Archives mensuelles : mai 2016

Rwanda : ikibazo  cy’imicungire  mibi  y’ibya  rubanda  kimaze  kuba  akarande 

Obadiah Biraro, Auditeur général/photo newtimes.co.rw

Obadiah Biraro, Auditeur général/photo newtimes.co.rw

Nkuko  tudahwema  kubikangulira  ba  nyirubwite  aliko  tunabyandikaho  kenshi, imicungire  mibi  y’ubukungu  bw’igihugu  cyacu  ikomeje  gusarurirwa  mu  mifuka  no  gusahurwa  na bamwe  mu  bisambo  bikingiwe  ikibaba  na  Leta  ya  FPR-KAGAME  kuko  bimaze  kugaragara  ko  audits  financiers  zose  zimaze  gukorerwa  ibigo  bitandukanye  wongeyeho  na  zimwe  mu nzego  za  Leta, izo  cases  zose  uretse  kuba  ziryamishijwe  mu bushinjacyaha  bukuru  nta  zindi  nkulikizi, kandi  icyo  cyorezo  niko  kigenda  gikaza  umurego  uko bwije  uko  bukeye. Sinzi  aho  tugana!

Ni  muli  urwo  rwego  icyegeranyo  2014-2015  gikubiyemo  rapport  y’umugenzuzi  mukuru  w’imali  ya  Leta  aherutse  gusohora  cyerekanye  ko   imari  ya  Leta  itakoreshejwe  neza  mu  mwaka  2014-2015  ko  habayemo  uburiganya  bukabije  mu  bigo  no mu nzego  za  Leta. Mu  nzego  157  za  Leta  zakorewe  ubugenzuzi, 78  zonyine  nizo  zubahirije  amabwiriza  ya  Auditeur  général  financier, 22  zihabwa  inama  y’uburyo  zigomba  gukorera  kurushaho  mu mucyo  naho  57  zisigaye  zagaragayeho  imicungire  mibi  cyane, ni ukuvuga  ko  tugereranije  mu  inzego  157  zagenzuwe  50%  zagerageje  kubahiriza  amategeko  mu gihe  umwaka  wabanje  izubahirije  amabwiriza  zari  36%   muli  131  zagenzuwe.

Muli  rusange  iyi  rapport  d’audit  financier  2014-2015  ikomeza  yerekana  ko  miliyari  12.7   z’amafranga  y’u  Rwanda  zaburiwe  impapuro  zisobanura  imikoreshereze  yayo (pièces  justificatives),  miliyari  3.8  zibura  impapuro  zuzuye  zizisobanura, naho  miliyari  1.7  ntawamenya  aho  yarengeye. Icyo  akaba  ari  kimwe  mu  bituma  inzego  za  Leta  zidakora  neza  byongeye  n’abakozi  zikoresha  batabigize  umwuga  kubera  ruswa  iganje   mu  itangwa  ry’akazi.

Banyarwanda  banyarwandakazi,dutanze  nk’urugero  ku  kigo  k’igihugu  gishinzwe  ubuzima (RBC), aho  kitabashije  kugaragaza  ingano  y’umutungo  wacyo  utimukanwa  ungana  na  miliyari  3.5  byongeye  na  stock  ingana  na  miliyari  29.1 , nimwiyumvire  rwose  iyo  micungire!

Ikibazo  kigaragara  nanone  muli  iryo  cungwa  ribi  ry’umutungo  w’igihugu  cyacu  ni  ugukererwa  mu  kutubahiriza  amasezerano  no  kutarangiriza  igihe  imishinga  ya  Leta, urugero  umwaka  wabanje 2014  hagaragayemo  imishinga  77  ifite  agaciro  ka  miliyari  126  itarabashije  kurangirira  igihe  nkuko  byari  biteganijwe  mu  masezerano.

