Archives de catégorie : Umuco

Rwanda Day /Atlanta : Politiki ya Kagame yo kwihesha agaciro ihishe iki?

kagame- atlanta

Kagame avuga ijambo Atlanta

Ubwo yari Atlanta muri Leta zunze ubumwe z’Amerika, Kagame yongeye gusubira muri ya magambo ngo « twiheshe agaciro ».  Ku babisesengulira hafi, ariya magambo usanga ari nk’isiri aba aciriye agatsiko ke k’abicanyi ngo bakomeze gutsemba abanyarwanda. Nawe se wakwihesha agaciro ufata abantu, abaturage bawe, ukabashimuta, ukabazimiza, imirambo yabo ukanaga mu ruzi, warangiza ngo twiheshe agaciro.

Inkomoko y’ijambo agaciro irabisobanura

Ubundi « agaciro » biva ku nshinga gucira. Ba sekuru ba Kagame n’agatsiko ke, bari abatware, bahekwa n’abahutu. Umutware iyo yabaga ari mu ngobyi hejuru, yabaga afite abahutu bari mu mujishi, ariko hari n’indi kipe imuherekeje, irimo abamutwazaga inkono yo kunywa itabi. Iyo rero yashakaga kunywa itabi, uwo muhutu utwaye inkono, yararitekeraga, akarifatisha, akariha umutware hejuru aho yabaga yicaye mu ngobyi. Iyo yatumaguraga, yashakaga gucira, agahamagara umuhutu ufite akantu k’agacuma yaciragamo. Uwo muhutu rero yakamwegerazaga hafi y’umunwa agaciramo. Ako gacuma niko bitaga « agaciro ». Ijambo agaciro ryagezaho risobanura ikintu gifite akamaro, gikomeye, gihambaye, kubera ko uwabaga afite ako gacuma, ntabwo yari umuntu ubonetse wese. Yabaga ari umututsi wo mu rwego rwo hejuru, w’umutware uvugana n’umwami. Birumvikana nyine k’umwami n’ibyegera bye n’abatware yashyizeho mu ntara aribo babaga bafite « agaciro », ni ukuvuga ako gacuma.

Iyo rero Kagame asubiramo buri gihe ngo twiheshe agaciro, ni nko guca amarenga, guca isiri abwira bene wabo ati : Turi abatutsi, abahutu mureke twongere tubasubize mu bucakara, tubahake, tubagire nka kera badutwaza « agacuma ko guciramo » ari ko gaciro. Ngibyo rero. Nguko uko « agaciro » kagiye kutumara ho abantu.

E. Mugisha

Yagaruye Ubuyanja

Pasiteri Bizimungu, yashinze ishyaka, aryita Ubuyanja, arabizira.

Uyu mugani bawucira ku muntu warwaye akamererwa nabi cyangwa uwazironzwe n’umukeno : abo bombi, ali ukize iyo ndwara y’ubujyahabi ali n’ukiranutse n’ubukene, iyo bazahutse bakabyibuha, uwo babonye baravuga ngo “Yagaruye ubuyanja !” Byavuzwe n’abagombozi bo ku Musamo mu Nduga; ahasaga umwaka w’i 1300.

Icyo gihe, Ruganzu Bwimba yali amaze gutabara bucengeli i Gisaka, u Rwanda rutegekwa na Cyenge cya Nyacyesa w’umukobwa. Atabara umugore we Nyakiyaga cya Ndiga atwite inda nto. Akajya agenda bisha na bisha alindiliye ko umugore yaruhuka. Ibili mahire abyara Bwimba akili mu nzira; abyara umuhungu. Ruganzu amaze kubimenya yambika umuhigo awicamo ingwe. Uruhu arwoherereza Cyenge n’Abiru hw’ingobyi y’umwana; anabatumaho ngo umwana we bazamwite Rugwe, na lyo ily’ubwami azalyitwe n’abiru. Izina alyitwa na Gitandura cya Kingali. Arongera ati ”Kandi umwana wanjye ntimuzamuhe ubwami ni we uzabwiha”. Akomeza urugendo aratabara. Nibwo aguye i Gisaka.

