Archives de catégorie : Amakuru

swayibu1

Rwanda : Ubukene bukabije, ubushwanyi n’amahanga, ibibzo ni byinshi…

Ubukene bukabije bwugarije abanyarwanda

 

Hashize igihe kirekire, icyorezo cya covid 19, kitaratangira kwisi , murwanda harubukene bukabije , aho fpr ishyaka ririkubutegetsi , ryihariye amasoko yose , mugihugu , yewe bigeraho , naba motari , nabanyonzi , nibinamba , byiharirwa nabo , noneho bigezihihe , icyorezo cya covid 19 , kigaragara kwisi , ubukene bwarushijeho cyane,  aha ndavuga.muri rubanda rugufi , kuko ibikomerezwa , babantu bake barimugatsiko ka,  FPR, bo ntakibazo bafite, kuko bafite amafranga menshi, cyane abatunze,  nimiryango yabo.

Abanyarwanda bose batewe ubwoba , nubutegetsi buriho

 

Kugirango,  hatazagira numwe utekereza gukora coup d’état, cyangwa guhirika ubutegetsi , niyompamvu fpr , yabinjijemo ubwoba , buriwese agatinya mugenzi we , wabonye aho , umwana atinya ababyeyibe , nababyeyi bagatinya umwana  , abashakanye , nabo , bagatinyana , kuko buriwese , kuri mugenzi we nimaneko , kugezaho fpr ikoresha abakozi bomurugo , bagatanga , rapport  ahabigenewe , banyarwanda banyarwandakazi , nimuhaguruke , turwanye ingoma yigitugu.

 

Mu Rwanda ntawuvugishukuri

 

Umuntu wese uvugishukuri murwanda aricwa cyangwa agafungwa cyangwa akirukanwa kukazi
Muminsi ishize,  harinkuru imaze igihe ivugwa , kubitangaza makuru byohanze,  (social média) ko umwarimu muri kaminuza yurwanda  witwa Karasira Aimable, yirukanwe kukazi ke , kubwarimu , ntakindi yazize uretse kuvugana nabari muri opposition yurwanda nka madame  Victoire Ingabire Umuhoza nabandi nkawe. Fpr yabanje kumwihanangiriza we yanze kuva kwizima , kandi yagiye gushyingura umuhanzi Kizito mihigo ajya no mukiriyo cye ibyo kuri fpr nibyaha bikomeye cyane.

Ejobundi aho umunyamakuru wa radio itahuka witwa Serge , yatumiye uwahoze ari ministre wububanyi namahanga wurwanda akaba yarabaye na ambassadeur wurwanda muri ONU,  ariwe Gasana Anastase  ,yanenze Leta yurwanda iyobowe na président Paul  kagame avugako haba leta ebyiri , iyikuzimu , itagaragara , nindi iyimusozi igaragara,  kuri bose , iyikuzimu ninayo iyobora ifata nibyemezo, atanga urugero ko président Bizimungu akiyobora, nawe ari, ministre wububanyi namahanga, batigeze bamenyako , urwanda rwohereje ingabo muri Congo,  avugako niyo ministre avuga ategetswe kuvuga ibyo agatsiko kikuzimu kamutumye kuvuga , bitaribyo akirukanwa , arongera atanga urugero rwuko ministre Nduhungirehe yirukanwe kuko yihaye kuvuga ibyo agatsiko kikuzimu katamutumye.

 

Niryari u Rwanda ruzabana neza , n’ibihugu, byibituranyi

Birakomeye cyane,  kugirango u rwanda ruzabane neza , nibihugu byibituranyi , mugihe rukiyobowe na président Paul kagame ukoresha igitugu,  wita kunyungu ze cyane  aho kwita kunyungu zabo ayobora,  burimwanya  aba yikanga uwamukura kungoma , akabonako , bishobora guturuka murikimwe mubihugu , byibituranyi , niyo impamvu atumvikanaga na président jakaya murisho kikwete , wayoboraga Tanzanie  , amushinjako , yashakaga gutanga ninzira kuri FDLR kugirango yinjire murwanda imukureho , bityo ntiyumvikane na pierre Nkurunziza président wayoboraga iburundi,  nawe amushinja nkibyo yashinjaga uwa Tanzanie , imipaka arayifunga kugeza nanubu igifunze , arangije yibasira Uganda cyane , nayo ayishinjako président  yoweri kaguta museveni , acumbikiye.  Abarwanyi ba RNC  , bayobowe na Général kayumba nyamwasa.  Zitoreza mubuganda , kugirango  , zitere urwanda

Aribuka neza nkuko président museveni , yamufashije  cyane kugirango atere , urwanda,  anamushyire kubutegetsi , akureho ingoma ya Habyarimana , yumvako , umwanya kwariwowe wose , yashyigikira nabandi,  nawe bakamukuraho ,niyompamvu  , yumva yafunga imipaka , yose , nubwo abanyarwanda  , bakwicwa ninzara , ntacyo bimubwiye ,hasigaye umupaka , wa RDcongo wonyine , nawo ugenzurwa , cyane kuburyo ufashwe yambukanye 1kg cyibishyimbo cyangwa 1kg yisukari araswa agahitapfa banyarwanda banyarwandakazi nimuhaguruke dukureho ingoma yigitugu .

Mvuyekure Swaibu

ethnies

Politiki n’amoko mu Rwanda

Ingingo irebana n’amoko mu Rwanda ikomeje kugibwaho impaka n’abantu b’ingeri nyinshi. Ahanini ingorane zikunze guturuka ku kutamenya amateka y’imihindagurikire y’ikoreshwa ry’ijambo « ubwoko » ku bijyanye n’umuryango nyarwanda. Ikindi gitera ingorane ni ukutamenya itandukanyirizo lili hagati y’ibyitwa ubu « amoko », ni ukuvuga abasinga, abazigaba, abatutsi, abatwa, abahutu, ababanda, abacyaba, abasindi…, isano bifitanye n’ukuntu byakoreshejwe muri politiki. Iyi nyandiko iragaruka kuri izi ngorane ari nako hagenda hagaragazwa ibisubizo ku bibazo bizikomokaho.

 

Ubundi ijambo ubwoko ku birebana n’abantu, likoreshwa bashaka kuvuga inkomoko. Ku bijyanye n’umuryango nyarwanda, iyo babajije umuntu ubwoko bwe baba bashaka kumenya inkomoko ye. Gusa aha igisubizo gitagwa akenshi ntabwo kiba kimwe ku banyarwanda bose: umwe ashobora kukubwira ati ndi umuzigaba, ndi umusinga, ndi umusindi…; undi akakubwira ati: ndi umututsi ndi umuhutu, ndi umutwa… Aha umuntu yakwibaza ibibazo bibili by’ingenzi:

 

1-Byagenze bite kugirango ibyo byose byitwe amoko?

2-Ali abo bazigaba, abasinga, abasindi  ari n‘abatutsi, abahutu, abatwa, ni bande biyitirira inyito y‘ abandi?

 

I. Amoko gakondo y’Abanyarwanda ni ayahe ?

 

Iyo tugiye mu mateka yanditswe kuri kariya karere u Rwanda rw’ubu rwubatseho, hari byinshi dusangamo bitwereka ko abanyarwanda bo hambere (aha reka tuvuge mbere y’umwanduko w’abazungu) bavugaga inkomoko yabo bashingiye ahanini ku moko. Ayo moko abanyarwanda bibonagamo yageraga kuri 20 : abasinga, abasindi, abazigaba, abagesera, ababanda, abacyaba, abega, abungura, abashambo, abatsobe, abakono, abaha n’ayandi… Ubuzima mbonezamubano ndetse n’ubujyanye na politike muri rusange bwari bushingiye kuri ayo moko. Umuntu yanavuga ko ariyo ubuzima muri rusange bwari bwubakiyeho…

 

Ibi bishobora gusobanurwa n’ingingo zikurikira :

Reka dutangirire ku bihugu bya mbere byari hariya u Rwanda rw’ubu ruri, ibyo bihugu byari byubakiye ku moko : Mubali w’abazigaba, Gisaka cy’abagesera, Nduga y’ababanda…n‘ibindi.

 

Mugushaka kuvuga abaturage babanjilije abandi hariya u Rwanda rw’ubu ruri, ni ukuvuga abasangwabutaka naho hakoreshwaga ayo moko ; bavugaga ko cyangwa bavuga ko abasinga aribo basangwabutaka.

 

Ibyo gushyingirana nabyo byagenderaga kuri ayo moko :  Reba nko mu bami b’abanyiginya baravugaga bati turafata abageni mu bakono, mu baha, mu bega, mu basinga… Muri uru rwego rwo gushyingirana, Bwana Fawustini Kabanza, mu kiganiro yagiranye na Gaspard Musabyimana kuri Radiyo Inkingi ku ya 19 mata 2020 yatanze ingero. Yavuze Nyirantobwa umukobwa w’umwami Mibambwe Sekarongoro warongowe kwa Mashira, avuga Bwiza bwa Mashira warongowe na Gahindiro bivugwa ko yari umuhungu w’uwo Mibambwe Sekarongoro… Kuri uru rutonde twakongeraho Mageni bivugwa ko yari umwuzukuru wa Nsoro Bihembe wategekaga u Bugesera ngo akaba yarazanye na Nyanguge atwite Mukobanya. Uwo Mageni yarongowe kwa Ngoga wo mu Nduga ya Mashira. Abo bose, nk’uko Kabanza abivuga, ntawagiye mu rugo rw’undi gushaka umugeni ari umututsi, ari umuhutu cyangwa se umutwa.

