Nkuko  byagenze  rero  uyu  cheih  Gahutu  ni  umwe  waherutse  kuvanwa   k’umwanya w’ubuyobozi  bukuru  bw’umuryango  w’abayisilamu  mu  Rwanda  kubera  amakimbirane yaranze abayoboke  bamwe  b’uwo  muryango  bigaragara  ko  Mufti  wari  ucyuye  igihe  na  FPR  bari  babifitemo  uruhare  mu gucikamo  ibice  bibili  bitavuga  rumwe  mu  banyamuryango. Mufti wari  ucyuye  igihe  n’igice  bafatanije  bafataga   cheih   Gahutu  nk’interahamwe  ngo  kuko  yari  mu  Rwanda  na  mbere  y’intambara   kandi  ngo  akaba  afite  bene wabo  bafungiye icyaha  cya  genocide.

Muli   iyi  minsi  Cheih  Gahutu  akaba  abarizwa  mu  buroko  aho  akulikiranweho  ko  yaba  yaribitseho  miliyoni  mirongo  ine  n’ebyili  z’amanyarwanda (42.000.000Frw)  yahawe  na murumuna  we  Bwana  Sentare  uba  mu  Bubiligi,  PDG  wa  Company  ARAP CONTRACTORS isanzwe  ikora  imihanda  hano  mu  Rwanda. Cheih  Gahutu  akaba  yaragombaga gushyira  ayo mafranga  kuli  compte  ya  FPR  muli  BK  mu  rwego  rw’imisanzu  yakwa  uwariwe wese ukorera  muli  iki  gihugu  nkuko  bigendekera  buri  wese  uhafite  ibikorwa byunguka.

Nkuko  Cheih abisobanura  rero  ayo  mafranga  yarayakiriye  koko  mu ntoki  ze  ayahawe na  Murumuna  we  Sentare  aliko  nk’abavandimwe  nta  nyandiko  bagiranye igaragaza  ko  hari  icyo  amuhaye, Cheih  yahise  ayajyana  kuli  compte  ya  FPR/BK mu  rwego  rw’imisanzu  kugira ngo  Bwana   Sentare  yongere  ahabwe  uburenganzira  bwo gukomeza  gukorera  mu Rwanda  nkuko  bari  babyumvikanyeho, aliko  Banki  ya  Kigali  nayo  ikaba  ifitanye  consigne  na  FPR  yo  kudatanga  Borderau  ku muntu  wese  ushyize bene  ayo  mafranga  y’imisanzu  kuli  compte  yayo, ikimenyetso  ubona  gisimbura  borderau   akaba  ari  ukumenyeshwa   par  téléphone  cyangwa  par  message  ko  yabagezeho banagushimira   nkuko  byagendekeye  cheih  gahutu  ubwo  yohererezwaga  ubutumwa  bugufi  na  FPR  nyuma   yuko  ashyize ayo  mafranga  kuli  compte  inamushimira   icyo  igikorwa; bityo  rero  cheih  yakoze  ibyo  bamutumye aliko  ntiyahabwa  borderau  yewe  nta  n’inyandiko  igaragaza  ko  yakiriye  mu ntoki  ze  ayo  mafranga.

Ubwo  bujura  bukaba bwarapanzwe  na  FPR  mukwihimura  kuli  Cheih  Gahutu  ngo  kubera  agasuzuguro  ko  arusha  ubutunzi  bamwe mu bayobozi  b’igihugu  barimo  Ministri  FAZIRI  Mussa  ushinzwe Umutekano  hano  mu gihugu  n’uwo  yasimbuye  Bwana  Cheih   HABIMANA  Saleh  wahoze  ari  Mufti  w’u  Rwanda  ubu  akaba  yaragizwe  ambassadeur  w’u  Rwanda  muli  Egypt. Aho ikibazo  cyagaragariye  rero, Bwana  Sentare  wari  wizeye ko  ikibazo  cyarangiye  agiye gukomeza  ibikorwa  bye  mu gihugu  nuko  yabajije  uburyo  yasubukura  ibikorwa  bye bakamusubiza  ko  atarakemura  ikibazo, nibwo  yiyambaje  Cheih  Gahutu  uko  yabigenje, undi  amusobanulira  byose  uko  yayashyize  kuli  compte  yewe  na  sms   FPR   yamwoherereje ,aliko   FPR  igahakana  ko nta mafranga  yageze  kuli  compte  yayo!

Nibwo  Sentare  afashe  iy’ubutabera  Cheih  Gahutu  aba  atawe mu buroko  aho  ategereje ubucamanza, aliko  kugiti cye  akaba adahakana  ko yakiriye  ayo mafranga  kandi  akaba  yarayashyize  kuli  compte  ya  FPR, kuburyo  yanagize  ati:  nk’umuyisilamu  w’inyangamugayo ayo  mafranga  nay’umuvandimwe  wanjye  niyemeje  kuyakura    mu mutungo  wanjye  nyamwishyura  Imana   yabimpaye  ntaho  yagiye  nizeye  ko  izampa  andi, Imana  ishobora byose  izanyongerera  ndabyizeye. Ubu nandika  hari  amakuru  angeraho ko  Cheih  yarangije  gutanga  ayo  mafranga  y’akamama  ahugujwe   na  FPR.

Banyarwanda banyarwandakazi,muriyumvira  aho  tugeze,ni agahomamunwa  pe  !! Hari  noneho  n’abanyarwanda  batanze  amafranga  muli  cya kigega  cyitiriwe  KARAKE Karenzi bamaze  kumenyeshwa  ko  nubwo  yarekuwe  batazasubizwa  amafranga  yabo  ngo azakora ibindi  kandi  bari  bishimiye  ko  ubwo  KARENZI  arekuwe  bazayasubizwa, mubyukuri basabaga ko  bayasubizwa.Ubu  usanga  barimo  bicuza, bamwe ntibatinya  no  kugaragaza ko  bayobowe  gicanshuro, uretse  ko  iminsi   y’umujura  itajya  irenga  mirongo  ine. Mugire Amahoro.

 

Byanditswe  kuwa  23/08/2015    na:
A.BEN  NTUYENABO,
KIGALI-RWANDA.