Umugore we ahungurwa n’umugabo wabo Mwendo. Umwana amaze kugimbuka, Mwendo amugilira ishyali byo kurwanira ingoma mu bwenge, amuroga inzoka iramuzingamisha aba urutaza. Niyo nkomoko yo kudahungurwa kw’abagore b’abagabekazi i Rwanda. Rugwe rero akomeza kurwara. Rubanda bakuka umutima bavuga ko u Rwanda rugiye kurara nze (kubura umutegetsi). Na we Mwendo acyilya icyara yibwira ko agiye kuba umwami w’u Rwanda; yarwaniraga ingoma mu bwenge. Bukeye abiru bashaka abavura Rugwe; bababona i Musambira ku murenge witwa Rwimpyisi hafi ya Kambyeyi : nyuma bawuhinduye Kabungo : Bivuga i kibyibushye gihozagaye=impogazi.

N’uko abo bavuzi bishingira kuvura Rugwe, baratangira baramurutsa; bamurutsa inzoka. Abo nibo bagizwe abagombozi : abanyamuhango w’inzoka. Bamaze kumuvura bagororerwa umusozi witwa Musamo aho mu Nduga; bawuturaho kugeza magingo aya bakiwutuye. Ni bamwe muli babandi batwara inzoka mu mpago. Rugwe rero bamaze kumurutsa inzoka baramwondora arakira aba umusore; batuma i bwami, bati «Rugwe yagaruye ubuyanja aguwe naze, muraze mumujyane. Ubwo ava ku Musamo agaruka iwabo i Gasabo mu Bwanacyambwe. Rubanda bagumiliza guhwihwisa bavuga ko yarozwe na Mwendo. Mwendo amaze kubyumva ashya ubwoba aracika; acikira i Bugesera.

Nuko Rugwe akomeza kumererwa neza, ndetse atangira guhiga. Atora abahigi benshi b’urungano rwe : ab’imbwa n’ab’umuheto. Ubwo u Rwanda rwali rugifitwe na Cyenge. Haciyeho iminsi abahigi ba Rugwe bajya guhigana n’abandi i Karama ka Kigali. Umuhigi umwe arasa impongo inkumbi; undi umuli hafi aramutoya (gusonga icyanegekaye). Impaka zirabyuka baza kuburanira Cyenge. Umwe ati «Ni jye wayirashe». Undi nawe akavuga atyo; rubura gica. Rugwe agumya kwumva uko Cyenge n’Abatware bavuga bananiwe guca urubanza. Ahagarara hagati yabo ati «Mbese ibwami hagira ababurana gusa hakabura abaca imanza ?» Ati “Aba bagabo bahayurana ntibahize bonyine, none nibazane uwali uhali abakize”. Kera niko umugabo yitwaga : bamwitaga «uwali uhali». Rugwe amaze kuvuga atyo, abali aho bose baramushima bati «Koko umwana yagaruye ubuyanja ubwenge ni bwose». Abiru babyumvise bibuka isezerano Iya Ruganzu wasize avuze ngo ”Kandi ntimuzampere umwana ubwami kuko ali we uzabwiha”. Ubwo baba babonye ikimenyetso cy’uko abwihaye; bategura imihango yo kumwimika baramwimika; alima yitwa Cyilima. Se yali yaralisigiye abiru be, ati ”Umwami ndaze ingoma ni Cyilima kizilimamo amahata”.

Nuko Abiru bamaze kumwimika, lya jambo ly’abagombozi bo ku Musamo ngo «Umwana yagaruye ubuyanja» batangira ubwo kulikuliliza, baralikurakuza liza guhinduka umugani bacira ku muntu babonye amaze gukira ubuzahare bw’indwara cyangwa bw’umukeno, bati «Naka yagaruye ubuyanja !» — Kugarura ubuyanja =Gukira ubuzahare

Ubuyanja = ubuzanzamuke.