 

Urundi rugero ni rwa Ruganzu Bwimba igihe bavuga ko yari amaze gufata icyemezo cyo kujya gupfira mu Gisaka nk’umutabazi, yagize ati: „Umusindi yarenze akarwa…“ ashaka kuvuga ko nk’umusindi adashobora gusubira ku cyemezo yafashe. Izi ngero zose zirerekana ko mugushaka kugaragaza inkomoko ye, umunyarwanda wo hambere ni amoko abasinga, ababanda, abagesera,… yashyiraga imbere.

 

Ntawashyiraga imbere ubututsi, ubuhutu cyangwa ubutwa kuko nkeka ko bwari butaraza (ndashaka kuvuga muri icyo gihe cya Ruganzu Bwimba amateka avuga ko yabayeho mu kinyejana cya cumi nagatanu). Bishatse kuvuga ko ariya moko (abasinga, abazigaba, ababanda,…) yabayeho mbere y’ubututsi, ubuhutu n‘ubutwa. Aha naho ndahahurira na Kabanza wari muri kiriya kiganiro navuze haruguru. Iyi ngingo ni ingenzi kuyumva neza kuko idufasha kumva impamvu dusanga abatutsi, abahutu, abatwa mu bazigaba, abasinga, ababanda n’ahandi mu yandi moko…

 

II. Abatwa, abatutsi, abahutu twavuga ko batangiye kuvugwa ryari?

 

Ntibyoroshye gusubiza iki kibazo. Iyo umuntu asomye amateka yerekeranye n‘ariya moko (abazigaba, abasinga, ababanda…) yari aturiye hariya u Rwanda rw’ubu ruri ndetse no muri kariya karere k’ibiyaga bigari kose akayasesengura arinako ayagereranya, usanga ahagana mu kinyejana cya cumi na gatandatu gishyira icya cumi na kalindwi gitangira ibintu byaratangiye guhinduka. Amoko amwe yashatse kubaka ibihugu binini, birenze akagali kiyitirira ubwoko bumwe. Ahangaha umuntu ashobora kuvuga ko bariya basindi ba mbere ni ukuvuga ba Bwimba aribwo bashobora kuba baratangiye kwagura akagali kabo kazavamo u Rwanda tuzi ubu…

 

Ugutera imbere by’ako kagari kwaranzwe n’ibintu bibiri by’igenzi:

-Gusenya ibihugu bishingiye ku moko bikomekwa kuri icyo cy’abasindi byagize ingaruka mbi kuri ayo moko kuko akenshi abagize ayo moko, bamwe baricwaga abandi bagatorongera;

-Havutse ingenabitekerezo nshya ishingiye kuri politiki y’imiyoborere y’icyo gihugu cyari gitangiye kuba kinini cyangwa se kwaguka inajyanye kandi n’ingamba zo kwigarurira ibindi bihugu. Ni muri uru rwego rujyanye niyo ngengabitekerezo ya politique n‘uko yagiye ikura nkeka ko amagambo abahutu, abatutsi, abatwa ashobora kuba yaratangiye gukoreshwa.

 

Mu gitabo cye Intwari z’Imbanza zubatse u Rwanda rugahamya igitinyiro. Amateka y’umushinga wo kubaka u Rwanda, umaze imyaka 926 (1091-2017), Yohani wa Mungu Nsanzabera avuga ko ari ku gihe cy‘umwami Cyilima Rugwe (bavuga ko yabayeho ahagana mu kinyejana cya cumi na gatandatu) ayo magambo yinjijwe mu mibereho y’abanyarwanda asobanura ibyiciro by’ubudehe mu rwego rw’ubworozi bw’inka…

 

Vansina we, mu gitabo cye “Le Rwanda ancien. Le royaume nyiginya” akavuga ko ari ku gihe cy‘umwami Cyilima Rujugira (bavuga ko yabayeho ahagana mu kinyejana cya cumi n’umunani) ayo magambo yakoreshejwe mu rwego rw’intambara. Bashaka gutandukanya abarasanaga ku rugamba bitaga abatutsi n’abatwaraga ibikoresho, impamba… bitaga abahutu.

 

Biragoye kwemeza ko biriya bice (abatwa, abatutsi, abahutu) byariho ku gihe cya Rugwe nk’uko Nsanzabera abivuga kubera ko twabonye haruguru ko muri biriya bihe bya Bwimba bivugwa ko ariwe wabyaye Rugwe, amoko abasinga, ababanda, abasindi… ariyo yakoreshwaga. Ko ibyo bice byaba byaratangiye gukoreshwa ku buryo bwimbitse mu buzima mbonezamubano no muri politiki ku gihe cya Rujugira birashoboka. Nanone ahangaha naho ariko ntabwo ubushakashatsi bwari bwatangaza itariki idakuka.

 

Icyigenzi aba bashakashatsi bahuriyeho, ni uko ayo magambo yabayeho kuva mbere y’umwaduko w’abazungu; kandi ko yadutse asobanura catégories sociales. Erega si hariya u Rwanda ruri gusa ayo magambo yakoreshejwe avuga catégories sociales. Abanyanga, Abamongo bo muri Repubulika Iharanira Demokarasi ya Kongo nabo barayakoreshaga…Uwaba ashaka kumenya neza ibyerekeranye nabo banyanga cyangwa abo bamongo, livre nsengimanayabisanga mu gitabo mperutse gusohora cyitwa Histoire du Rwanda. Désidéologisation et restitution des faits historiques…  Editions Sources du Nil, Lille, 2020.

 

Ukwaduka kw’amagambo abahutu, abatutsi, abatwa n’ikoreshwa ryayo bigaragara ko bishobora kuba byabayeho nyuma ya Ruganzu Bwimba bivugwa ko uyu yabayeho ahagana mu kinyejana cya cumi na gatandatu ntibigomba gufatwa nk’intangiriro y’amateka y’u Rwanda cyangwa se aya kariya karere u Rwanda rw’ubu rwubatseho. Mbere y’icyo kinyejana, ako karere kariho n’amateka yako, gatuwe n’amoko gakondo: ababanda, abacyaba, abasindi, abazigaba, abasinga, abagesera…yarangwaga n’imirimo inyuranye: ubuhinzi, ubworozi, ubucuzi… Haruguru twabonye ko amoko amwe yari yarashoboye no kubaka ibihugu yigengagaho. Ibyo bikorwa byose ntibyavumbukiyeho gutyo gusa; byatanzwe n’iterambere ubushakashatsi buvana ahagana imyaka 500.000 mbere y’umwaduko wa Kristu.

 

Ibindi bintu bibili by’igenzi umuntu yavuga ahereye kuri buriya bushakatsi bwa Nsanzabera na Vansina ni uko izo nyito z’ubuhutu, ubututsi n’ubutwa zaje nyuma y’amoko (abasindi, ababanda…) kandi ko abinjiye cyangwa abinjijwe mu byiciro izo nyito zasobanuraga, batavaga muri za Kameruni, za Tchad cyangwa se muri za Abisiniya…

 

Gushingira gusa ngo ko abantu basa maze umuntu akabahuza inkomoko ntabwo bihagije. Niyo mpamvu guhuza abahutu n’abakamerune, abatutsi n’abapeule cyangwa n’abosomali, ukongeraho ko baje mu Rwanda ariyo baturutse bakahasanga abatwa ataribyo. Ese niba ubu abo bahutu, abo batututsi bavuga ururimi rumwe rw‘Ikinyarwanda, muri ibyo bihugu bya Kameruni, Tchad, Somalie… naho bavuga cyangwa bavugaga ururimi rw’Ikinyarwanda? Niba se abahutu n’abatutsi barigiye urwo rurimi rw’Ikinyarwanda ku batwa basanze mu Rwanda, izindi ndimi baje bavuga ni izihe? Ese hari ibisigisigi byazo dusanga mu Kinyarwanda? Kugeza ubu abahanga mu ndimi ntabyo barerekana. Izo nkomoko zihabwa abo banyarwanda ni impimbano, ntaho zihuriye n’ukuri; zatangajwe mu rwego rwo gukwirakwiza ingengabitekerezo ya politiki igamije gufata ubutegetsi, kubugundira no kubuheza ho abandi nk’uko ubu hari abanyarwanda bashaka kwisanisha n’abayahudi mu rwego rwo gushaka kwitandukanya n’abandi banyarwanda kugirango bashobore kubatsikamira…

 

III. None umuntu yasobanura ate ukuntu abatutsi, abatwa, abahutu bahurira mu moko?

 

