photo http://www.gishwati-mukura.com/

Ni mu Karere ka Rubavu, intara y’iburengerazuba mu cyahoze ari prefegitura ya Gisenyi aho abaturage bari baturiye inkengero  z’ishyamba rya Gishwati  bamaze imyaka icyenda yose amaso yaraheze mu kirere ngo bategereje ko Leta  y’agatsiko ka  FPR yabishyura ibaha amafranga y’ingurane ku masambu yabo yigabije ivuga ko yayafashe kubw’inyungu rusange hagamijwe ibungabunga ry’ibidukikije no kurengera ubuzima bwabo none ahubwo bakaba bagiye gushirira ku icumu kubera inzara no kubura aho bikinga dore ko bavuga ko iyo baza kuba barahawe ingurane kuri ayo masambu yabo bari kuba barashoboye kwigondagondera utururi ahandi two kwegekamo imisaya aliko kubera kwirirwa biruka inyuma y’izo ngurane intege zimaze kubashirana ari nako batakaza bamwe muri bo.

Banyarwanda, Banyarwandakazi, abo baturage bivugira ko ntaho bataragera basaba kurenganurwa aliko nanone bagasanga uwo batakira ariwe wabarenganije hashize imyaka 9, kugeza ubu bakaba bavuga ko bashyizwe mu rujijo n’abambari ba Leta ya FPR-Kagame.

Nyirarukundo Anastasie umwe mu barenganijwe utuye mu murenge wa Kanama dore ko icyo kibazo kirangwa mu mirenge itatu ikikije ishyamba rya Gishwati,uretse uyu hakaba hari n’imirenge ya Kanzenze na Nyakiriba;anastasie rero ari nawe ukunze gutinyuka mu kuvugira bagenzi be bo bazahajwe n’indwara y’ubwoba baterwa  n’abayobozi  b’agatsiko yadutangarije kuri phone igendanwa ko nta gihe atahwemye kubaza ingurane z’amasambu yabo ati aliko uretse guhora  badusubirishamo gusa ibyo twabajijwe mbere bakitubarura no kutwizeza ngo ibibazo byacu bigiye gukemuka nta kindi…! ati tubibonamo nk’agasuzuguro gakabije k’abayobozi  mu gihe birirwa baririmba ngo abanyarwanda twiheshe agaciro! ati ese ubu tuzihesha agaciro dukandamizwa n’abakaduhesheje? Ati ubu tugiye gutuza twemere  duhebe burundu kuko uwo dutakambira ngo aturenganure ari nawe watwikoreje uyu musaraba! Ati ahasigaye turasaba ubufasha k’uwariwe wese wumva ugutakamba kwacu!

Kuri telephone twashatse kuvugisha  umuyobozi w’akarere ka Rubavu ntiyashaka kutwitaba,haza kuboneka uwitwa Twagirayezu jean bosco,umukozi mu biro by’irangamimerere mu murenge wa Nyakiriba  umwe mu mirenge twavuze haruguru yarituwemo nabo baturage adutangarizako nako ni ukutubeshya  nk’ibisanzwe  à la FPR,  ko ibyo abo baturage bavuga ataribyo kuko ngo bamwe muribo bishyuwe, kandi akongera  akivuguruza yemeza ko umubare munini wo mu murenge wa Nyakiriba wishyuwe ku ikubitiro ati aliko nta mafranga yigeze agera kuri comptes zabo!nimwiyumvire namwe!yagiye he se?yariwe na nde se?akomeza atubwira ko abo baturage ba Nyakiriba bari baribaruje kuli liste ati aliko kubera ko batarabona ingurane zabo byumvikane ko ari igihombo!ati nibihangane turacyabikoraho ubuvugizi!

Banyarwanda, Banyarwandakazi, ubuvugizi  buhora buririmbwa n’iminwa y’abayobozi  butagira icyo bukemura bumaze iki? Harya  ngo keretse umuntu umwe gusa  Prezida Paul Kagame niwe ufite ububasha bwo gukemura ibibazo byananiranye ahindura  amategeko  n’itegeko-nshinga uko yishakiye? Birababaje  cyane! kubona Leta yakagombye kurengera abaturage mu kubashakira imibereho myiza ariyo ahubwo ishinzwe kubahuhura!icyakora nta gahora gahanze tubiteze amaso!

 Byanditswe kuwa 31/01/2017, na:
A.BEN NTUYENABO, KIGALI-RWANDA.