi cyabatinyuka. Abandi nka Korea ya ruguru na Iran bagerageje kubigeraho aliko mwabonye ukuntu ba Gashakabuhake babamereye nabi ngo ntibifuza ko izo ntwaro zagera mu maboko ya buri wese. Ibyo bizatuma igihugu nka Iran kidashobora kwirwanaho umunsi cyatewe n’abashaka kwigarurira petroli yacyo. Izo mpuhwe z’ibihugu bitegeka isi zagira ishingiro ali uko ibyo bihugu nabyo bitangiye gusenya intwaro za kirimbuzi zitagira umubare bitunze nta nkomyi !
Ku buryo rero budasobanutse na gato, abategetsi b’Afrika biyemeje kutagira bene izo ntwaro ku mugabane w’Afrika, ahubwo umutekano wabo bawushyira mu maboko y’ibihugu byabashyize mu bucakara n’ubukoloni! Bibagiwe umugani w’Abaromani babanyabwenge mu by’itambara bagiraga bati: « Niba ushaka amahoro,Tegura intambara! » Naho umunyarwanda w’incakura yarivugiye ati: « Ntawuraza icyuma gifite ubugi mu nyama ».

Kubera ubwo burangare bw’Abanyafrika, umugambi wo gusenya ibihugu bikomeye byo kuli uwo mugabane urakomeje. Nyuma ya Sudani y’Amajyepfo ikungahaye cyane kuli petroli ikaba yarabonye ubwigenge muli 2011 imaze kwomorwa ku gihugu cya Sudani, nta kabuza hazakulikiraho igihugu cya Congo nkuko byateganyijwe kuva kera. Kereka abaturage b’ako karere k’Ibiyaga Bigali nibumva urubategereje bagakanguka.
Mu migambi mishya, ba Gashakabuhake ntibagishaka kumena amaraso y’abana babo kuko izo ntambara z’urudaca zitakibonwa neza n’abaturage b’ibyo bihugu iyo ibibondo byabo bihasize amagara! Ahubwo bahitamo gushora umwiryane hagati y’abirabura maze bakamarana, Gashakabuhake yiyicariye nk’ureba cinéma, ategereje kuza gusahura imitungo kamere y’ibyo bihugu birimo gushahurana, ahubwo n’uducye abanyagihugu babonye bakatugura intwaro zicurirwa kwa Gashakabuhake!
Hagati aho ibinyamakuru by’i Burayi n’Amerika bikomeza gushuka urubyiruko rw’Afrika byerekana ibihugu by’amajya Ruguru y’isi nkaho ali Paradizo yo kwisi. Nta kindi cyifuzo rero urwo rubyiruko rugira usibye guhunga umugabane w’Afrika niyo byaba ali ukujya kuba abacakara i Burayi! Abo kandi bagerayo n’ababa bagize Imana kuko benshi bagwa mu nzira bazize ba « trafiquants » nko muli Libiya cyangwa se bagapfira mu butayu bwa Sahara. Abitwa ko bararokotse iyo nzira y’umusaraba nibo barohama mu nyanja ya Méditerranée!

Uko abanyamutungo b’i Burayi baza bagana Africa niko abana b’Africa bahunga bagana iya Ruguru ! Halimo urujijo! Inama rero nagira urubyiruko rwacu ni ukwicara rugakorera ibihugu byababyaye nkuko andi moko nk’Abashinwa n’Abahinde yabigenje. Nabo kandi bari bafite ibibazo byo gutegekwa n’abanyagitugu bashyigikiwe na ba Gashakabuhake, aliko barabanje bakora urugamba rwo kwibohora bashyiraho ubutegetsi bushyigikiwe n’abaturage kandi bubabereye.

Martin Ukobizaba

Inkundura yo gusenya amazu y’abakene muri Kigali (vidéos)

KIRUHURA

KICUKIRO

GASABO

GATSATA

Itangazo rya FDU-Inkingi kw’iyegura rya Victoire Ingabire

Ishyaka FDU-Inkingi ryakiriye ubutumwa bwo kwegura bw’uwari Présidente waryo Madame Victoire Ingabire Umuhoza.

Nk’uko yabivuze mu butumwa bwe yagejeje kubanyarwanda, kuri uyu wa 8 ugushyingo, ni icyemezo yafashe adahubukiye kandi yasobanuriye neza ubuyobozi bw’ishyaka muri rusange. Bitewe n’uko abayeho, adafite ubwinyagamburiro buhagije bwo kuba yashobora guhura no kuganira mu bwisanzure n’ubuyobozi bw’ishyaka, bityo abe yakuzuza neza inshingano ze, yasanze nta yandi mahitamo.