Niba ibyo bice (abatutsi, abatwa, abahutu) byaraje nyuma y’amoko (abazigaba, ababanda, abasinga, n’ayandi …) birumvikana ko byagiye bivana abantu muri ayo moko yariho bitewe n’imilimo babaga bahamagariwe gukora. Ahangaha umuntu yavuga ko byagiye byoroshwa ni uko abari bagize ubwoko ubu n’ubu batari bafite ubumenyi bumwe ku bijyanye n’imibereho mbonezamubano na politiki, ntibakoraga imilimo imwe kandi ntibari bakungahaye kimwe. Umuntu yavuga ko bagiye binjira cyangwa se binjizwa muri ibyo bice bitewe ni uko babayeho  cyangwa n’icyo bazanye. Mu basinga hashoboraga kuboneka abinjira cyangwa se abinjizwa muri catégorie y’abatutsi, iy’abahutu n’iy’abatwa. Mu basindi, mu bazigaba n’ahandi mu yandi moko naho byashoboraga kuba uko…

 

Ikindi gisobanura uruhurirane rw’abahutu, abatutsi n’abatwa mu moko ni uko ari ayo moko cyangwa se ibyo bice by’abahutu, abatwa n’abatutsi nta gipande na kimwe cyari gifunze. Abanyarwanda binjiraga mu bwoko cyangwa mu gice iki n’iki bakagisohokamo kubera impamvu zinyuranye: gushyingirana, ubuhake, … Politiki nayo hari igihe yabigiragamo uruhare. Urugero twavuga ahangaha n’urw’umuryango wa Padiri Kagame Alegisi dusanga mu gitabo cya Antoine Nyagahene.  Ku rupapro rwa 252 Bwana Nyagahene avuga ko umuryango wa Padiri Alexis Kagame w’abahabwa wo mu bwoko bw’abasinga winjijwe mu batutsi n’umwami w’abanyiginya Kigeli Rwabugili mu kinyejyana cya cumi n’icyenda bitewe nuko Buki, sekuru wa Padiri Kagame yafashije uwo mwami mu bitero yagabye mu karere yari atuyemo ko mu Ndorwa.

 

IV. Abatwa, abatutsi, abahutu baje kuba amoko bigenze gute?

 

Amagambo «abahutu, abatutsi n’abatwa» ni ayo mu rulimi rw’Ikinyarwanda, bivuze ko ntaho ahuriye n’umwaduko w’bazungu mu Rwanda; yariho kandi yarakoreshwaga mbere y’ukuza kwabo mu Rwanda. Amagambo « ubwoko – amoko » nayo yabagaho mbere yuko abazungu bagera mu Rwanda kuko yakoreshwaga ku basinga, ababanda, abasindi, abazigaba,… Abazungu bamaze kwemeza ko « abahutu, abatutsi n’abatwa »  ari za « ethnies », cyangwa se «races» no kubavangura hakurikijwe isura bashatse igisobanuro cy’ayo magambo mu Kinyarwanda, ni uko bafata ya magambo « ubwoko-amoko »; kubera ingufu bari bafite, abazungu bemeje iyo nyito nshya y’amagambo « abahutu, abatutsi n’abatwa »; abategetsi b’abanyarwanda bategekanaga nabo, ni ukuvuga abami b’abanyiginya barayakira, abiru babo barayikwirakwiza.  Muri make rero, umuntu yavuga ko ayo «moko mashya» yazanywe kandi ashyigikirwa n’abari bafite ingufu mu rwego rwa politiki no mu rw’ubukungu. Niyo mpamvu ayo «moko mashya» yahise ahabwa agaciro kurusha yayandi gakondo abanyarwanda bibonagamo.

 

Ugutakaza agaciro kw’amoko cyangwa uguta imbaraga kwayo kubera impamvu za politique byatumye ibyo bice bindi by’abanyarwanda (abatwa, abatutsi, abahutu) biza imbere mu mibereho mbonezamubano no muri politiki. Uko kuza imbere kw’ibyo bice kwagiye kuza buhoro buhoro: Mbere y’umwaduko w’abazungu ibyo bice byarakoreshejwe: tubisanga mu bitekerezo bikubiye mu gitabo cyandistwe na André Coupez na Kamanzi; mu bucurabwenge, cyane cyane muri cya gisigo cyarataga ibisekuru by’abami b’abanyiginya bivugwa ko abashinzwe uwo murimo bagizwe abakozi bakuru b’ibwami kuva ku ngoma ya Kigeli Mukobanya. Iyo abacurabwenge bavugaga icyo gisigo batangiriraga ku mwami uriho. Nk’iyo bakivugaga ku ngoma ya Mutara Rudahigwa, bagira bati: „uyu mwami twimitse ni Mutara. Izina rye ry’ubututsi ni Rudahigwa. Nyina umubyara ni Nyiramavugo. Izina rye ry’ubututsi ni Kankazi… “; bagakomeza batyo kugeza kuri Gihanga bavugaga ko ariwe wahimbye ingoma yabo.

 

Mu gihe cya gikolonize no mu gihe cya za Repubulika: iya mbere, iya kabili n’iya gatatu ubu nandika iyi nyandiko turimo, naho ibyo bice byarakoreshejwe ndetse bihabwa n’ingufu kuko byakoreshejwe cyane n’abanyapolitike kugirango bagere ku nyungu zabo. Uko kuza imbere kw’ibyo bice kwagiye gusubiza inyuma amoko abanyarwanda bibonagamo ni ukuvuga abazigaba, abasinga, abasindi… ari nako ibyo bice byagiye bifata izina ubwoko ku buryo muri iki gihe iyo ikibazo cyerekeranye n’ubwoko kibajijwe ntabwo ari kenshi umuntu yumva abasinga, abazigaba…; akenshi umuntu yumva abatwa, abatutsi, abahutu…

 

Ijambo ubwoko twavuga rero ko ryakoreshwaga mbere na mbere kuri ariya moko gakondo  abasinga, ababanda, abega, abasindi… ariko ko ryaje gukoreshwa ku abatwa, abatutsi, abahutu ahanini bitewe n’abanyapolitiki bashakaga gukurakuza inyungu zabo…

 

V. Ayo moko gakondo twavuga ko yatangiye kuvugwa ryari?

 

Kimwe n’uko haruguru navuze ko bitoroshye kubona italiki amagambo abatwa, abatutsi, abatwa yatangiriyeho gukoreshwa mu mibereho mbonezamubano no muri politiki by’abanyarwanda ndagiragango aha naho ku berebana n’ariya moko gakondo mvuge ko bigoye gutanga igihe yavukiye n’ubwo bwose bigaragara ko yabanjirije abahutu, abatwa, abatutsi. Icyo umuntu yavuga ni uko bishoboka ko yabayeho akomotse ku iterambere mbonezamubano ry’abaturage bari baturiye kariya karere u Rwanda rw’ubu rwubatseho niry’utundi turere tugakikije. Ikindi umuntu yavuga ni uko ayo moko yavuye mu baturage bamwe, bari bamaze kumenyerana, barangwa n’umuco umwe banavuga ururimi rumwe ruzaba mu iterambere ryago Ikinyarwanda, Ikirundi, Igishi… Amwe muri ayo moko yavukiye muri kariya karere u Rwanda rw’ubu ruri, andi hanze yako.

 

Uko imyaka yagendaga ishira indi igataha ni nako ayo moko yagendaga ahindura isura, amwe akimuka agahindura inturo; byageze naho amoko amwe akomera maze yubaka ibihugu.  Muri kariya karere u Rwanda rw’ubu ruri, nk’uko biboneka hejuru muri iyi nyandiko umuntu yavuga u Mubali w’abazigaba, Nduga y’ababanda, u Bugara bw’abacyaba…

 

Kuri ibi birebana no kwimuka kw’amoko, ayaje gutura muri ako karere aturutse ahandi, ntabwo yavuye kure yako kuko mu muco uranga abagatuye ubu nta bimenyetso bibyerekana. Imibanire hagati y’amoko yategekaga ibihugu byayo ntabwo buri gihe yari myiza. Mu gushaka kwagura ibihugu byayo, amoko amwe yashoje intambara ku yandi moko maze ibihugu by’atsinzwe bikomekwa ku by’atsinze.

 

Ni muri urwo rwego ibihugu bimwe byagutse ibindi bigasenyuka burundu. Uku gusenyuka kw’ibihugu bimwe kwakulikirwaga n’ugutakaza ingufu kw’amoko yabiyoboraga. Mu by’ukuri, izi ntambara nizo zatangiye kwaka ingufu amoko k’ishingigiro ryubakirwaho ibihugu. Abatsindaga intambara, ibihugu byabo bikaguka, bashatse izindi nkingi z’ubutegetsi bwabo, maze bashyiraho ingamba n’ingengabitekerezo zituma bayobora ibyo bihugu byabo byagenda byaguka ari nako zigenda zigabanya ingufu z’amoko. Byabaye ngombwa ko bashyiraho ibyiciro mu baturage bituma babayobora; muri kariya karere u Rwanda rw’ubu rwubatseho ibyo byiciro nibyo byiswe abatwa, abahutu, abatutsi. Ibi nabyo byaje biturutse mu baturage bamwe, bafite umuco umwe kandi banavuga ururimi rumwe.  Birashoboka kandi ko ayo moko n’ibyo byiciro ari ibya vuba (nanone aha byumvikane ku rwego rw’amateka) ugereranije n’u Rwanda gakondo n’ururimi rwarwo Ikinyarwanda rwabibanjirije.