Iyi  rapport  ikomeza  yerekana  ko  hari  n’indi  mishinga  70  yari  ifite  agaciro  ka  miliyari  32  yadindiye  cyangwa  bamwe   mubayipatanye  bakayivamo  itarangiye, muliyo  12  ya  miliyari 4  ikaba  yarasizwe  na  ba  nyiri  ugupatana  itarangiye.

audit  ikomeza  ivuga  kandi  ko  hari  miliyari  18.9  zaburiwe  irengero  ku  ruhande  rw’inzego  za  Leta, igakomeza  yerekana  ko  ibigo  nka  RSSB (CAISSE  SOCIALE), EWSA (ELECROGAZ), UNR, imishinga  minini  irimo  iya  Ministry  of  agriculture, One  laptop  per  child  bikomeje  guhomba  kubera  imicungire  mibi  yabyo.

Banyarwanda  banyarwandakazi, twakunze  kuvuga  kenshi  ko  yaba  imiyoborere  y’igihugu  cyacu  n’imicungire  y’umutungo  w’igihugu  by’umwihariko  bikomeje  kurangwa  n’ubusahuzi  budasanzwe  bukorwa  n’agatsiko  kari  ku  butegetsi  bwibumbiye  muli  FPR-KAGAME , ibyo  byose  akaba  ari  imisoro  y’abaturage  ikomeje  kunyuzwa  iyubusamo  nta  gikulikira!  Dore  ko  basigaye  batanakiyabika  ahagaragara  ngo  hatagira  ubaca  iryera!  Birababaje!

Banyarwanda  banyarwandakazi, imikoreshereze  y’imali  y’igihugu  nkiyo  ntacyo  yageza  ku  gihugu  cyacu  ahubwo  kwaba  ari  ugusigira  umutwaro  abazadukomokaho  nkaho  hari  icyaha  bakoze, nsanga  rero  umuti  w’ibi  bibazo  ntawundi  uretse  guhagurukira  rimwe  tukagerageza  guhangana  na  système  dukoresheje  uburyo  bwose  bushoboka  nkuko  bamwe  twabitangiye. Murakoze.

 

Byandiswe  ku  wa  17/05/2016, na :
A.BEN NTUYENABO, KIGALI-RWANDA.

 

Rwanda : Paul Kagame mu bihe bya nyuma

kagame howattMu  gihe  ba  Rusahuriramunduru  bari  muli  Leta  ya  FPR  bakomeje  gukaza  umurego  mu  kururumbira  ibya  rubanda  basahura  igihugu  mukwihemba  nkaho  u  Rwanda  rutari  bumare  iminsi  itatu  rukiriho  cyangwa  nkaho  nta  bayobozi  rugifite; Prezida  Kagame  we  ahanganye  na  mdt  ya  gatatu  yidodeyeho  nyuma  ya  2017. Abo  ba  rusahuliramunduru  mu nzego  zose , mu  bigo  bya  leta, mu  nzego  z’uturere  yewe  cyane  cyane  noneho  mu  kiganga  aho  abayobozi  b’ibitaro, abacunga-mutungo  b’amavuliro  atandukanye  mu  gihugu  bamaze  gutabwa  muri  yombi  na  Police (Huye, Kirehe  na  Nyamasheke)  ku irigiswa  ry’akayabo  k’amafranga  y’u  Rwanda asaga  miliyoni  Magana inane yose (800.000.000 FRW), abandi  nabo  bakaba  barataye  imirimo  kubera  agashahara  bavuga ko  kadahagije(reba  ku  bitaro  bya  Nemba). Ibyo  byose  bigaragaza  imicungire  mibi  y’ibya  rubanda.

Ni  muli  urwo  rwego  kuli  uyu  wa  11  Gicurasi  2016  hano  I  Kigali  hateraniye  inama  mpuzamahanga  y’iminsi  itatu  yiga  ku  byerekeye  ubukungu  bw’Afrika (World  economic  forum  on  Africa/WEF2016)  aho  Ministry  of  finance , Bwana  Gatete  yatangiye  gusinyana  amasezerano  y’ubufatanye  na  bamwe  mu  bashoramari  dans  le  domaine  de ICT. Aliko  se  yo  ntibazishyirira  mu mifuko  yabo!