[Aho byavuye : Minisiteri y’Amashuli Makuru n’Ubushakashatsi mu by’Ubuhanga, Ibirali by’insigamigani, Kigali, 1986, pp.199-200].

 

Imbwa za Lyangombe

Imbwa y'impigi

Mu bitekerezo byanditswe na Musenyeri Aloyizi Bigirumwami (1987), dusangamo ko Lyangombe yari umwana w’ikinege. Akaba mwene Babinga ba Nyundo. Nyina Nyiraryangombe yaje ari umusumbakazi avuye kwa Bigaragara. Ashakwa na Babinga, amubyaraho Lyangombe.

Lyangombe yari umuhigi. Afite imbwa nyinshi ari zo :

  • Bakosha Badahannye,
  • Uruciye mu nsi ntamenya ikirurimbere
  • Nyakayonga,
  • Babikana umuranzi uruguma,
  • Babika mu rwina n’umuriro,
  • Ikinyabutongo gitoto kitamara isimbo,
  • Nyina aramuzi ntazamumpora,
  • Bakosha cyane bazakarushya izimura,
  • Uruyongoyongo rwa Miramba na Buhuru bunuka uruhumbu,
  • Maguru ya Sarwaya yasize imvura n’umuyaga,
  • Bisimbo birabomborana,
  • Mwangamwabo
  • Bikwirashyamba.
  • Bateka ibikokoye
  • Ntakitambara inkanda

Niwe wazanye umuhango wo Kubandwa. Uretse Lyangombe, izindi mandwa zizwi ni Imandwa zizwi neza ni Binego, Mugasa, Kagoro, Ruhanga, Nkonjo, Mashira, Umuzana, na Nyabirungu, Umurengetwe, Umunyoro, Ruhende, n’Intare. Lyangombe yapfiriye mu muko ari wo bita umurinzi iyo babandwa cyangwa baterekera, yishwe n’imbogo imuteye ihembe imutura kuri icyo giti.

 

 

Ageze Ahalindimuka !

Imisozi /foto amakuruki.com

Uyu mugani bawuca iyo babonye umuntu wali ufite ibintu hanyuma akaga kakabimumaraho agasonza isangu; ni bwo bavuga ngo «Naka ageze ahalindimuka ! » Wakomotse kuli Rugara w’i Giseke na Nyagisenyi ho mu Busanza (Butare); ahagana mu mwaka1900.

Mbere y’aho ku ngoma ya Rwogera, hateye inzara bayita Rwarugereka aliko ikomera ku ngoma ya Rwabugili. Ubwo mu karere ka Busanza Nyiramavugo nyina we Rwogera yali ahafite umuhingisha w’ibwami witwa Rugara, arahingisha bituma aba umukungu muli ako karere atwara ka Giseke na Nyagisenyi (Komini Ruhashya ubungubu). Aho Nyiramavugo n’umuhungu batangiye hima Kigeli Rwabugili, yimana na nyina Murorunkwere. Murorunkwere azungura urugo rwa nyirabukwe. Rugara agumya kumubera umuhingisha. inzara iranga irakomera; abanyabusanza bakajya guca inshuro kwa Rugara akabaha ibyo baralira. Bajya ibwami gufunguza bagatuma kuli Rugara akohereza imboho zo kubaha.

Bukeye abashonji bagikanyakanya b’i Busanza bajya inama yo kwiba Rugara; bamusahura ibigega n’imitiba barabyeza. Aliko atinya kujya kubivuga ibwami. Bukeye ibwami bamutumaho ngo yohereze imboho zo guha abashonji. Inturnwa iregenda, iti «lbwami ngo zana imboho zo guha abanyanzara». Rugara abyumvise, ati «Mbigenje nte ! Ko natinye kubibwira ibwami none nkaba ndafite imyaka yo kwohereza !» Biramushobera ! noneho yigira inama yo kujya kubwira ibwami ko imyaka yashize. Aragenda abibwira Nyirakigeli Murorunkwere.

