Padiri Ubald Rugirangoga na Mutezintare Gisimba Damas

Ngicyo  igishya  k’umuryango  Unity  Club  ugizwe  nabahoze  bari  muli  gouvernement  bakaba  batakirimo  bafatanyije  na  Ministeri  y’ubutegetsi  bw’igihugu  bazaniye  abanyarwanda .

Kimwe  n’izindi  techniques  FPR  irimo  gukoresha  mu karangaza  abanyarwanda  kugirango  bahugire  mu kigare  aho  gutekereza  kuhazaza  h’igihugu  cyabo; ubu  hadutse  icyitwa  »ABARINZI  B’IGIHANGO  cumi  na  barindwi( 17) » bari  mu bajonjowe  mu gihugu  hose  bivuga  ko  ari  abantu babaye  inyangamugayo  mu  bikorwa  by’indashyikirwa  ku  byerekeye  imibereho  myiza  y’abaturage  no  kuba  hari  gahunda  zifatika  z’ubumwe  n’ubwiyunge   bagejeje  ku  banyarwanda. Ni  muli  uwo  murongo  FPR  ikomeje  gusesagura  umutungo  w’igihugu  ku  bintu  bidafite  icyo  byungura  abanyarwanda, iryo  jonjora  rikaba  rimaze  gutwara  amafranga  miliyoni  eshatu  z’amanyarwanda  kandi  umuhango  wo guhemba  no  gushimira abo  barinzi   b’igihango  nawo  ukazizihizwa  na  Prezida   Paul  Kagame  kuli  uyu  wa  6/11/2015 bityo nabyo  bikazatwara  akandi  kayabo  k’amafranga   yakagombye  nibura  gufasha  imfubyi  z’abana  babaye mayibobo  zirara  muli za  ruhurura  kubera  kuba zarasezerewe  n’abagiraneza  bazifashirizaga  muli   za  orphelinats  n’ahandi …  biturutse  ku  itegeko   rya  FPR  yita  ngo  ni  ukwigira  kw’abanyarwanda.

Abo  barinzi  b’igihango  bakazahemberwa   mu  ihuliro  rya  8  ry’uwo  muryango  Unity  Club  ugizwe  nabo  bayobozi  bahoze  muli gouvernement  bafatanyije  na  commission  y’ubumwe  n’ubwiyunge  mu  nsanganyamatsiko  yabo  igira  iti : ’’Abarinzi  b’igihango  ni  umujishi  wa  ndi  Umunyarwanda’’.

Mme  Monique   NSANZABAGANWA  umwe  mu bakuriye  umuryango  Unity  club  akaba  yatangarije  itangazamakuru  ko  abarinzi  b’igihango  ari  abantu  bagaragaje  ko  bafite  ubuhamya   bufatika  muli  ndi’’  Umunyarwanda’’ babitangiye  kare   kandi  ko  umubare  wabo  ushobora  kuziyongera  kuko  bigikomeza.

Banyarwanda  banyarwandakazi, gushyiraho  iyo  groupe  y’abarinzi  b’igihango  bashakaga  kwitiranya  ibikorwa  nkiby’abatubanjirije  mu guharanira  ukwishyira  ukizana  mumyaka  ya  za  59  balimo  Dominiko  MBONYUMUTWA, KAYIBANDA , RUSINGIZANDEKWE  Otto, HABAMENSHI  Callixte, MAKUZA  Anastase, HABYARIMANA  Juvenali, n’abandi  ntarondoye…….

ikibabaje  kandi  kinateye  agahinda  nuko  bamwe  mu bana  babo  cyangwa  abakwe  babo  batatiye  igihango  kubera  indamu  zidafite  agaciro bagahitamo  kuyoboka  ingoma  yuzuye  amaraso  mu biganza !  hari  abamaze  guhitanwa  nuwo  muvumo  batari  bake , ababuriwe  irengero, abaririra  mu  myotsi  ntawarondora….n’abasigaye  ntawashidikanya  ko  utabategereje!    Nidusabire  igihugu  cyacu  kuko  ubu  kiri  kumuteremuko! Mubane  n’Imana.

Byanditswe  ku wa   04/11/2015, na:
A.BEN  NTUYENABO, KIGALI-RWANDA.

Soma n’iyi nkuru : Abarinzi b’igihango Padiri Ubald na Gisimba mu mujishi wa Ndi Umunyarwanda