 

Umwanzuro

 

Mu gusoza, icyo twavana muri aya mateka y’amoko: abasinga, abazigaba, abasindi… cyangwa no muri ariya yerekeranye na biriya bice bindi abatwa, abatutsi, abahutu ni uko byose byakomotse ku iterambere ry‘imbonezamubano, ry‘ubukungu cyangwa rya politike ry’umuryango nyarwanda. Bishatse kuvuga ko Abanyarwanda muri iryo terambere ryabo aribo batanze, ku bihe bitandukanye na none, ayo moko yose n’ibyo bice byose. Niyo mpamvu ayo moko yose n’ibyo bice byose bihuriye ku muco umwe: ururimi rumwe, gushyingirana, guturana bivanze mu gihugu, indyo imwe, imyambalire imwe, n’ibindi. Muri make Abanyarwanda ni bamwe! Atari ibyo byagorana gusobanura ukuntu abahutu, abatutsi n‘abatwa (niba atari bamwe) baboneka mu bwoko bumwe nk’ubw’abazigaba aho abawugize bavuga ko bukomoka ku mukurambere umwe bita Kazigaba…

 

Mu mateka y’abanyarwanda, habayeho politiki mbi zishingiye ku ngengabitekerezo z’irondakoko zabagabanyijemo ibice.

Ingaruka zizo politiki zaranzwe n’ibibi byinshi: ubwicanyi, guhunga igihugu, kwikubira ibyiza by’igihugu…Ariko icyagararagaye ni uko kuva mbere y’umwaduko w’abazungu izo politiki zajyaho, nta bwoko cyangwa igice na kimwe cyitandukanije n’abandi banyarwanda ngo gituye mu gipande cyacyo cy’igihugu cy’u Rwanda, ngo gishyireho ururumi rwacyo, imyambalire yacyo, indyo yacyo…kubera ko wa muco umwe ubaranga wakomeje kubagira umwe. Uyu muco w’ubumwe hagati mu Banyarwanda ni ubere imbaraga abakiri bato, barwanire guha u Rwanda icyerekezo cy’ubumuntu kizira amacakubili aho yaturuka aho ariho hose kuko ubwo bumuntu aribwo soko y’iterambere rirambye.

 

 

Inosenti Nsengimana

Kanama 2020

 

 

Hist Politiki n’amoko mu Rwanda

Mvuyekure Swaibu Ku rupfu rwa Joy Agaba mushiki wa Generali Major Gisa Rwigema 24.11.2019

Swaibu Mvuyekure

Swaibu Mvuyekure

Nyuma yuko uwarindaga Generali RWIGEMA GISA FRED avugiye ku maradiyo ko Afande Rwigema yishwe na Paulo Kagame mugihe intambara yo kubohoza u Rwanda yatangiraga, benshi muri twe twaje kugwa mu gatangaro tumenye ukuntu Kagame yacuze umugambi wo guhitana uwari umukuriye ku rugamba. Byaje kumenyekana ari uko uwamurindaga abihishuriye mushiki wa Rwigema Joy Agaba.

Ibyo byabaye nko kumushumuriza umwicanyi uzirusha intambwe. Mugihe we yumvaga ko ugusangira ibyo yamenye akoresheje Facebook n’abavandimwe n’inshuti z’umuryango ntiyamenyaga ko uwabahekuye yari yaramushize ho ingenza ko ibyo yandikaga n’ibyo yavugaga byose intasi za Kagame zabiteraga mu matwi . Intozo za Kagame arizo Nyakarundi wari muri America, Dan Munyuza wari akuriye DMI akanagendana uruhago rw’utuzi duhumanya zaje gushyira mu bikorwa icyemezo cya Sebuja cyo gutangira gahunda yo guca inzigo mu muryango wa Rwigema. Nkuko byagenjwe ku yindi miryango y’abatavuga rumwe na Paulo Kagame bavukije ubuzima uwo nyampinga byita ko ari umwijima wabanje kumurya nkabandi banyerejwe niyo “team infernal”. Abo bose bahitannywe kuri ubwo buryo bapfa bataka umwijima banabyimbye inda. Abamaze gupfa ako kageni ni benshi cyane. µ

Ikibabaje kandi n’uko Rwigema ariwe wari wahesheje umwanya ukomeye Kagame. Koko ngo uvura umutindi ijisho akarigukanurira. Umurambo wa Agaba Joy wahise ujyannwa shishi itabona ahatazwi ngo ejo hatazavaho abantu bakoresha autopsie yazaga gutuma bamenya ikimuhitanye. Ikindi kibabaje n’uko inshyingurwa rye batemereye inshuti n’abavandimwe kumuherekeza.

Abaje gufata mu mugongo bari bake kandi byabaye ngombwa ko bitwikira ijoro. Ikibabaje n’uko kuva ubwo umugore n’abana ba nyakwigendera Rwigema barushijeho gushyirwa ho ingenza ngo hatagira uwutera inkunga cyangwa se ngo uwutabarize. Basa nk’abahawe akato ngo batagira uwo babwira agahinda babamo. Uwo kagame yishe yumva yarimbura n’abe bose ibyo nibyo ba nyirarume bari barahereye umudende “Guca Inzigo”!!!! Afurika, Uburayi, Aziya n’Amerika nimutabare amazi atarenga inkombe.

Mvuyekure Swaibu

Dusobanukirwe n’ibyerekeye NDUGA na RUKIGA

carte régions anciennesIliburiro

Mbatuwe no kwatura impaka z’Impakakuri ku isano nzima ya Nduga na Rukiga bikunze kubangikanwa n’Abashozampaka ku mpamvu z’Impatanirakurusha.

Ndagira ngo ngushe ku mpaka z’urudaca, zazindi iyo zidaciye inka zica umugeni. Impaka nzima zuzuye ubuzima bw’abantu bazima ndetse n’uruhare rw’abazimu rukazaba rwose kugira ngo i Buzimu n’i Buzima hazaduke Imposhamahano ari yo Mpanguramahoro yabaye Ingume mu Rwanda.

Bikazaduha gutaha i Nduga nta nduru ahubwo twiyasira tugana mu Mapfundo hamwe Imana yapfundikiye Amagambo, Amagambo y’Imana atagamburuzwa.

Tuzakubuka i Nduga tugana i Rukiga, dukikiye inkengero za Rukoma ; aho barakoma barakomeye ; tukazatanya turangamiye Ijuru rya Kamonyi aho tuzava twimonyoye tugenda mu rubega rwa Cubi na Marenga ; hafi ari mu Burengero bwa Mbirima na Matovu ; ho mu Bombogo. Uruzi turaruruzi, amazi tukazayabandisha inda, indaro ya mbere ikaba Rushashi ; izuba ryatangira gushashagira tukazarambagira Musasa yose, amaso tuyahanze Ruli inyuma ya Rurinda yaje kuba Rurindo

Turi mu mpinga turahimbawe naho mu mubande Bahimba irahimbaje ; maze tuguruke tugana i Busigi, kwa Minyaruko ya Nyamikenke iwabo w’Abavubyi bavubira ibihugu Gakondo ; basa n’aho bari ku Mukondo wabyo !

Ushatse kurangurura wabandanya n’i Buyoga, ntusenga izo wengewe kuko uri muri Rukiga maze ukazataha i Byumba mu Barangamyambi.

Rukiga ntiyigunze yabyariye Ndorwa Abakiga kuko bavuga Urukiga. Imaze kugubwa neza igira ngo inabi izahere i Shyanga ibyara Inkiga, tuzagerageza kumenya uko ziteye.

Ndagira ngo twinikize turebe, tumenye ibyo bihugu Gakondo mu mizi yabyo, icyo bipfana ari cyo cyazabyara icyo byaba bipfa.

Turahera ku mwami n’ingoma y’ubwami, icyerekezo ; tukazagusha ku mahindura uko yagiye akurikirana bishingiye ku iremwa ry’u Rwanda.

Nimucyo rero Nduga tuyihe ibanze tureke ibanze.

Igihugu cya Nduga

Nduga ni Igihugu Gakondo.Urebye ndetse iri ku Mukondo kuko uyisanga mu Bihugu Gakondo rwagati. Ntiri hagati nk’ururimi ahubwo iri hagati hagati hagatira ingoma!

Duhere kuri Nduga, kugira ngo tuyimenye maze bizaduhe kumenya impamvu iyo wikije icyo gihugu hahita haza Rukiga ! Ibyo bihugu byombi bifitanye sano ki ?

Si Nduga na Rukiga bivugwa gusa ahubwo husiriraho Abakiga n’Abanyanduga ari bo baturage b’ibyo bihugu! Bo se hari icyo bapfana cyatuma bagira icyo bapfa ?

Duhere rero kuri Nduga Ngari ya Gisari na Kibanda, kugira ngo tuzagushe kuri Nduga nyirizina.

