Archives par étiquette : Kigali

Kigali

RWANDA: UBUTEGETSI BWA  FPR  NTIBUGIRIRA  IMPUHWE  ABATURAGE

KigaliByabaye  nk’ihame  uretse  ko  ntaho  wasanga byanditse  mu  mategeko   cyangwa  amabwiriza, ni  ubwiru  gusa! . Kugirango  ube  ufite  igikorwa  icyo aricyo  cyose  mu Rwanda  kibyara inyungu, ugomba nta yandi  mananiza  gutanga 1/10  cy’imisanzu  y’umuryango  FPR-INKOTANYI  hakurikijwe  inyungu  uvana  muli  ibyo  bikorwa.

Umuryango  FPR  uri  k’ubutegetsi  mu  Rwanda  uretse  kubajugunya  mu magereza   cyangwa  kwica,  wiyemeje  gukandamiza  abaturage  no  kubasubiza  ku  isuka  mugihe batagaragaje ko bawuyobotse ku neza   ari  nayo  mpamvu  ubu  ntarindi  shyaka   mu  Rwanda  rifite  uburenganzira   bwo  kuba  ryakwakira   imfashanyo   cyangwa   impano iturutse  hanze  y’igihugu   ku buryo  butazwi   na  FPR. Iryo  akaba  ari  ihotora  rya  demokrasi   à  la  FPR.

Nkuko  nabibamenyeshaga  ubushize  rero , RRA (Ikigo  k’igihugu  gishinzwe  amahôro) nacyo  muli  iki  gihe  kirangwamo  ruswa  yakiyogoje,gifite  gahunda  yo  gufungira  ibikorwa abacuruzi bagera  ku  bihumbi  bine  kubera  ibirarane  by’imisoro  ingana na Miliyari mirongo itandatu n’ebyili  zose  z’amafranga y’u  Rwanda (62.000.000.000 Frw), nkuko itsinda  ry’abadepite  bashinzwe  kugenzura  imari   ya  Leta  batangaje  muli  rapport  yabo  uyu  mwaka.

Hagati  aho  hakaba  hari  umuhanda  rwagati  mu  murwa   wa   Kigali  wafungiwe  ibinyabiziga byawunyuragamo   byose, abacurulizaga  kuli  uwo  muhanda  baralira  batakamba igihombo batangiye  guhura  nacyo  kuva  aho  ufungiwe  n’umugi  wa Kigali kuli uyu wa mbere taliki 24/08/2015, ni ukuvuga  ko nta modoka, moto cyangwa  amagare bifite uburenganzira bwo gukoresha  uwo  muhanda, akaba  ari  uguturuka  imbere  y’inyubako ndende  Centenary house ya Kiliziya gatolika, Umuturirwa  mushya  uhuzuye : M.PEACE House  y’umuherwe Makuza Bertin  bitirira Rwanda foam, BANK OF KIGALI, UNGUKA BANK, n’amaduka  yandi  acuruza  imyenda  n’inkweto   bihenze,  ukagera  kuli  école  Belge  de Kigali, aho hose hakaba  haragenewe  abanyamaguru  gusa ,abagendesha  imodoka  bakazajya  bashaka  aho  bazisiga  batarinjira   muli   uwo  muhanda .Ubu  haragaragara  ubucucike   bw’imodoka zabuze  aho  ziparika  hafi  y’uwo  muhanda   kuburyo  umuntu  amara  isaha  yose  agishakisha  aho  yahagarika  ikinyabiziga  cye  kugirango  abone  gufata  iy’amaguru  agana  aho akorera.

