Nubwo  hari  itegeko  ryaheze  mu  kabati  k’inteko  nshinga-mategeko  y’u  Rwanda  ryigaga  uburyo  hashyirwaho  amategeko  arengera  abatinganyi, uburaya,  no  gucana  inyuma  kw’abashakanye  mu  muryango  nyarwanda,  akaba  nta  mwanzuro  urafatwa, ntibyabujije  imyitozo  y’abafatanyabikorwa  by’ayo  mahano  gukomeza  gukorera  mu  bwihisho  Leta  ya  FPR  irebera  none  bageze  naho  batangiye  kwigaragaza  ku  ka  rubanda  ntacyo  ibikoraho.

Banyarwanda  banyarwandakazi, twigeze  kwandika  iyi  nkuru  tugaragaza  impungenge   z’ukuntu  hategurwaga  itegeko  ryemerera  abanyarwanda  ingeso  zirimo  uburaya, ubutinganyi, gucana  inyuma  kw’abashakanye  n’ibindi…..ku  buryo  ryashyikirijwe  n’inteko  nshinga-mategeko  y’u  Rwanda  aliko  kubera  induru  z’abanyarwanda  b’umuco, bamaganiye  kure  ayo  mahano  kugeza  aho  abadepite  birengagije  gusuzuma  iryo  tegeko  ntawamenya  aho  ryabaye  rishyinguwe, none  birubuye !

Banyarwanda  banyarwandakazi,  icyo  kibazo  kikaba  kimaze  iminsi  kivugwaho  byinshi  n’abanyarwanda  batari  bake,  aho  ntibwaba  ari  uburyo  Leta  y’agatsiko  yashakaga  ko  abakora  izo  ngeso  babanza  kwishyira  ku  mugaragaro  ngo  ibone  noneho  uko  itoresha  iryo  tegeko  ibinyujije  mu  ngirwa-nshinga mategeko  yayo   nkuko  isanzwe  ibigenza ?

Uretse  ugushyingirwa  k’umugabo  n’umugore  gusa  rero  ubusanzwe  mu  Rwanda  nta  gihe  amahano  nkaya  y’ubutinganyi  yigeze  avugwa  nk’ayemewe  ku  mugaragaro  yewe  n’amategeko  ahana  y’u  Rwanda  ntaho  yerura  nk’ahana  icyo  cyaha.

Akaba  ari  muri  iyi minsi  ishize  aho  izi  ngeso  z’ubutinganyi  zatangiye  kujya  ahagaragara   umwe  ni  umukobwa  witwa  Graçe  Nyinawumuntu  aho  yirukanywe  ku  mwanya  wo  gutoza  ikipe  ya  AS  de  Kigali  y’abagore  bakina  umupira  w’amaguru  nyuma  yuko  aketsweho  ubutinganyi akanabishinjwa  na  bamwe  mu  bakinnyi  yatozaga  ko  abibakorera, ntibyaje  kumuhira  rero  dore  ko  bamwe  bavuga  ko  binatera  imyaku !  ku  buryo  ubuyobozi  bw’ikipe  ya  AS  de  Kigali bwahise  bumusezerera  busesa    amasezerano  bwagiranye  nawe  ndetse  binamenyeshwa  ubuyobozi  bukuru  bwa  Fédération  ya  Football  mu  Rwanda, uyu  mukobwa  Nyinawumuntu  Graçe  akaba  yari umwe mu  bakobwa bakuriye  football  y’abagore  byongeye  yari  n’umukobwa  wa  mbere  wabonye  ibyangombwa  byo  kuba  ari  umusifuzi  akaba  yaranabaye  umutoza  w’ikipe  y’igihugu  y’abagore  aliko  akanabifatanya  no  gutoza  AS  de  Kigali.

Ni  muli  urwo  rwego  nanone  kuri  uyu  wa  12/03/2017, ibitangazamakuru  byinshi  byavuze  cyane  ku  bakobwa  babili  umwe  witwa  Ndayisaba  Fernand  na  Umuhoza  Mucyo  Rebecca  batangaje  ku  mugaragaro  ko  biteguye  kubana  nk’umugabo  n’umugore, basobanura  ko  ari  uburenganzira  bwabo  ntawe  ukwiye  kububavutsa.

Uyu  Ndayisaba  Fernand  akaba  atangaza ko   yasabye  uriya  mugenzi  we  Rebecca  ko  bashyingiranwa  nuko  arabimwemerera  ndetse  bemeranya  kuzambikana  impeta,  ati  ikigiye  gukurikira  nyuma  yo  kuba  fiançé  ni  ugushyingiranwa  kandi  birumvikana  ko  itariki  y’ubukwe  muzayimenyeshwa  kuko  tuzatanga  ubutumire.

Mlle  Ndayisaba  akomeza avuga  ko  bazabanza  gupanga  bareba  niba  bizanyuzwa  mu buryo  bw’amategeko  cyangwa  bw’imyemerere   y’idini,  ati  aliko  uko  bizagenda  kwose  muzabimenya. Nguko  nguko !  aliko  ni  agahinda  pe !!

Banyarwanda  banyarwandakazi,  burya  Leta  mbi  ntitana  n’ibibi  byose  niyo  mpamvu  nsanga  aya  mahano  atari  ayo  gushyigikira  kuko  bihabanye  n’ijambo  ry’Imana   byongeye  n’umuco  nyarwanda, gusa  ntituramenya  neza  impamvu  babikora !  dushatse  rero  twahinduka  bigishoboka  tugashobora  gukumira  izi ngeso  mbi zishaka  kutwanduriza  abana  mu  gihugu  cyacu.

Mugire  amahoro.