Nduga ngari ya Gisari na Kibanda

Nduga y’Abasinga

Nduga ibumbye ibi bihugu:

Busanza bw’Amajyaruguru,
Kabagari,
Marangara,
Nduga,
Mayaga,
Rukoma,
Ndiza.

Ariko Nduga ntiyagarukiraga aho gusa. Mu majyaruguru yarakugenderaga ikagera:

Bwishya,
Jomba,
Gisigari,
Bwito,
Gishari,
Byahi,
Kamuronsi (Kongo).

Nduga y’Ababanda

 Ababanda baje mu Nduga bava he ? Baje mu Nduga mu zihe nzira?

Ababanda rero baje mu Nduga bavuye mu Bwanacyambwe. Niko umwanditse Muzungu nkomeje kwisunga abyandika.

Nduga iri Rwagati mu bihugu ni ko bizwi. U Bwanacyambwe rero bukaba buri mu Majyaruguru ya Nduga.

Nduga n’u Bwanacyambwe bitandukanijwe n’Ubumbogo, n’Uburiza; hagati ya Rukoma iri mu Nduga Ngari n’Ubumbogo, hakaba uruzi rwa Nyabarongo.

Noneho mu cyerekezo cy’u Bwanacyambwe uvuye mu Bumbogo, unyura mu Buriza ukambuka umugezi witwa Nyabugogo maze ukitura mu Bwanacyambwe.

Ni ukuvuga rero ko Ababanda bambutse umugezi witwa Nyabugogo bakikubita mu Buriza, bagafata Bumbogo, bakambuka uruzi rwa Nyabarongo bakikubita muri Rukoma kimwe mu bihugu bigize Nduga Ngari.

Basa n’abahageze basuhutse, mbese watekereza ko bose uko bari batuye mu Bwanacyambwe bakurikiye umwami wabo. Ntabwo cyari igitero.

Bageze mu Nduga igihe kibi ariko ku bw’Imana gihita gihinduka. Ni na byo byabahaye ishya muri icyo gihugu.

Muti bahageze hameze hate? Bahageze amapfa yaracanye, ibintu byaracitse ibindi byaradogereye!

Maze ba Nyakugirimana b’Ababanda, umunsi bahageze Imana ibyara amavuta, imvura iragwa.

Imvura iguye Abanyanduga barahaguruka, bashaka amasororo ngo basororere umwami w’Ababanda kuko bumvaga ari we wavubye iyo mvura.

Abona baje batagira ingano nuko abyuririraho kugira ngo bimugeze ku Nteko ya Nduga, ahateke abe umwami w’icyo gihugu.

Avuga yivovota ati Imana inyohereje kubura iki gihugu cyanyu cyubitswe n’uriya mwami w’inkorabusa none murakeka ko ndi umuvubyi ubonetse wese? Ahubwo dore icyo mugomba gukora. Nimugende mufate uriya mwami wanyu Kimezamiryango mumwice maze munzanire umurambo we.

Yabaye agipfa kubivuga maze Abanyanduga baba birengeje Kimezamiryango, umurambo we bawuzanira umwami w’Ababanda!

Nguko uko Ababanda bigaruriye Nduga y’Abasinga! Amapfa yacanye mu Nduga muri icyo gihe ni yo yatumye Abanyanduga bayoboka Ababanda kuko bumvaga babagiriye akamaro gasumbye kure ako umwami wabo w’umusinga Kimezamiryango yari abafitiye.

Nk’uko twabibonye, Ababanda bavuye mu Bwanacyambwe. Baza gukonda Nduga basumbya Abasinga bo kwa Kimezamiryango. Ikintu muntu yavuga ni uko Nduga ari cyo gihugu cyagize Abakonde babiri; Abasinga n’Ababanda.

Impamvu Ababanda basuhutse bakava iwabo mu Bwanacyambwe ntabwo izwi.

Ibyo birasaba UBWUNGANIZI kugira ngo tumenye neza Ababanda n’igihugu cyabo ari cyo Nduga; ndetse nibinashoboka tumenye neza uko babayeho mu Bwanacyambwe.

Ni cyo cyari igihugu cyabo? Bahageze bate? Bari bakomotse he? Bahavanywe n’iki?

Kuramba mu Nduga kwabo kwabyawe n’iki? Abasinga bahasanze bashoboye gusabana?

Iyo ugendeye ku BITEKEREZO usanga Ababanda bakomoka mu karere k’Amajyaruguru ukurikije aho bari batuye mu Bwanacyambwe. Kandi iyo usesenguye imyimukire y’abantu muri kariya karere usanga buri gihe abantu baragiye bakomoka aho nakwita Amajyaruguru!

Umwami w’umubanda uheruka ni Mashira ya Nkuba ya Sabugabo. Nkaba nifuza kwunganirwa cyane cyane nko kuri iri zina: SABUGABO! Ni ko yatuye yitwa cyangwa ni izina ryaje kumwitirirwa igihe kitazwi? Ntabwo mvuga impamvu mbitekereza ntyo kugira abashaka gusesengura batazayoba.

Ingoma y’ubwami y’Ababanda ni NYABAHINDA. Umuntu abitekerejeho, uretse ko bikomeye kubyumva, Nyabahinda yaba iva ku Nshinga GUHINDA. Ntabwo umuntu yamenya niba Ababanda bari bayisanganywe iwabo mu Bwanacyambwe cyangwa niba yararamvuwe bageze i Nduga.

Tuvuye rero mu Nduga Ngari ya Gisari na Kibanda twerekeza mu Nduga Nyirizina.

Kugira ngo tumenye Nduga turayizana mu bihe bya vuba, cyane cyane mu gihe cy’Abakoloni aho ibyinshi mu bihugu Gakondo byaje kuba Intara ( Sheferie), tukaza no kugusha kuri Repubulika kugira ngo tumenye amakomine agize Nduga.

Icyerekezo

Nduga Nyirizina uyisanga rwagati mu Bihugu bigize Nduga Ngari ya Gisari na Kibanda.

Nduga

Nduga nyirizina ni igihugu Gakondo. Ndetse icyo gihugu cyaje guhindurwa ukundi n’abakoloni. Icyi gihugu cyahindutse Intara, iyoborwa n’umuntu wafataga inyito ya Shefu.

Nduga kimwe n’ibindi bihugu gakondo byagiye muri iyo ngiro.

Aho iherereye

Yabanje kuba muri teritwari yitwaga Nyanza ari yo yaje kuvamo Perefegitura ya Gitarama mu gihe cya Repubulika.

Kuko itigeze ihindura icyimbo Nduga ikikijwe mu mutwe na Rukoma, mu rubavu rumwe hakaba Ndiza, Amarangara n’Akabagari, naho mu rundi hakaba Amayaga, mu majyepfo hakaba u Busanza bw’Amajyaruguru.

Muri Repubulika, Nduga ntiyimutse yaje kugabanywamo amakomine ari yo: Musambira, Nyamabuye, Tambwe, Kigoma na Nyabisindu.

Ngiyo Nduga rero mwumva cyane cyane ku batayizi ; naho ku bayizi cyane cyane Abanyanduga mwanyunganira habaye hari icyo nisobwe.Tuve i Nduga tugana i Rukiga.

Rukiga

Inzira igana i Rukiga 

Mucyo dukimbagire nk’intore kandi turayisanga uko yakabaye.

Icyerekezo

Haguruka i Kigari maze wiyuhize Uburiza uri mu muhanda Kigari Gatuna. Uzajya kubona no ku Cyamutara ngo ba. Inzira ijya i Buganza ube uyihoreye, niwambuka Muyanza iva mu Muyanza uzaba watashye i Rukiga rwawe. Komeza ugende ugana mu Ndorwa ukikiye Buyaga, uze kugusha kuri Ndorwa. Hindukira n’ibumoso uzagushe ku Buberuka maze watanye no mu Bumbogo; Rukiga ube uyitaye hagati.

Uhite ugir uti: Hagati Hagati hagatira Ingoma.

Muri Gakondo k’ibihugu, Rukiga yahoze yibumbiye hamwe n’u Bumbogo; Uburiza,u Bwanacyambwe ndetse n’Urukaryi.

Umurwa mukuru ukaba Gasabo k’Abongera, yaje kwigarurirwa n’Abanyiginya.

Ku mwaduko w’abazungu Rukiga yabaye intara (sheferi) muri teretwari ya Byumba, iyoborwa n’umutware umwe gusa (shefu) ari we Rwigemera rwa Musinga; Rwizihirwa n’Amajyambere.

Rukiga ituwe n’Abakiga ariko hari n’abandi Bakiga badatuye muri Rukiga.

Mu Bakiga badatuye Rukiga, mureke turebe abakiga batuye mu Ndorwa, haze gutaho abakiga batuye mu Nkiga.

Ndorwa

Ndorwa ni akarere gakikije igihugu cy’u Buganda kakava muri Komine Butaro mu Ruhengeri, Kivuye; Cyumba, Kiyombe n’igice cya Mukarange ho muri Byumba.

Hakurya mu Buganda hakaba Bufumbira na Kigezi hatuwe n’Abakga bavuga Urukiga. Urwo rurimi rwabo ni rwo rutuma bitwa Abakiga nk’Abaturanyi babo bo mu Rwanda.