Muli  iyo nama rero  Prezida  Kagame  umugabo  wivuga  ko  aribwaribwa  byongeye  akanikirigita,nkuko  asanzwe  abigenza  mu  mashuri  yo  muli  America(noneho  ntaherutseyo)  yaboneyeho  gutanga  ibiganiro  ku  byerekeye  ubukungu  aliko  ntibyamwanga  mu nda  kubera  ikizere  gikeya  asigaye  yifitiye  avangavanga  na  mdt  ya gatatu  ye  yishumurijeho, hamwe  na bamwe  mu bajyanama  be  TONY  Blair  na  HOWARD  Buffet  yongeye  gushimangira  ko  atigeze  asaba  mandat  ya  3  mu  kuyobora  u  Rwanda  nyuma  ya  2017, ati  abanyarwanda   nibo  ubwabo  babinsabye  banagena  Kamarampaka  babinyuzamo   bavuga  ko  ndamutse  ngiye  batabona  undi  ushobora  kubabungabungira  umutekano  n’iterambere  bari  bamaze  kugeraho  bityo  bakaba  basubira  mu  icuraburindi!  Ati  maze  kumva  ubusabe  bwabo  n’amanama  menshi   nakoranye  n’ishyaka  ryanjye  FPR  naryo  ryemeje ko   ntawundi, narabibemereye.

Banyarwanda banyarwandakazi,  ibi  ni  akumiro  rwose! Ubu  se  uretse  uburyarya  n’akaboko  kazemera  aruko  bagaciye  bya  Prezida  Paul  Kagame , ntabona  ko  abanyarwanda  bashobora  kuba  bamubeshya! uretse  kumwikoreza  uwo  mutwaro  yihangiye  ubwe! yabaye  umuntu  w’umugabo  akabivamo  hakiri  kare  bitaramubyalira  imbwa  yiruka! akazambara  inconcero  imbere  y’abambari  be  ariwe  ubyiteje! akemera  akavugana  n’abo  banyarwanda  bari  hanze  avuga ko  batemeranwa  nawe  mu  miyoborere  y’igihugu  no  kuba  yarahinduye  itegeko-nshinga. Prezida  Kagame  amenye  ko  nabo  ari  abana  b’u  Rwanda  si  abanyamahanga!  niyo  mpamvu  bafite  uburenganzira  ku gihugu  cyababyaye  nta  vangura  iryo  ariryo  ryose  ribahutaje.

Nyakubahwa  Kagame, abo  banyarwanda  uvuga  babigusabye  ntubona  ko  harimo  le  danger! keretse  niba  waremeye  kubapfira  ku  musaraba! uri  umwana  w’Imana  Yezu  Kristu  se ? Wacunguye  nde?

Banyarwanda  banyarwandakazi, ndareba  ngasanga  igihugu  cyacu  gikeneye  indi  révolution  yakorwa  n’amoko  yose  agize  abanyarwanda, abahutu,abatutsi  n’abatwa ,  ntashidikanya  yaba  umuravumba umwe  mu  miti yatuma  igihugu  cyacu  kigera  k’ubumwe  n’ubwiyunge  nyabwo  byongeye  na  demokrasi  isesuye  twifuza  twese.Ni  naho  buri  munyarwanda  wese  yaboneraho  umwanya  wo kwongera  kwisanasana na  mugenzi  we  no  kubaka  igihugu  batekanye  mu  mitima  yabo,naho  ubundi  ntaho  tuva  ntaho  tugana.Prezida  Kagame  rero  nareke  gukomeza  kwisunga  ariya  mabandi  ya  ba mpatsibihugu  yita  abajyanama  be , TONY  Blair, HOWARD  Buffet  n’abandi….akomeje  kuvomera  mu  mifuko  yabo  aho  kumushima  bamuhema  kuko  barimo  bamutegulira  imperuka! bakaba  bazi  naho  avana  izo  ntonorano  abaha  akaba  nta handi  uretse  mu  mitsi  y’abanyarwanda. Ararye  ari  menge!   ntabwo  ndi  umuhanuzi  ariko  nakomeza  kugendera  ku  nama  zabo  aririwe  ntaraye!