Ubuyobozi bw’ishyaka bwongeye gushima byimazeyo ubwitange Madame Victoire Ingabire Umuhoza yagaragaje igihe cyose amaze ku buyobozi bw’ishyaka n’intambwe yariteje, kugeza aho yiyibagirwa we ubwe, mu buto bwe, akemera gusiga umuryango we mu mahanga kugira ngo ajyane ishyaka mu gihugu. Ingorane zose yagiye ahura nazo turazizirikana kandi ntituzahwema kubimushimira. tuzakomeza kumufata nk’intangarugero mu kwitangira demokarasi binyuze mu nzira y’amahoro.

Ubuyobozi bw’ishyaka buramenyesha abarwanashyaka ba FDU-Inkingi by’umwihariko, n’abanyarwanda bose muri rusange, ko Vice-Président wa kabiri, Bwana Justin Bahunga, ari we ubaye umuyobozi w’agateganyo w’ishyaka FDU-Inkingi mu gihe hategerejwe ko urwego rukuru rw’ishyaka ruterana kugira ngo rwemeze imiterere y’ubuyobozi bushya na gahunda-shingiro ijyanye n’ibihe bishya ishyaka FDU-Inkingi ririmo.

Twese hamwe dukomeze inzira yo guharanira ubuyobozi bunogeye kandi buhumuriza abanyarwanda bose.

Justin BAHUNGA

Umuyobozi mushya w’agateganyo

Dr Jean Damascène Bizimana wa CNLG akeneye gufatwa akavuzwa mbere y’uko yoreka imbaga y’abanyarwanda

Ntabwo ndi muganga. Ariko uburwayi bwa JD Bizimana uyobora Komisiyo y’Igihugu ishinzwe kurwanya Jenoside (CNLG) burigaragaza, ntabwo bisaba ubundi buhanga kugira ngo ububone. Abatabona ubwo burwayi ni abarwaye kimwe nawe cyangwa ababyirengagiza kubera inyungu zigayitse babifitemo. Kandi nadakumirwa ngo yigizweyo, bizarangira nabi kuko azatuma abantu basubiranamo.

Uburwayi bwa JD Bizimana

Ngo umuntu asiga ikimwirukaho, ntabwo asiga ikimwirukamo. Umuyobozi wa CNLG yibitsemo ikibyimba kizamuturikana kikamara imbaga. Dore ibyo arwaye:

Bizimana arwaye urwango;
Bizimana arwaye kubeshya agahimbarwa;
Bizimana arwaye ubuhezanguni;
Bizimana arwaye ingengabitekerezo ya jenoside

Bizimana yanga abahutu, cyane cyane abize, bajijutse, kuko bazi neza amahano yagwiriye u Rwanda kandi bakaba batabibona kimwe nawe. Abandi yijunditse ni abiyemeje guharanira ko demokarasi isesuye isakara mu Rwanda.

Ni nde wafasha JD Bizimana?

Nta murwayi wimenya, amenywa n’abandi. Mu magambo yuzuye urwango avuga, biragaragara ko ari gatumwa w’ubutegetsi bwa FPR, kuko n’ubwo ibitekerezo bye byuzuye ingengabitekerezo yo gucamo abanyarwanda ibice no kubateranya, bishobora kwongera kuzana imvururu mu Rwanda, ntawumwiyama. Nta muntu rero uri mu butegetsi bwa FPR wabimufashamo.

Abamufasha ni umuryango we, umugore we n’abana, n’inshuti ze za nyazo niba azifite. Bazamuhe indorerwamo yirebe cyane; bazamufashe kumva amagambo avuga, bayamusubiriremo kuko ashobora kuba ayavuga atazi ibyo arimo, akamera nk’imodoka yacitse amaferi.

Amagambo ya JD Bizimana ateye ate?

Ngo uwanga amazimwe abandwa habona. Si inkuru mbarirano, buri wese ashobora kwiyumvira ibyo JD Bizimana avuga. Buri wese yisesengurire, maze arebe iyo bigana.

1-Bizimana yanga abahutu bize harimo n’abapadiri kandi arabivuga: Uko abari INTITI bateguye ubwicanyi||Dr Bizimana yatanze ikiganiro cyihariye kuri Jenoside. Bizimana aratanga amazina y’abahutu benshi bize, akemeza ko bakoze jenoside, kandi nta kimenyetso gifatika na kimwe, uretse ko we yitirira abandi ibitekerezo bibi yifitemo.