Ndorwa ituwe n’Abakiaga kuko bavuga Urukiga ariko igihugu cyabo ni Ndorwa ntabwo ari Rukiga.

Tuve mu Ndorwa tugane mu Nkiga.

Inkiga

Inkiga zituwe n’abakiga zikaba zasanganya u Rwanda hafi rwose.

Inkiga rero ntabwo ziriho mu rwego rw’Ibihugu Gakondo, ahubwo usanga ari nk’imisozi igenda yitwa ityo n’abatuye mu uturere duhana imbibi nayo ariko two dusa n‘ibibaya cyangwa se ibisiza, imisizi cyangwa se imirambi.

Ni muri izo nzira iyo bavuze urukiga kugira ngo umenye urubibi rwarwo n’ahatari urukiga ntabwo byoroshye.

Abo bakiga rero bamenywa n’abaturanyi babo naho abandi Banyarwanda bashobora kutabamenya.

Iyo rero uvuze Abakiga n’Abanyanduga, buri Munyarwanda ashobora kubyumva ukwe n‘undi ukwe, bityo kugira ngo icyo kibazo gishobore kubonerwa igisubizo ntabwo bizoroha. Mbese wasanga buri Munyarwanda afite Abakiga be n’undi abe, bitewe n’aho atuye n’aho aturuka.

Nduga irazwi, iragaragara, uwashaka kumenya Nduga yayimenya na Rukiga ni uko.

Ahubwo navuga na Rukiga iri mu Buganda mu ntara ya Kigezi.

Wasanga ari aho hakomoka urulimi rw’urukiga ruvugwa muri Kigezi no mu Ndorwa mu Rwanda.

Ni yo mpamvu abashyamiranya Nduga na Rukiga cyangwa Abakiga n’Abanyanduga, ndumva ko bakwiye gushyira agatima impembero kugira ngo bumve niba iyo nvugo ihuje n’Intekerezo yabo.

Tugushe mu Nyabutatu

Imfura mu butatu budatana ni Rukiga kuko ari igihugu Gakondo. Kiraza rero ku Mukondo wa Ndorwa n’Inkiga.

Igitera Intugunda, Amakimbirane, Urugomo n’Ubugome, Ubwiko n’Ubwindura, wasanga bikomoka ku ikomatanya ry’ibihugu Gakondo, bigasa n’ibisebwa maze ifu ibivuyemo ikitwa Rwanda.

Inkomko y’u Rwanda n’uko rwaje kumira ibihugu Gakondo rugasigara rubyimbya inda rwonyine kandi ntaho ruzwi mu bihugu, byazagarukwaho.

Evariste Nsabimana

Itangazo rya FDU-Inkingi kw’iyegura rya Victoire Ingabire

f08544c6-9933-4aa4-b15c-776cf80dd323

 

Ishyaka FDU-Inkingi ryakiriye ubutumwa bwo kwegura bw’uwari Présidente waryo Madame Victoire Ingabire Umuhoza.

Nk’uko yabivuze mu butumwa bwe yagejeje kubanyarwanda, kuri uyu wa 8 ugushyingo, ni icyemezo yafashe adahubukiye kandi yasobanuriye neza ubuyobozi bw’ishyaka muri rusange. Bitewe n’uko abayeho, adafite ubwinyagamburiro buhagije bwo kuba yashobora guhura no kuganira mu bwisanzure n’ubuyobozi bw’ishyaka, bityo abe yakuzuza neza inshingano ze, yasanze nta yandi mahitamo.

Ubuyobozi bw’ishyaka bwongeye gushima byimazeyo ubwitange Madame Victoire Ingabire Umuhoza yagaragaje igihe cyose amaze ku buyobozi bw’ishyaka n’intambwe yariteje, kugeza aho yiyibagirwa we ubwe, mu buto bwe, akemera gusiga umuryango we mu mahanga kugira ngo ajyane ishyaka mu gihugu. Ingorane zose yagiye ahura nazo turazizirikana kandi ntituzahwema kubimushimira. tuzakomeza kumufata nk’intangarugero mu kwitangira demokarasi binyuze mu nzira y’amahoro.

Ubuyobozi bw’ishyaka buramenyesha abarwanashyaka ba FDU-Inkingi by’umwihariko, n’abanyarwanda bose muri rusange, ko Vice-Président wa kabiri, Bwana Justin Bahunga, ari we ubaye umuyobozi w’agateganyo w’ishyaka FDU-Inkingi mu gihe hategerejwe ko urwego rukuru rw’ishyaka ruterana kugira ngo rwemeze imiterere y’ubuyobozi bushya na gahunda-shingiro ijyanye n’ibihe bishya ishyaka FDU-Inkingi ririmo.

Twese hamwe dukomeze inzira yo guharanira ubuyobozi bunogeye kandi buhumuriza abanyarwanda bose.

Justin BAHUNGA

Umuyobozi mushya w’agateganyo

Ese koko abanyarwanda babayeho neza ?

swaibuMaze igihe kitarenga gito nibaza ibyo abantu cyangwa abanyarwand bahora babeshyerwa na peresida wabo Paul Kagame. Mugihe aherutse muri ONU yavuze amagambo atangaje ngo « abanyarwanda bose bameze neza ».

Ntabwo aribyo nta kuri kurimo rwose, wenda iyo avuga ko ariwe umeze neza hamwe n’agatsiko ke gato ka (FPR) kubera impamvu :

-Umunyarwanda wo hasi abuzwa gucuruza ku gataro, ngo umwanda mu mujyi. Banamufata agakubitwa, akamburwa ibyo yarafite byose, akanafungwa ye. Bamwe bitwa abazunguzayi ;

-Abaturage b’i Nyarutarama (aho bita Bannyahe), barasenyewe amazu yabo kubera ko aho batuye hari umuntu washakaga kuhubaka kandi ntibahabwe ingurane, bakabaha amafaranga make atagize icyo yabamarira ;

– Abana, kwiga uburezi butagira ireme. Aho umwana agera mu wa gatanu primaire (5ème) adashobora kwandika igihekane (nshy) na (sya), mu gihe abana b’ategetsi bajyanwa kwiga hanze iburayi America nahandi ;

-Umunyarwanda ntashorora guhinga imbuto, ashaka ahabwa amabwiriza na leta. Urugero :abaturage bo mu majyaruguru (ndavuga Musanze- Ruhengeri) kubera bajyaga beza cyane ibirayi n’imboga, yewe n’ibigori none leta yashizeho amabwiriza :

1) – Guhinga ibigori gusa.

2)-Kubijyana mu ma KOPERATIVE kandi abo ngabo bakaba ari abantu ba F.P.R bakagurira ku giciro bashaka.

3)- Umuturage unyuranyije n’ibi arafungwa.

-Gusenyerwa amazu, kuva hato na hato, iyo umuturage yubatse adasabye uruhushya leta mu kibanza cye arasenyerwa ntahabwe n’ingurane yibye byasenyuwe ;

-Kurwara amavunja kubera ubukene n’ubutindi, niyo mpamvu abanyarwanda batabayeho neza.

Swaibu Mvuyekure

Ibyo twavuga ku byatangajwe na Gen Emmanuel Bayingana birimo ko ngo FPR inkotanyi itateye u Rwanda muli 1990.

General Bayingana - CopieGusesengura no kuvuga kuri ibi byatangajwe n’uyu musilikare w’Inkotanyi Bayingana biragoye kandi binaroroshye.

Turavuga ko bigoye kuko Gen Bayingana aravuga ibintu byo mu rwego rwa gisilikare, ibyo mu rwego rw’amategeko mpuzamahanga, ibyo mu rwego rw’amateka n’ibyo mu rwego rwa politike… maze byose akabivangavanga akabihindura igisupu maze akagisuka ku rubuga ariho rw’icengezamatwara n’iyoza bwonko nka hariya yavugiraga. Bityo rero bikaba bigoye kujya impaka n’umuntu nk’uwo ukinira kuri urwo rubuga yasutseho iyo mvange y’inzego n’ubumenyi butandukanye.

Nyamara nanone bikaba byoroshye cyane kwerekana ko nta kuli mubyo Gen Bayingana avuga muli buli rwego muzo avangavanga acengeza amatwara kandi yoza ubwonko bw’abamukurikira. Nibyo tugiye kukora twerekana ko Gen Bayingana arimanganya kandi agoreka amateka ku nyungu za politike   yigira nk’injiji cyangwa afata abamwumva nk’injiji.

Mu rwego rwa gisilikare: igihe Inkotanyi zambukaga umupaka w’u Rwanda wemewe mu rwego rw’amahanga nk’igihugu cyigenga kandi gifite icyicaro muli ONU, zikawambuka binyuranije n’amategeko y’icyo gihugu, kandi zitwaje intwaro zikarasa buli wese washatse kuzikumira nyuma zikigarurira aho abari bashinzwe icyo gihe kurinda imipaka y’u Rwanda bari barashinzwe ibirindiro… Ntituzi iyo Gen Bayingana yigiye ibya gisilikare cyangwa iby’indimi, ariko n’utaraminuye icyo gikorwa cy’Inkotanyi cyo kuya 01 ukwakira 1990 yumva ko cyitwa “Gutera u Rwanda. Ariko twumvise ko adatinya no gusobanura ko ibyo muli Ouganda bita “High School” ariyo yari yararangije muli 1990, ngo mu Kinyarwanda bivuga “Kaminuza”!”Gutera” nabyo ubwo abisemura nk’uko.