Murakoze.

Byanditswe  kuwa  13/05/2016, na:
A.BEN NTUYENABO, KIGALI-RWANDA.

Paul Kagame nawe  afite  ingengabitekerezo  yo  kumva  ko  ariwe  wenyine  ushoboye  kuyobora  u  Rwanda  nyuma  ya  2017.

KagameVNkuko dukomeje  kubyandikaho rero  muli  ibi  bihe  hari  udutendo  dutandukanye  tw’abaprezida  barangiza  mandats   zabo  aliko  ntibifuze  isimburana  ry’ubutegetsi  binyuze  mu mahoro  n’ubwumvikane, by’umwihariko  muli  Africa  yo  hagati. Umwe  muli  abo mvuga  Semuhanuka  akaba  nta  wundi  ariwe  Prezida  Paul Kagame  w’u  Rwanda. Murazi  ko  yamaze  guhindura  itegeko-nshinga  rya  republika  y’u  Rwanda  akoresheje  Kamarampaka  kugirango  akomeze  ahabwe  umwanya  wo  gutsimbarara  mu  Rugwiro  nyuma  ya mandat  ye  muli  2017, akaba  yirengagiza  ko  nta bandi  banyarwanda  nabo  bafite  ubushobozi  bwo  kuba  bahicara  aribyo  yakagombye  kubanza  kujyaho  impaka  n’abatavugarumwe nawe  bakeneye  gutaha  mu  rwababyaye.

Hano  mu  Rwanda  haba  abize  aciriritse  nay’ikirenga  aliko  iyo bageze  ku  butegetsi  ibitekerezo  byabo  bihinduka  bimwe  mu  ntego  imwe  rukumbi  yo  kugundira  ubuprezida  bagacecekesha  intiti  bakica  bagakiza,  bazereka  ko  bazi  ikoranabubingwa  kurusha  abandi  byongeye  kandi  ngo:’’  n’abami  bimaga  ingoma  bagategeka  ari  inkandagirabitabo  ikindi  ngo  na  Yezu  na  Nyina  basengwa  ku  isi  yose  nta  shuri  bigeze  bakandagiramo bityo  gutegeka   kuri  bo  bakabifata  nk’imbuto  ivukanwa’’. Ayo  ni  amagambo  ya  Prezida  Kagame  ku kibazo  cy’amatsiko  yabajijwe  n’abanyeshuri  bo  muli  Kaminuza  I  Ruhande  igihe  yari  yabasuye  ku  byerekeye  amashuri  yaba  yarize,  hari  muli  2008.

Banyarwanda  banyarwandakazi, icyo gisubizo  gishimangira  neza  ukuntu  Prezida  P. Kagame  yapanze  kuva  kera  kuzava  k’ubutegetsi  ari  uko  bagaciye, byongeye  kandi  turasanga  arangwa  n’ingengabitekerezo  imaze  kuba  akarande muli  FPR  yo  kuzarekura  ubutegetsi  isize  igaritse  imirambo  itabarika  y’inzirakarengane.