2-Bizimana imbere y’abapolisi: Ba Bernard Ntaganda na ba Ingabire bashaka kugarura bene iyi ideologie ntituzatinya kubahana. Kuri Bizimana, gushinga ishyaka ritari mu kwaha kwa FPR ngo ni ukuzana ingengabitekerezo ya jenoside. Bivuze ko ufite ibitekerezo bitandukanye n’ibya FPR wese ahita yitwa mubi.

3-Bizimana atinya urubyiruko rwize: Bizimana yatanze urugero kuri Ingabire Victoire nk’uwigishijwe ingengabitekerezo ya Jenoside n’ababyeyi be akiri muto. Niba koko Bizimana yemera ko ingengabitekerezo y’ababyeyi iba ariyo y’abana, abana be baragowe kuko ubwo azabaraga ibyo yifitemo.

4-Ese Bizimana azi Imana? Twumve umunyakuri hagati ya Dr Jean Damascène Bizimana wa CNLG na Pasteur Jean-Claude Habimana

5-Uko agoreka amateka: Kwibuka22 – Ikiganiro cya Dr. BIZIMANA Jean Damascene. Iyo Bizimana avuga uko jenoside ikorwa, usanga ari byo FPR irimo, kandi Bizimana ari ku isonga mu migirire mibi yayo.

Hari n’ibindi byinshi tutarondoye hano…

Bizimana abeshya nk’uko ahumeka

Kimwe na Kabarebe n’izindi ntore, Bizimana abeshya nka Kagame kugira ngo yerekane ko yamufasheho urugero (umwera uturutse i bukuru). Kubeshya nta soni bigitera mu Rwanda, ahubwo byabaye intego ihamye. Bariho bararushanwa mu kwiyemera, mu kwishongora no kwiyitirira ibyo batari byo. Nabwo ni ubundi burwayi, bwafashe igihugu buhereye ku bayobozi.

Bizimana areremba hejuru y’amategeko

Bizimana ahagarara ku karubanda (kuri micro) agahuragura amagambo y’amahimbano, yo gusebanya no kugereka ku bandi ibyaha nta kimenyetso atanze. Iyo migirire ihanwa n’amategeko. Ariko Bizimana azenguruka igihugu yidegembya, ntawe ubimubaza kuko arashyigikiwe kandi yaratumwe. Ubundi amagambo y’urwango rwa Bizimana yagombye kumujyana mu nkiko. Uru ni urundi rugero rw’igihugu kitagendera ku mategeko.

Umwanzuro

Mu burwayi bwe, Dr JD Bizimana yibasiye ishyaka FDU-INKINGI na présidente waryo, Mme Victoire INGABIRE Umuhoza. Ariko muri uko kuryibasira, umenya nawe atari we, ahubwo byaramurenze ku buryo adashobora kwifata. Ariko FDU-INKINGI yo izakomeza imuhate ineza, kuko umugambi w’ishyaka ryiyubashye ni ukubanisha abanyarwanda no kubigisha ko tuzarubanamo (u Rwanda). Abacuruza urwango bazahomba; ni yo mpamvu bakwiye kumva ko ibyo barimo bishobora kworeka imbaga. Mu gihe batarabyumva, JD Bizimana we ni uwo gutabarwa.

Pierre Célestin NDUWIMANA

Umurwanashyaka wa FDU-INKINGI

Umugani wa Gashyende n’inshinzi

http://www.musabyimana.net/20190527-umugani-wa-gashyende-ninshinzi/

Incike y’Ishyaka irica

Inyandiko iri hasi aha ni iya Nsabimana Evariste. Irasesengura, ku buryo buhanitse, incike y’ishyaka. Ifite amapagi 13. Tubashishikarije kuyisoma yose uko yakabaye. Irimo ireme n’amasomo byafasha benshi muri twe. Dore agace gato twabahitiyemo.

1. Gucika

Ngo ibijya gucika bica amarenga! Amashyaka avuka mu Rwanda mu nkubili ya Revolisiyo yo mu 1959, yavukanye Ubwiko abuminjiliyemo ubwenge bw’Abanyrwanda u Rwanda rwuzuramo ibico maze ibintu biracika ibindi biradogera !

Yavukanye Ubukenya, agenda akenyuka ruhongohongo kugeza ubwo hasigaye rimwe ry’Intungarutoki. Mwibuke rero ko inkingi imwe itagera inzu.

Limwe reo ryaratanganitse, rirasanya ndetse ririyasira ryigarurira u Rwanda.

Ryumva ko nta rindi; riba ikinege muri urwo rwego u Rwanda ruba ruragumbashye, ruba Ingumba. Andi mashyaka ntiyagwingiye gusa yaragwengeye, aragwangara na bene yo rurabokama ; ntiyabaye incike gusa yabaye incibwa kuko ntaho yari agihagaze.