  • Mu rwego rw’amategeko mpuzamahanga (Droit International). Kuya 01/10/1990, igihugu cya Ouganda cyateye u Rwanda. Abasilikare bavogeye umupaka w’u Rwanda barasa kandi bica icyo bahuye nacyo cyose bari bayobowe n’umu General wari Vice-Ministre w’ingabo za Ouganda. Abasilikare bakuru bari bamwungilije bose bategekaga imitwe ikomeye y’ingabo za Ouganda (Divisions, Brigades, Bataillons…). Yemwe n’uwari umaze ukwezi yoherejwe kwihugura muli Leta Zunze Ubumwe za Amerika yatumijwe ikitaraganya na Leta ya Ouganda yari yaramwohereje ivuga ko agaruka kuko igihugu cye (Ouganda) cyatangiye intambara. Muli iryo shuli (Command and General Staff College at Fort Leavenworth, Kansas, USA) archives zo muli 1990 zirerekana ko icyo gihe harimo umu officier w’Umugande witwa Paul Kagame (herekanwa na photo ye na Nr ya Passeport diplomatique) n’umunyarwanda witwa Marcel Bivugabagabo (herekanwa photo ye na Nr ya Passeport ordinaire). Bakavuga ko Umugande Kagame atashoboye gukomeza kuko yahamagajwe na Leta ye ya Ouganda muli october 1990, naho umunyarwanda Bivugabagabo agakomeza kugeza igihe yarangirije agataha muli 1992.

 

 

  • Abo basirikare bo mu ngabo za Ouganda kimwe n’abandi baje kwinjizwa ngo bazibe icyuho, ntibashobora kwitwaza ko bakomokaga mu Rwanda cyangwa ko ababyeyi babo ariyo bakomokaga ngo bavuge ko ibyo byabaheshaga uburenganzira bwo gutera u Rwanda ngo barwigarurire . Nk’ingabo za Ouganda ntibari abanyarwanda kuko itegeko ry’u Rwanda ryavugaga ko iyo ufashe ubwenegihugu bw’ikindi gihugu uba utakaje ubunyarwanda (pas de double nationalité). Ntibari kandi impunzi hakurikijwe amasezerano ya 1951 agenga iby’impunzi ariyo HCR igenderaho. HCR ntifite munshingano zayo kwemera no kurengera impunzi zitwaje intwaro cyane cyane iyo ari abantu bari mu ngabo z’ibihugu bitwa ko bahungiyemo , nukuvuga babonye mo ubwene gihugu.
  • Ntabwo yakwitwaza ko u Rwanda rwari rwatewe n’izo ngabo za Ouganda ziyita Inkotanyi rwacecekeshejwe igihe rwashatse kurega icyo gihugu mu muryango w’abibubye nk’uko amahame remezo uwo muryango ugenderaho ubirwemerera, ahubwo rugacecekeshwa na mukuru muli ba Mpatsibihugu (USA) washumulije izo Nkotanyi u Rwanda mu gutegura uko bazihereza akarere bifashishije izo nkotanyi zimaze kwigarurira u Rwanda (ibyo kandi nibyo byabaye kandi bikomeza kugeza n’ubu), ngo ahave avuga ko kuba ijwi ry’u Rwanda ritarumvikanye ahubwo bakarutegeka kugabana ubutegetsi n’izo nkotanyi zavuye mu ngabo za Ouganda nabyo zikaza kubyanga mukwa kane 1994, ngo yanzure ko zitateye u Rwanda.

Twakwibaza tuti kuki umuntu nka Gen Emmanuel Bayingana agoreka amateka kugeza aho ahindura n’inyito z’ibikorwa uku biywa kw’isi hose iyo bibaye nk’uko Inkotanyi zabikoreye u Rwanda?

  • Biragaragara ko Gen Bayingana mw’ijambo rye yabwiraga abamufata nk’igitangaza kandi nawe afata nk’inkomamashyi z’ibicucu.
  • Ariko hirya y’abo twabonye abwira mu ruhame yashakaga no gutanga ubutumwa ku bandi bazamwumva cyane cyane abashinzwe kugoreka amateka y’igihugu no kwoza ubwonko urubyiruko rw’u Rwanda. Kuba ibyo FPR Inkotanyi zitwaje byose zitera u Rwanda muli 1990, ubu byose byujujwe ndetse bikarenza, ubu ikigezweho n’uguhakana iryo jambo “Gutera” ko ryakongera gukoreshwa havugwa ibyakozwe n’Inkotanyi kuva 1990. Mu gihe FPR icura amategeko, igatekinika amadossiers yo kurega buri wese cyangwa buri shyaka rinenga kandi ryifuza ko ubutegetsi bwayo bw’igitugu bumaze imyaka 25 bukandamiza abanyarwanda bwahinduka, ngo ibarege icyaha cyo “ Gutera u Rwanda” ntabwo ari yo ubwayo yakwigamba ko yigeze gutera u Rwanda. Nyamara ubu abakora nk’ibyo yakoze ahubwo bo bafite impamvu zumvikana kurusha iz’urwitwazo za FPR Inkotanyi muli 1990. Ahubwo nibo bagombye kutazafatwa nk’abateye u Rwanda. 

Niyemere rero ko ibyo Inkotanyi zakoreye u Rwanda muli 1990, ubu hari abafite impamvu zifatika kurusha izazo kugira ngo batere u Rwanda rwa FPR , ahari amahirwe akigira nuko bo ubu nta bushobozi bafite nka zo bwo kuba zari ingabo z’igihugu cy’igituranyi gikubye u Rwanda inshuro eshanu ku baturage, n’inshuro cumi mu bunini. Ariko ngo “Ntabaronkera rimwe nk’abajura”!

Emmanuel Neretse
Major BEM

 

 

Kagame akiri ho, guhahira muri Uganda biragoye

Swayibu


Sheikh Suaibu MVUYEKURE 

 

Nkiri mu gihugu najyaga numva abantu bateye ihema imbere ya Ambasade y’u Rwanda sinsobanukirwe neza n’icyo babaga bakora dore ko nta n’uwo najyaga kubibaza kuko ntagombaga kugaragaza na rimwe amatsiko nabaga mfite  ku byerekeye  abo bantu.

 

Ubu rero magingo aya nange byabaye ngombwa ko nsanga babandi ntashoboraga gutinyuka kubabaza impamvu bahora bakereye kwamagana ubutegetsi bwa Kagame no kwamamaza indangagaciro z’umuco nyarwanda ari nawo wagombye gushingirwaho mu buryo bwo kuyobora urwatubyaye.

 

Burya rero ngo abatabizi bicwa no kutabimenya. Abanyarwanda bahurira kuri « Sit-In» imbere ya Ambasade y’u Rwanda mu u Bubiligi, si imburamukoro cyangwa se inkundarubyino nk’uko Leta ya Kagame ikunda kubita mu rwego rwo kubasebya  no gushaka kubatesha agaciro igamije kurangaza abatabona amakuru nyakuri.

 

Igihe cyose maze kugera kuri «Sit-In» nasanze, hirya yo kwamagana amabi ya Kagame na Leta ye, baba baje kujya inama no kungurana ibitekerezo ku buryo ibintu bigomba guhinduka hakazaza ubutegetsi buboneye Abanyarwanda kandi bugatuma u Rwanda rugarura isura yarwo nziza mu mahanga, by’umwihariko mu bihugu duturanye.

 

By’umwihariko ndagira ngo ngaruke ku biganiro byabaye ku itariki ya 17/09/2019. Uko twari duhari twese twagarutse mbere na mbere ku buryo perezida Kagame avuga kenshi atukana twese tumugaya ko yitwara nk’utararezwe ku buryo adakwiye kuba kw’isonga ry’igihugu ku buryo uko bitinda ashobora kuzasiga igihugu cyacu gisigaye nta muco kigira. Twavuze birambuye, tumugaya cyane ukuntu aherutse gushora abadamu b’intwari yigeze gufunga akabafungura bubi na bwiza.

 

Ikibazo hagati y’u Rwanda na Uganda twasanze cyo kirenze ku buryo twabashije kwisobanurira ko Kagame agihari kitazapfa kurangira. Twavuze ku mishyikirano irimo kuba muri iki gihe, dusanga ntacyo ishobora gutanga kuko uzi ko nta na rimwe Kagame yigeze yemera ko imishyikirano irangira. Uretse ko n’ubundi Kagame ariwe nyirabayazana yifitemo amirariro atuma adashobora kumvikana n’abandi.