Banyarwanda  banyarwandakazi  rero  hari  impamvu  nyinshi  zituma  Prezida  Paul  Kagame  atifuza  isimburana  ry’ubutegetsi  mu  Rwanda:

  1. Uburyohe bw’ingoma niyo  mpamvu  nyamukuru  ituma  atifuza  kuyivaho  keretse  aciwe  akaboko  kayifashe!  Kuri  we  ni  nkaho  yavuye  ku  bumuntu  akigira  akamana! Arica, agakiza  igihugu  cyabaye  nk’akarima  ke  ku  buryo  hasoroma  umupfukamiye, umupinze  agapfa  yicuza  icyo  yavukiye  ariyo mpamvu  yigize  akaha  kajyahe  arara  amajoro  adasinziriye  atekereza  kucyatuma  arama  ku  butegetsi  n’urubyaro  rumukomokaho.
  2. Prezida Kagame atinya  ko  yazabazwa  ibibi  yakoze, akaba  nayo  ari impamvu  imuremereye! Yafashe  ubutegetsi  yishe  Prezida  Habyarimana  yasimbuye,  ararwana  mpaka  igihugu  akigaruliye  ari ko  agarika  n’ingogo  hakiyongeraho  n’impunzi   z’abahutu  yatsembeye  muli  Congo  n’izindi  cases nyinshi  zitabarika…..prezida   Kagame  rero  ntiyakwifuza  kuba  aka  Taylor  wahoze  ayobora  Liberia.
  3. Bwana Kagame nka  Prezida  usanzwe  arya  icyo  ashatse, ingendo  z’indege  za  buri  gihe  mu  bihugu  ashatse, agatunga  ibyo  yifuza  byose  akoresheje  umutungo  rusange  w’igihugu  yitiranya  n’umufuka  we  sinshidikanya  ko  hari  abo yakwemera  basangira  ubutegetsi  hadakoreshejwe  ingufu  za  gisirikari.

Banyarwanda  banyarwandakazi, murabe  mwumva! gusa  ingero  ni  nyinshi, reka  mbe  mpiniye  aha, aliko  tunazirikane  ko  iminsi  y’umujura  itajya  irenga  mirongo  ine. Prezida  Kagame  ashatse  yafungura  urubuga  rw’ibiganiro  ku  bifuza  ko  ibintu  bihinduka  mu  mahoro  mu  gihugu  cyacu  inzira  zikigendwa. Mugire  amahoro.

Byanditswe  ku  wa  08/05/2016, na:
A.BEN  NTUYENABO, KIGALI-RWANDA.

 

Dr.Dusingizemungu  J.Pierre wa Ibuka  na  Dr.Bizimana  J.Damascène wa CNLG nibo bafite ingengabitekerezo

Dusingizimana na Bizimana

Dusingizimana na Bizimana

Ni  muli  uku  kwibuka  jenoside  yo muli  1994 ku  nshuro  yayo  ya  22  aho  usanga  ahenshi  habereye  uwo  muhango  wo kwibuka izo  nzirakarengane  zahitanywe  n’ayo  mahano  ubona  abayobozi  ba  IBUKA  y’abacitse  ku  icumu   na CNLG  ishinzwe  kurwanya  jenoside  batunga  agatoki  cyane  Kiliziya  Gatolika  nkaho  ariyo nyirabayazana  ya  jenoside!  « Kiliziya  gatolika  ntiyakoze  jenoside ». Nk’idini ryari  ryiganje  mu  gihugu  mbere  ya  1994  twavuga  ko  ari  bamwe  mu  bayoboke  bayo  bateshutswe  bitewe  na kamere-muntu  biroha  muli ubwo  bugizi  bwa  nabi  nk’abandi  bose  muli  rusange! aliko   si  kiliziya  gatolika. L’église  catholique  est  universelle.

Banyarwanda banyarwandakazi, umuyobozi  wa  IBUKA, Dr. Dusingizemungu J.Pierre  yagombye  gutangira  abaza  uwateje  iyo  ntambara  yahitanye  inzirakarengane  zitabarika  mu gihe  gito  kuva  Kagitumba 1990,  kuko  yicaranye  nawe  mu  Rugwiro!  aho  guhindukira  abaza  Kiliziya  gatolika  abahitanywe  nayo!