Umuntu yakwumva rero ko ba nyirayo babaye ba Mbuzamamenero, no kurya iminwa ntibyari bikibashokoye, basigara batunzwe no guhekenya amenyo.

Kandi uhekenya amenyo ntaba ayahekenyera Nyirukumubangamira gusa ahubwo burya ni we aba ahekenya. Ku Munsi wa Simusiga akamumira bunguri.

Abadahekenye amenyo kuko bumvaga batabangamiwe bari ahabo nka rwa Ruheri. Nta n’ubwo biriwe baruca ngo barumire kuko urwabo rusanzwe mu nda niho ndaro yarwo. Nguwo umuvumo wavumbukanye n’Amashyaka; aho gutekereza cyane ngo batobore batikure ijambo, bahitamo Guha amashyi Nyirurwanda.

Twumve gusa ko rimwe na rimwe muri ayo mashyi haba havanzemo Inshyi ; mu Mpundu harimo Induru naho mu Masengesho ahanini huzuyemo Guhinza.

Ngurwo urupfu rw’u Rwanda! Ukuboko kumwe kurya bihora

Ngo ntawe utira uwo batongana ! Ubundi uwo mutongana ni uwawe !

Ishyaka rero ritagira andi biva inda imwe riba aho nta kwa gutongana maze bikariviramo kwitonganya. Byanze bikunze muri rimwe hiremamo menshi, aho kubyara intonganya hakavukamo amahari agenda akagusha ku Mahano.

Hikubitamo Ubutoni buturanye n’Ubutiriganya bigahita bivumbura Ubwindura ; bwandura kurusha Macinya. Bishya rero bishyira kugagara, n’uko umugogo w’ishyaka ukagarama. Nguko gucika kw’ishyaka ariko akenshi ntibicira aho kuko bishobora no kubyara kwicuza.

2. Kwica

Ishyaka ni ryo ryica ariko ntiricika gusa kuko iyo ryikunkumura ntiribura gukumbanya abaryo. Hari n’ubwo rirarira nk’umunyamutwe rigatwara ingenzi ziba zigendera hafi aho .Uretse ko n’ubusanzwe aho Inzovu zirwaniye ibyatsi biruma.

Gucika byo kuba incike;ari byo kubyara umwe ; udakurikira ntakurikirwe kandi bisa n’umwaku mu muco wa Kinyarwanda byabaye umurage mu mashyaka uko yagiye asimburana ku Ngoma.

Uwo muco wa Nyakamwe mu Ngoma waje gutaha mu Ngoro ukahaba akaramata none ukaba uzirambanyije zose wabanje mu Ishyaka lyimakaje Ubugumba kandi kubyara kwaryo bitagombye no kuragurizwa. Abana baryo bariho ndetse bakagira n’izina libakwiye litabatandukanya n’abandi kuko bose bitwa Abarwanashyaka.

Kuki havamo umwe rukumbi akaba Ntambahagali, akaba imbere n’inyuma, iburyo n’ibumoso maze yategeka hakabura utigatiga !

Kuki ugeze ku isonga ry’Ishyaka agasimbizwa ku isonga ry’Igihugu, Inteko ya mbere atayizibukira kandi abaziba icyuho batabuze ?

Aho se mama ntiyaba yaravukanye imbuto ? N’uwavukanaga imbuto mu gihe cyabyo, iyo yimaga Abiru bahitaga bashimikira, bakaraguriza ubwoko buzavamo umugore uzabyara umwana wo gusimbura se.

Ndetse umwana w’umwami uganje barabanaga kuko yagendaga agera ikirenge mu cya se ! Maze umunsi byabaye mahwi umwami akabona gutanga ; agaha umuhungu we na we akima. Twumve aho hantu, aho si aho gushakirwa inzira nzima ?

Aho muri Repubulika ntihabuze Abiru b’igihugu ngo basimbure abiru b’ingoma ? Habuze Abiru habura n’Abere babereye kuboneza ingingo z’Inkamatabugingo bagira ngo bazakure umugiga mu Rwanda.

Ngo mu ngazo y’Ishyaka haganje ba Nikozitamba baba basa. Harya ngo Basabose ni umwana w’Umwanyanda ? Urwo rujijo rutaramyemo injiji ni rwo rwajunjuye u Rwanda ! Intekerezo y’intungarutoki ikata inkoni za Nkomamashyi ; gutekereza bihinduka gusobanya aho kugira ngo bibe umusoto w’Ingengarwanda.

Soma umwandiko wose : Incike_Nsabimana