 

Twagiye twibaza ku buryo u Rwanda rwagiye rusobanura iki kibazo hakazamo ibyo gufunga imipaka, kurega ibinyoma abategetsi ba Uganda, guhishira urugomo n’ubugizibwanabi u Rwanda rukorera muri Uganda ndetse n’uburyo u Rwanda rurasa umuntu wese ushatse kwambuka ajya Uganda, dusanga Kagame ntaho agihuriye na Uganda cyane cyane ko udashobora kurangiza ikibazo udahannye ubugome bwose bwa Kagame. Niyo mpamvu mpamya ko Kagame agihari guhahira muri Uganda bisa nk’inzozi nubwo Uganda yari idufatiye runini.

 

Sheikh Suaibu MVUYEKURE

Ikiganiro cya Ingabire na Didas Gasana : NKuliza Amiel arasubiriye

Amiel Nkuliza

Amiel Nkuliza

Haba igihe nibaza icyo Amiel Nkuliza aba ashaka cyangwa agamije iyo yandika bikanshobera. Ese koko Nkuliza ni umunyamakuru w’umunyamwuga?

Ikiganiro Victoire Ingabire yagiranye na Didas Gasana babifashijwemo na Tharcisse Semana, naracyumvise. Nahise nandikira Tharcisse Semana mushima ko ari ikiganiro gikoze bunyamwuga. Mboneyeho umwanya wo gushima umunyamakuru Didas Gasana ku bibazo yabijije Victoire Ingabire, bimwe ntibyari byoroshye kubisubiza ariko Victoire Ingabire yabisubizanye ubuhanga n’ubushishozi.

Ijora Amiel Nkuliza yakoze naryo nararisomye. Ndangije naravuze nti : «Urwishe ya nka ruracyayirimo ». Nabihereye ku nyandiko n’ubundi Nkukiza yari yanditse Victoire akiva muri gereza, wagira ngo ntibyari bimushimishije ko uriya mutegarugori arekurwa.

N’ubwo kujora ibyo umuntu yavuze byoroha, Nkuliza yatangiye avuga ibinyoma. Ati « Victoire Ingabire, aho prezida Kagame avugiye ko azamusubiza muri gereza, yararuciye ararumira ». Ntabwo aribyo. Aho afunguriwe, Victoire Ingabire ntiyahwemye kuvugana n’ibinyamakuru, ari ibyo mu Rwanda ari n’ibinyamakuru mpuzamahanga. Ibyo ni ibintu umuntu wese ushaka yabona kuko ubu byose biba biri kuri murandasi. Kuki Amiel Nkuliza yihanukira agakubita aho ikinyoma nk’icyo aba agamije iki?

Ku kibazo cyo kwandikisha ishyaka, hagomba kugaragara mo «ubumwe bw’abanyarwanda». « Ingabire akabona ko ubwo bumwe busabwa ngo ari abahutu n’abatutsi agomba kwinjiza mu ishyaka rye. Ibi Madame Ingabire akaba asa n’utabikozwa ». Nkuriza ibi abivanye he?

Amiel Nkuliza arabeshyera Victoire Ingabire kuko, biriya by’uko mu bayoboke hagomba kugaragaramo « ubumwe bw’abanyarwanda » biri mw’iteko rigenga mashyaka, kandi Victoire Ingabire yavuze ko ashaka kubyubahiriza. Nkuliza aba agamije iki iyo atwerera Victoire Ingabire ibitekerezo adafite?

Mu kiganiro cye, Victoire Ingabire yabwiye abanyamakuru ati : muri bakuru, ubwo bumwe bw’abanyarwanda murumva bivuga iki ureste ko mw’ishyaka hagomba kugaragara mo abahutu n’abatutsi. Kuvuga ko Victoire Ingabire adakozwa ibyo kugaragaza « ubumwe bw’abanyarwanda » mw’ishyaka, ni ukumubeshyera kuko ntabyo yavuze.

Mu nyandiko yanjye y’ubushize n’ubundi nsubiza Nkuliza, navuze ko araguza ifuro. Nawe se ngo : « Uwasesengura neza icyifuzo cy’ubutegetsi bwa FPR, birasa n’ibyumvikana ko noneho bwiteguye kwemera ko FDU-Inkingi yandikwa, ariko bamwe mu bayobozi bayo, bakaba bagomba kubamo ukuboko k’ubutegetsi ». Ibi se Nkuliza abikuye he ? Ni ugufitira.


Soma n’iyi : Ese amacumu ya Amiel Nkuliza n’aya Paul Kagame arasiga amahoro Victoire Ingabire ?


Ku kibazo cy’ingabo za RNC, Ingabire yavuze ko we ubutegetsi bushyizweho n’imbunda bitari mu murongo w’ishyaka FDU-INkingi. Yasobanuye ko P5 ari ihuriro ry’amashyaka (coalition) atari ishyaka rimwe (fusion). Mu masezerano y’amashyaka agize P5 handitsemo ko bazafatanya muri diplomasi (ububanyi n’amahanga), mu gutumanaho (communication). Ahasigaye buri shyaka rikomeza gahunda yaryo. Kuba Ingabire yaravuze ko atazi niba RNC ifite ingabo birumvikana. Ntashaka kwivanga mu mikorere y’irindi shyaka. Kwaba ari ukurengera ibyo bumvikanyeho. Nta kwivuguruza kurimo nk’uko Nkuliza ashaka kubyemeza mu nyandiko ye .

Ngo abarwanashyaka ba FDU barabahumbahumba, baricwa urubozo, baranyerezwa abandi baraborera mu magereza. Erega Nkuliza, urugamba ntabwo ari urw’ibigwari.  Victoire Ingabire ntahwema kuvuga ko nta rugamba rutagira ibitambo, ko kubatera ubwoba, kubica, atari byo bizakemura ikibazo. Victoire Ingabire ni intwari iri ku rugamba, azataha acyuye itabaro. Paul Kagame ajya ku rugamba yari afite umugore n’abana, Mandela yari afite umugore n’abana,… abaharaniye icyo bemera ntabwo bakangwa n’ibitambo. Ibigwari nibyo bitareba kure …

Ngo : « Madame agomba gukora bufuku nka RNC ngo naho ubundi gushaka abarwanashyaka izuba riva bazabamumaraho. Ngo birababaje ».

Nkuliza nabivuze ko uraguza ifuro, ibyo uko RNC ikora bufuku wabitangira ibinyemetso ? None se ko wemeza ko ifite ingabo ubwo ni ugukora bufuku ? Ahubwo Nkuliza, ni wowe ubabaje kuko urisumbukuruza. Victoire Ingabire ari ku rundi rwego. Ari mu Rwanda, ntasiba kubwira ubutegetsi ko kurinda abaturage bose biri mu nshingano zabwo, ko bugomba kubahiriza amategeko bwishyiriyeho. Wowe Nkuriza ndabona ushyigikiye imigambi ya FPR-Inkotanyi ikeka ko kwica abantu kabone n’iyo baba abayoboke ba FDU-Inkingi, hari icyo bizakemura.

Victoire Ingabire Umuhoza/umubavutv_youtube

Victoire Ingabire Umuhoza/umubavu.com_youtube

Ngo : “Ingabire ntatekanye”, iririre wowe n’abawe.

Iyo Ingabire avuga ati : « ndashaka gukora politiki mu Rwanda rwubakiye ku mategeko », ngo iyo abivuga « usanga bisekeje cyangwa birimo icyo umuntu yakwita ubudabagizi, «naiveté» mu rurimi rw’igifaransa ». None se Nkuliza urumva u Rwanda rutubakiye ku mategeko ari rwo rugomba kwimirizwa imbere?

Amiel Nkuliza arubahuka. Ibyo Victoire Ingabire avuga arabyemera. Abantu bahinduye amateka y’ibihugu byabo ni uko bemeraga icyo baharanira. None koko ko utinyuka, urabona Ingabire ari « umudabagizi ». Baravuga ngo n’iyo waba udakunda urukwavu, nibura wakwemera ko ruzi kwiruka.

Ngo : “Ingabire arwanisha amagambo, ngo avuga ko amategeko ariho mu Rwanda atubahirizwa, …”. Nkuliza akanzura ati : « Turarambiwe, nta bisubizo bye nk’ibi tugikeneye kumva ».

Nkuliza se urambiwe nka nde ? Uri iki ? Icyo udashoboye, ujye wicecekera, ureke abemeye kwitangira abandi bakore ibyo bemera kandi biyemeje. None wowe ibyo kujora no kujambura ni byo abantu bakeneye? Niba uri umugabo hamwe n’abo mufatanije kurambirwa, nimumanuke murushe Victoire Ingabire muve mu magambo tubarebe.

Mu nyandiko ndende ya Nkuliza harimo byinshi ashaka gutsindira Ingabire ariko ntibifate kuko inyandiko ye irimo amaranga-mutima ndetse n’ubuswa butihishira. Umva nawe, ngo : « Ni nde wabeshye Ingabire ko abazungu hari aho batandukaniye n’inkotanyi? ». Iyo Nkuliza ahurutuye amagambo nk’aya ntaho aba aduhishe.

Mu nyandiko ye Amiel Nkuliza atanga inama aziha abo atazirusha.

Imana ikomeze Victoire Ingabire,  aba bose bagambiriye kumutera imijugujugu ibamurinde.

Gaspard Musabyimana
Bruxelles, le 20/7/2019