Abashonji babyumvise batera hejuru, bati «Imyaka irahali turabizi, ibyo Rugara avuga ni ukwangiIira ngo abone uko abigulisha !» Nyirakigeli ararakara abaza Rugara, ati «Imyaka yanjye yamazwe na nde ?» Rugara alibaza ati «Nimvuga ko yashize barabona ko mbeshya, kandi nimvuga ko yibwe barambaza icyatumye ntabivuga mbere !» Alicecekera. Nyirakigeli ahamagaza abantu arabatuma, ati «Nimujyane na Rugara mundebere ko imyaka ihali kandi mugarukane».

Intumwa ziragenda zisanga nta myaka irangwa i Giseke. Babaza Rugara, bati «Ibi bigega n’imitiba bingana bitya byamazwe na nde ?» Rugara arabasubiza, ati «Barabinyibye ntinya kubibwira ibwami». Abandi bati «Aba bantu bangana batya batuye ku rugo rwawe hamwe n’abaralilizi babibana ibintu bate ?» Bati «Abashonji bavuze ukuli ubanza koko warabigulishije !» Barahindukira. Bageze ibwami babwira Nyirakigeli ko nta myaka ili kwa Rugara koko; «Urebye koko ubanza yarayigulishije !» Nyirakigeli abaza Rugara, ati «Mbwiza ukuli aho wanshyiliye imyaka ». Rugara, ati «Barayibye». Nyirakigeli ararakara yitera hejuru; abaza abali aho, ati «Uyu mugabo nkwiye kumugenza nte ?» Abandi barahora. Abonye ko bahoze, ati «Nta bwo mutanga, ahubwo nshiye iteka ko ntaho azatura !

Nuko Rugara arasenyerwa, aragenda ajya mu nshuti ze z’i Kinyamakara, araharara arahasibira. Za nshuti zimenye ko ibwami baciye iteka ly’uko atazagira aho atura zigira ubwoba ziramwirukana. Rugara arahambira n’abana n’umugore. Aliko ubwo inzara ikaba yabarembeje. Araboneza no ku musozi wa Rukondo h’i Bufundu (Gikongoro); hali ku nshuti ze, aharaye limwe na bo barabimenya baramwirukana.

Bamaze kumujujubya, noneho yigira inama yo kujya i Rubona mu Nyaruguru ku bavandimwe be. Yashakaga kuzambuka ngo ajye i Burundi. Ashyira nzira aragenda; aterera igisi cya Kigasali, ageze mu gikombe cy’imanga ya Birogo isereli iramugusha, atemba muli iyo manga arashenjagulika akulizamo gupfa. Umugore n’abana na bo inzara irabanogonora.

Nuko uwo mugani waduka ubwo ukwira u Rwanda, kuva ubwo babona umuntu usabayangwa kubera inzara y’isangu kandi mbere ali we umukiro wabalizwagaho, bakamugereranya na Rugara; bati «Ageze ahalindimuka aka Rugara !» – Ahalindimuka = imanga y’intagendeka : Kugera ahalindimuka. Kuba mu makuba y’injyanamuntu.

[Aho byavuye : Minisiteri y’Amashuli Makuru n’Ubushakashatsi mu by’Ubuhanga, Ibirali by’insigamigani, Kigali, 1986, pp.28-29].

 

Umutoma wa Noheli

umwari/foto amakuruki.com

MUKANOHELI

Mutesi utatse uburanga

Umwari w’ikimero n’ubuhanga

Karabo kera kagira ibanga

Amaso yawe agaba umutuzo

Nkumva nagupfumbata mu gituza

Ongera umwenyure mbone gutuza

Hogoza ryanjye umbere umuhoza

Ejo hacu twembi hatembe ineza

L’Amour fait très bon, tu sais?

Ihogoza ryanjye nzaruguhata ususuruke.

Gilles NTAHOBATUYE


Twabikuye : Igitondo.com