Bayobozi  ba  IBUKA  na  CNLG  nimureke  gukomeza  gushinyagulira  inzirakarengane  zahitanywe  n’ariya  marorerwa  n’abasigaye  iheruheru, mwemere  munywe  umuti  nubwo  bwose  ushalira  aliko  mubabwire  ukuri  kwose   ku  byabaye  aribwo  buryo  bwa  mbere  bwo  kubafata  imugongo.

Murazi  imigambi  mibisha  yose  kuva  ku  isôko  aho  yacurirwaga  cyane  cyane  mu  gihugu  cy’abaturanyi  cya  Ouganda  kuva  mu  myaka  ya  1980,kugeza  ubwo  hatangizwa  accords  d’Arusha nayo  ikaburizwamo  kandi  yashyizweho  umukono  n’impande  zombi!  yabaye  impfabusa;ibyo  byose  byerekana  inyota  y’ubutegetsi  yarangwaga  n’agatsiko  ka  Prezida Paul  Kagame –APR   utarashakaga  gusangira  ubutegetsi  n’abandi  banyarwanda! ntimukirirwe  rero  mushakira  amata  mu matako  y’injangwe!

Banyarwanda banyarwandakazi, ni  muli  urwo  rwego  kuli  uyu  wa  30 mata  2016, bwana  Dr. Dusingizemungu  Prezida  wa  Ibuka  aho  yari  mu  kunamira  abazize  jenoside  kuri  paroisse  ya  Mibirizi, mu  ijambo  rye  yongeye  kwikoma  Kiliziya  gatolika  avuga  ko  ikwiye  gukora  urugendo  rwo  kwoza  ibiganza  bya  bamwe  mu  basaserdoti  bayo  batatiye  igihango  bagiranye  n’Imana!  nimwiyumvire  namwe! aha  twibaza  impamvu  uyu Dusingizemungu  atabaza  Shebuja Prezida  Paul  Kagame  aho  yari  n’ingabo  ze  kugeza  aho  hicwa  inzirakarengane  bene  kariya  kageni  mu  minsi  ijana  gusa! cyangwa  giti  mu  jisho  uwo, ariwe  Prezida  Kagame  yagendaga  aherekeje  interahamwe  ahitana  icyatsi  n’ururo  cyose  ahuye  nacyo  mu mayira! ubwo  se yaratabaraga  cyangwa  yaramaririzaga!  nibwo  buryo  avuga  se  we  n’ingabo  ze  zari  iza  APR  bahagaritsemo  jenoside !  niyo  mpamvu  yagombye  kubibazwa  nk’umusilikare  wari  umaze  kwiyemeza  no kwemererwa na  ba mpatsibihugu  mu  gutabara  abanyarwanda!

Banyarwanda  banyarwandakazi, mu  kurangiza  iyi  nyandiko  turifuza  ko  Dr. Dusingizemungu  nka  Prezida wa IBUKA  ku  rwego  rw’igihugu  yadusabira  Nyakubahwa  P.Kagame  ko  nawe  yarakwiye  kugira  ikigongwe  akora  urugendo  rwo  kwoza  ibiganza  n’imitemeri  y’imbunda  bya  zimwe  mu  ngabo  ze  zatatiye  igihango  cy’abanyarwanda  mu  kumena  amaraso  yabo  muli  rusange  nay’inzirakarengane   z’abashumba  ba kiliziya  gatolika  kuli  order  ye  by’umwihariko , byongeye tugasaba  ko  bashyingurwa  mu  cyubahiro  kandi  nabo  bakajya  bunamirwa  nk’izindi  nzirakarengane  zose…naho  abiha  gusabira  abakristo  babo  imbabazi  nkaho  bazi  ibiri mu mitima yabo  sinamenya  icyo  bazasubiza  imbere  y’Imana  rurema  igihe  azaba  ababaza  ibyo  bakoze! Bararye  bari  menge! Murakoze.

Byanditswe  ku wa 03/05/2016, na:
A.BEN NTUYENABO, KIGALI-RWANDA.