Abanyarwanda bakeneye impinduka ku buryo bwimbitse

rwandaUmuti  urava  he?  nkulikije  imyaka  ishize  yose ubwicanyi  ndengakamere  bukorwa  na  Leta ya  FPR  mu  gihugu  cyacu  binteye  kwibaza  byinshi!  Ese  ukuri  kwambaye  ubusa  ku  maherere  yagwiriye  u  Rwanda  kuzashyirwa  ahagaragara  ryari  ko  hari  abanyarwanda  benshi  banyotewe  nakwo!  aliko bakaba  bategereje  urwinyagambuliro! ko  bamwe  mu  bakagombye  gutanga  ubufasha  mu  kugaragaza  ukwo  kuri  ari  bamwe  mu bari  ku  ngoma  ya  prezida  Kagame  byongeye  akaba  anababereye  ku isonga  kandi  bigaragara  ko  ari  umwe  mu  bayobozi  bamaze  gukora  amabi  menshi  mu  kinyejana  cya 20? mwibaze  namwe  abantu  amaze  kwisasira  ngo  arikanga  ko  bamurwanya  kandi  inyota  ye  ikaba  idashira!bityo  ubumwe n’ubwiyunge  mu  banyarwanda  bikaba  biri  kure  nk’ukwezi!

Banyarwanda  banyarwandakazi, mu gihe  cyose  agatsiko  kayoboye  u  Rwanda  kataraseswa  tubyumve  neza  ko  ntakuri  nyako  kuzigera  kujya  ahagaragara  ku  buryo  bwimitse  dushobora  kuzaciramo  amarenga  abadukomokaho, nibura  bakazajya  bandika  bati’’  Habayeho’’. Niyo  mpamvu  igihugu  cyacu  kidashobora  gukira  ibikomere  gifite  mu gihe  banyiri  ubwite  bagize  uruhare  muli ayo  mabi  yose  bakiyoboye  u  Rwanda!  na  nubu  bakirangwa  n’iyicarubozo  ry’agateka  ka  muntu  ku  rwego  mpuzamahanga. Ku  bwa  Prezida  Kagame  na  FPR  bo  bakaba  babibonamo  impinduka  ku  mateka  y’igihugu  cyacu  bemeza ko  ari  impinduramatwara, bakirengagiza ko  amateka  ari  ibyabayeho, ibiriho n’ibikorwa  ubu  byose aribyo  ndorerwamo  yo  kubaka  igihugu  mu kazoza.

Banyarwanda  banyarwandakazi, ngerageje  gutanga  urugero! ubu  umurambo  wa  Prezida  wa  1  w’u  Rwanda  nyakwigendera  Dominique  Mbonyumutwa,  FPR  na  Kagame  bashinyaguriye  bawutaburura  aho  wari  ushyinguye   mu cyahoze  ari  stade  ya  Gitarama  byazasibangana  mu mitwe  y’abanyarwanda  bite? ibyo  byose  FPR  igomba  kumenya  ko  ari  amateka. Ubu  se  ko  baca  umugani  ngo  nta  ngoma  idahora, nyuma  ya  Presida  Kagame  hazagira  ukora  amahano  nkaye  ashinyagulira  ababyeyi  be  bashyinguye  hariya  I  Muhanga  amaherezo   y’abanyarwanda  yazaba  ayahe? Uretse  ko  akebo  kajya  iwamugarura.

Banyarwanda  banyarwandakazi  rero  ntawumenyumunsi  ni  izina  ry’umunyarwanda  kuko  ibihe  bihora  bisimburana  iteka  kandi  amateka  arivugira. Nitwoye  kugendera  ku ngoma  y’ikinyoma  kuko  igihe  kiri  bugufi  kugirango  amabi  yose  yakozwe  na  FPR  ashyirwe  ahagaragara, hazavugwa , handikwe  byinshi  ubutarambika  ikaramu  ku ruhande.
Tubitege  amaso!
Ndabashimiye.

Byanditswe  kuwa  09/02/2016, na:
A.BEN  NTUYENABO, KIGALI-RWANDA.