Tumaze  kubitohoza  neza  rero  twasanze  intandaro  yabyo  ari  iyo nzu shya  M. Peace House dore ko iherutswe no gutahwa  kumugaragaro  na  Prezida  kagame  ubwe  aherekejwe  na Mayor  w’umugi  wa  Kigali  Fidèle  Ndayisaba. Prezida  Kagame akaba  yarivugiye  ubwe  ko iyo  nzu  ishobora   gukorerwamo  ubucuruzi  bunyuranye  ubwo  aribwo  bwose yaba amahoteli, amavuliro  n’ibindi….ati:n’iposta  yahahoze  ishatse yazagaruka  kuhakorera, ibyo  akaba  yarabivuze  nyuma   yuko  uwo  Nyirumuturirwa  Makuza  mu ijambo rye Y amusabye kumufasha  gushaka  abayikoreramo  kugirango  ishobore  kugaruza  amafranga  akayabo  agera  kuli  Miliyoni mirongo  ine  n’ebyili (42.000.000Frw)  z’amadolari US  amaze kuyitangwaho, bityo  Prezida  Kagame akaba  yaratangije  iyo  campagne  mucyayenge  abinyujije ku rubuga  rwe  twiter   aho  yivugiraga  ko  icyo  kibazo  agomba  kukiganiraho   na Mayor  w’umugi  wa  Kigali  Fidèle  Ndayisaba,  kugirango  bahume  amaso abaturage  bo  kurabukwa ko   FPR  iyifiteho  uruhare, kandi  ko yubatswe hakurikijwe igishushanyo cy’icyerekezo   cy’umugi  wa  Kigali,bityo  akaba  ari  amayeri  yo  gushaka  kwigarulira  abafite  ibikorwa  muli  ako  gace  kuza  gukorera  muli  iyo  nyubako  mu  rwego  rwo  kubuza amahoro  abatisanga  muli FPR.

Amakuru  nashoboye  kumenya  yemeza  ko  uyu  Makuza  Bertin  yahisemo  kwiyegereza  FPR  na  Prezida  Kagame  kubera  impungenge  yagize  kuba  ngo  yaba  afite  ubutunzi adafite Kagame aho  yagize  ati :’’Turabasaba  Nyakubahwa Prezida  Kagame, jye  n’abacuruzi  bagenzi  banjye  ko mwakomeza  kutuyobora  na  nyuma  yo  kurangiza  mandat   yanyu muli  2017,  kugirango  dukomeze   tugire  umutekano   wacu  bwite  n’ibintu  byacu  ku buryo  burambye’’. Fin  de  citation.

Byanditswe  kuwa  26/08/2015  na:
A.BEN  NTUYENABO,
KIGALI-RWANDA.

Inzego z’umutekano za perezida Kagame ni zo zari inyuma y’iterwa ry’ibisasu !

Jenerali Charles Kayonga ushinzwe inzego z'umutekano

Jenerali Charles Kayonga ushinzwe inzego z'umutekano

Itohoza rimaze iminsi rikorwa n’Umuvugizi ryerekana ko abaturage bagera kuri babiri bishwe n’inzego z’umutekano za perezida Kagame, zikanakomeretsa abagera kuri cumi n’umunani. Iki gikorwa kikaba cyarabereye ahitwa mu Marembo mu murenge wa Nyabisindu ho mu karere ka Gasabo, ubwo izo nzego z’umutekano zateraga abaturage ibisasu.

Iki gikorwa cya bunyamaswa kikaba cyarakozwe n’inzego z’ubutasi za perezida Kagame mu rwego rwo kubona urwitwazo rw’impamvu z’umutekano muke, kugirango hataboneka urubuga rwa demokrasi n’ubwisanzure mu gihugu.
Iri yica rubozo ku baturage akaba atari bwo bwa mbere rikozwe n’ inzego z’umutekano za perezida Kagame, kuko na none zakunze kubikora kuva mu kwezi kwa gatatu 2010 mu bikorwa byateguraga amatora y’umukuru w’igihugu, aho perezida Kagame yashakaga gucecekesha abatavuga rumwe na we.

Leta ya Kagame ikaba ikoze ibi bikorwa bigayitse nyuma yo gusabwa n’abaterankunga kwisubiraho igatanga demokarasi mu gihugu.

Bamwe muri maneko za perezida Kagame badutangarije ko ibyo bikorwa byo gutera ibisasu abaturage byakozwe ku mabwiriza yari yaturutse i bukuru kugirango batere ubwoba abaturage hamwe no kumvisha abaterankunga ko hakiri kare gutanga demokrasi mu Rwanda.

Johnson, Europe.
Aho byavuye : Umuvugizi.com